ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵖⵍⴰⴼ
+ ⴳ ⵢⵉⴳⵔ ⵏ ⵓⵣⵓⵣⵣⵔ ⵏ ⵜⵉⵏⴷⵉⵜⵉⵏ ⵏ ⵜⵎⵓⵖⴷⵉ ⴷ ⵡⴰⵔⴰⵢ ⵙⴳ ⵓⴳⵓⴼⵙⵓ
Premier element
Désactivé
1. ⴰⵙⵎⵓⵔ ⵏ ⵉⵙⵡⴰⵍⴰⵜⵏ ⵉⵙⵜⵕⴰⵜⵉⵊⵉⵢⵏ ⵏ ⵜⵙⵔⵜⵉⵜ ⵏ ⵓⵡⴰⵏⴽ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵉⵎⴰⵙⵙⵏ ⴷ ⵉⵙⵡⵓⴷⴷⵓⵜⵏ ⵉⵣⵎⵔⵏ ⵙ ⵓⵣⵣⴳⵉⵔ ⵏⵏⵙⵏ.
2. ⵜⵉⴽⴽⵉ ⵏ ⵜⴰⵏⵏⴰⵢⵜ, ⵙ ⵜⵙⵏⵜⴰⵢⵜ ⵏⵏⵙ, ⵏⵉⵖ ⵙ ⵓⵜⵜⵔ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵎⴰ ⴰⴷ ⵉⵥⵍⵉⵏ ⵙ ⵜⵙⵜⵕⴰⵜⵉⵊⵉⵢⵉⵏ ⵜⵉⵏⴰⵎⵓⵔⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵖⵓⵔ ⵜⴰⵣⴷⴰⵢⵜ ⵜⵓⵙⵔⵉⴷⵜ ⵙ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵙ ⵎⴰ ⴰⴷ ⵉⵥⵍⵉⵏ ⵙ ⵜⵡⵏⴰⵖⵉⵏ ⵏ ⵓⵣⵣⴳⵉⵔ ⵏⵏⵙⵏⵜ.
3. ⴰⵙⵡⵓⵔⵉ ⵅⴼ ⵓⴹⴼⵓⵕ ⵏ ⵓⵣⵣⴳⵉⵔ ⵏ ⵜⵙⵜⵕⴰⵜⵉⵊⵉⵢⵉⵏ ⵜⵉⵏⴰⵎⵓⵔⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵣⴷⵉⵏ ⵙ ⵡⴰⵔⴰⵢ ⵙⴳ ⴷ ⵓⵙⴱⴷⴷⵉ ⵏⵏⵙ, ⴷ ⴳ ⵓⵙⴰⵜⵉ ⵏ ⵓⵙⵎⴰⴷ ⴷ ⵓⵣⴷⴷⵓⵢ ⴰⴽⴷ ⵜⵏⴱⴰⴹⵉⵏ ⴰⴽⴽⵯ ⴷ ⵉⴳⵔⴰⵡⵏ ⵉⵎⵏⵜⴰⵢⵏ.
4. ⵉⵡⵉⵣ ⵅⴼ ⵓⵙⵎⴰⵔ ⵏ ⵜⵙⵜⵕⴰⵜⵉⵊⵉⵢⵏ ⵜⵉⵏⴰⵎⵓⵔⵉⵏ ⵉⵙⵎⴷⵏ ⵉ ⵓⵙⴳⵎⵉ ⴰⵙⴳⵎⴰⵏ ⴷ ⵓⵏⴰⵎⵓⵏ ⵅⴼ ⵜⵉⵏⴷⵉⵜⵉⵏ ⵏ ⵜⵎⵓⵖⴷⵉ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵓⵢⴰ ⴷ ⴳ ⵓⵙⴰⵜⵉ ⵏ ⵜⵓⵛⵛⵕⴽⴰ ⵜⴰⵏⴰⵎⵓⵔⵜ ⵏⴳⵔ ⵓⴳⵔⴰⵡ ⴷ ⵜⵏⴱⴰⴹⵉⵏ ⵜⵉⴳⵏⵙⴰⵙⵉⵏ ⴷ ⵜⵉⵣⵣⵓⵍⴰⵏⵉⵏ ⴷ ⵉⵎⴰⵣⵣⴰⵍⵏ ⴳ ⵢⵉⴳⵔ ⵓⵙⵍⵉⴳ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ.
5. ⴰⵙⵡⵓⵔⵉ ⵅⴼ ⵓⵙⵎⴰⵔ ⵏ ⵉⵎⴰⵏⴰⵔⵏ ⵉⵙⴰⵖⵓⵍⵏ ⵉ ⵓⵙⵏⵎⵍ ⵙ ⵜⵉⵏⴷⵉⵜⵉⵏ ⵏⵜⵎⵓⵖⴷⵉ ⴷ ⵓⵣⵓⵣⵣⵔ ⵏⵏⵙⵏⵜ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⴷ ⵜⵎⵔⵙⴰⵍ ⵢⴰⴹⵏ ⴷ ⵉⴳⵔⴰⵡⵏ ⵉⵣⵓⵏⴰⵏⵏ ⴰⴳⴷⵓⴷⴰⵏⵏ ⴷ ⵓⵙⵍⵉⴳⵏ.
