ⵉⴼⴼⵓⵖⴷ ⵢⴰⵏ ⵓⵙⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⴰⵙⵙ ⵏ 24 ⴽⵜⵓⴱⵔ 2022, ⵎⴰⵙ ⴷ ⵜⵜⵓⵙⵔⴰⵙⵏ ⵙⵉⵏ ⴷ ⵎⵔⴰⵡ ⵏ ⵉⵏⴳⵎⴰⵎ ⵏ ⵓⵙⵇⵇⵉⵎ ⵏ ⵜⵏⴳⵎⴰⵎⵜ ⴷ ⵓⵎⴰⵜⴰⵢ ⴰⵏⴼⵍⵓⵙ ⵏⵏⵙ.

 

ⵉⵜⵜⵓⵙⴽⴰⵔ ⵓⵙⵔⵓⵙ ⵏ ⵉⵏⴳⵎⴰⵎⵏ ⵏ ⵜⵏⴳⵎⴰⵎⵜ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏⵏⵙ ⵏⵏⴰ ⵉⵍⵍⴰⵏ ⴰⵙⵙ ⴰⵎⵣⵡⴰⵔⵓ ⵏ ⵏⵓⵡⴰⵏⴱⵉⵔ 2022, ⴹⴰⵕⴰⵜ ⵏ ⵓⵙⴳⵉⵍⵍⵉ ⵏⵏⵙⵏ ⵖ ⵜⵉⵖⵉⵎⵜ ⵜⴰⵎⴰⴷⴷⵓⴷⵜ ⵖ ⵡⴰⵙⵙ ⴰⵏ ⵏⵉⵜ ⵖ ⵜⵙⵏⴱⴹⴰⵢⵜ ⵏ ⵓⵕⵥⵓ.

ⵉⵙⵖⵍⴰⴼ

ⴰⵙⵇⵇⵉⵎ ⵏ ⵓⴳⵔⴰⵡ ⵖ ⵜⴰⵎⴰ ⵏ ⵜⴱⵖⵓⵔⵉⵏ ⵏⵏⴰ ⵢⴰⵙ ⵉⴼⴰ ⵓⵙⵍⴳⵏ, ⴷⴰ ⵉⵙⴽⴰⵔ ⵜⵉⵡⵓⵔⵉⵡⵉⵏ ⴰⴷ ⵢⴰⴹⵏ: ­

 

  • ⵜⵉⵖⵓⵔⵉ ⴷ ⵓⵙⵖⵣⵏ ⵏ ⵜⵏⵜⴰⵎⵉⵏ ⴷ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵍⵍⵉ ⵉⵜⵜⴰⵡⵉ ⵓⵏⵙⵙⵉⵡⴼ ⵏ ⵓⴳⵔⴰⵡ ⵙ ⵓⵙⵇⵇⵉⵎ, ⵓⵍⴰ ⵎⴰⴷ ⵏ ⵜⴰⵡⵡⵉⵏⵜ ⵜⴳⵔⴰⵡⵉⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ­

 

  • ⵜⵉⵖⵓⵔⵉ ⴷ ⵓⵙⵖⵣⵏ ⵏ ⵓⵙⵏⵜⵉ ⵏ ⵓⵖⴰⵡⴰⵙ ⴰⵙⴳⴳⵯⵙⴰⵏ ⵏ ⵜⵡⵓⵔⵉ ⵏ ⵓⴳⵔⴰⵡ ⵏⵏⴰ ⵉⵙⵓⵎⴰⵔ ⵓⵏⵙⵙⵉⵡⴼ ­

 

  • ⴰⵙⵖⵣⵏ ⵏ ⵓⵙⵏⵜⵓ ⵏ ⵜⵎⵙⴰⵙⵜⵍⵜ ⵏ ⵓⴳⵔⴰⵡ ­

 

  • ⴰⴽⴽⴰⵢ ⵏ ⵜⴰⵏⵏⴰⵢⵜ ⵖ ⵜⵖⴰⵡⵙⵉⵡⵉⵏ ⵍⵍⵉ ⴷ ⵜⵓⵣⵏ ⵜⵏⴱⴰⴹⵜ ⵓⵍⴰ ⴰⴱⵕⵍⴰⵎⴰⵏ ⵉ ⵓⴳⵔⴰⵡ ­

 

  • ⴰⴽⴽⴰⵢ ⵏ ⵜⴰⵏⵏⴰⵢⵜ ⵖ ⵉⵙⵏⵜⴰⵢ ⵏ ⵉⴹⵕⵉⵚⵏ ⵉⵙⵍⴳⴰⵏ ⴷ ⵉⵎⴰⴷⴷⴰⵙⵏ ⵉⵙⵜⵉⵏ ⵙ ⵉⴳⵔ ⵏ ⵓⵙⵡⵓⵔⵉ ⵏ ⵓⴳⵔⴰⵡ ­

 

  • ⴰⵙⵖⵣⵏ ⵏ ⵓⵙⵏⵜⵉ ⵏ ⵓⵏⴳⵔⴰⵡ ⴰⴳⵏⵙⴰⵏ ⵏ ⵓⴳⵔⴰⵡ ­

 

  • ⴰⵙⵖⵣⵏ ⵏ ⵓⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵙ ⵉⵎⵙⵖⴰⵏⵏ ⵏ ⵓⴳⵔⴰⵡ ­

 

  • ⴰⵙⵖⵣⵏ ⵏ ⵓⵏⴳⵔⴰⵡ ⵏ ⵜⵏⵎⴰⵇⵇⴰⵙⵉⵏ ­

 

  • ⴰⴷⵔⴰⵡ ⵅⴼ ⵓⵙⵏⵜⵉ ⵏ ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⴷ ⵉⵙⵏⵜⴰⵢ ⵏ ⵜⵣⵔⴰⵡⵉⵏ ⴷ ⵉⵏⵇⵇⵉⵙⵏ ⵍⵍⵉ ⵜⵙⴽⴰⵔ ⵜⵏⴳⵎⴰⵎⵜ ⴷ ⵓⵙⵖⵣⵏ ⵏⵏⵙⵏ ­

 

  • ⴰⴷⵔⴰⵡ ⵅⴼ ⵜⵢⴰⴼⵓⵜⵉⵏ ⵏ ⵜⵣⵔⴰⵡⵉⵏ ⵏⵏⴰ ⵉⵙⴽⴰⵔ ⵓⵙⴰⴹⴰⴼ ⵏ ⵜⵏⴳⵎⴰⵎⵜ ⴷ ⵓⵖⵜⵜⵙ ⵏⵏⵙⵏⵜ