6. ⴰⵙⵔⵓⵙ ⵏ ⵉⵖⴰⵡⴰⵙⵏ ⵏ ⵓⵏⵢⴰⵍⴽⴰⵎ ⴷ ⵓⵙⵡⴳⴳⵯⴹ ⵉ ⵓⵣⵓⵣⵣⵔ ⵏ ⵜⵉⵏⴷⵉⵜⵉⵏ ⵏ ⵜⵎⵓⵖⴷⵉ ⴷ ⵢⵉⵡⵉⵣ ⵅⴼ ⵓⵣⵣⴳⵉⵔ ⵏⵏⵙⵏⵜ ⴳ ⵓⵙⴰⵜⵉ ⵏ ⵓⵙⴳⵎⵉ ⵅⴼ ⵜⵉⵏⴷⵉⵜⵉⵏ ⵏ ⵜⵉⵏⵏⵓⵎⵔⴰ ⴷ ⵜⴷⵍⵙⴰ ⵏ ⵓⴼⵓⵍⴽⵉ ⴰⵎⴰⵜⴰⵢ.
7. ⴰⵙⵎⵏⵉⴷ ⵏ ⴽⵓ ⴰⵙⵖⵍⴰⴼ ⵏⵉⵖ ⵜⴰⵙⵓⵎⵔⵜ ⵉ ⵜⵏⴱⴰⴹⵜ ⵏⵉⵖ ⵉ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⵉⵡⴰⵜⵙ ⴰⵣⵓⵣⵣⵔ ⴷ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏ ⵜⵎⵓⵖⴷⵉ ⴷ ⵜⵎⴰⴼⴰⵡⵜ ⴷ ⵓⵙⴷⵓⵙ ⵏ ⵉⵎⵏⵣⴰⵢ ⵏ ⵜⵉⵏⵏⵓⴱⴹⴰ ⵉⵀⵉⵢⵢⴰⵏ ⴷ ⵜⴷⵍⵙⴰⵏ ⵜⵏⴰⴼⵓⵜ ⵜⴰⵎⴰⵜⴰⵢⵜ ⴷ ⵜⵉⵏⴷⵉⵜⵉⵏ ⵏ ⵜⵉⵏⵏⵓⵎⵔⴰ ⵜⴰⵎⵙⵜⴳⴳⴰⵔⵜ, ⵎⴽⵍⵍⵉ ⵉⵙⵎⵏⵉⴷ ⵓⴳⵔⴰⵡ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵙ ⵓⴱⴷⴷⵉ ⵅⴼ ⵓⵜⵜⵔ ⵏ ⵢⴰⵏ ⴳⵉⵙⵏ, ⵜⵉⵡⵉⵙⵉ ⴷ ⵓⵎⵛⴰⵡⴰⵕ ⴳ ⵢⵉⴳⵔ ⵏ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵣⴷⵉⵏ ⵙ ⵜⵡⵓⵔⵉⵡⵉⵏ ⵏ ⵓⴳⵔⴰⵡ.
8. ⴰⵙⵎⴰⵔ ⵏ ⵓⴱⴷⴷⵉ ⵅⴼ ⵓⵙⵎⴰⵔ ⵏ ⵉⵖⴰⵡⴰⵙⵏ ⵉⵥⵍⵉⵏ ⵙ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵜⴷⵔⴰⵡⵜ ⴳ ⵓⵙⵖⴰⵔⴰ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ, ⴷ ⵓⵙⵡⵓⵔⵉ ⵅⴼ ⵓⵣⴷⴷⵓⵢ ⵏ ⵉⵖⴰⵡⴰⵙⵏ ⴰⴷ, ⴷ ⵢⵉⵡⵉⵣ ⵅⴼ ⵓⴹⴼⵓⵕ ⵏ ⵓⵣⵣⴳⵉⵔ ⵏⵏⵙⵏ, ⵙ ⵜⵡⵉⵙⵉ ⴰⴽⴷ ⵜⵏⴱⴰⴹⵜ ⴰⴽⴽⵯ ⴷ ⵉⴳⵔⴰⵡⵏ ⵉⵎⵏⵜⴰⵢⵏ.
9. ⴰⵙⵎⵏⵉⴷ ⵏ ⴽⵓ ⴰⵙⵖⵍⴰⴼ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵉⴳⵔⴰⵡⵏ ⵉⵎⵏⵜⴰⵢⵏ, ⵙ ⵓⵡⵜⵜⴰⵙ ⵏ ⵜⴷⵔⴰⵡⵜ ⴳ ⵜⵙⵉⵍⴰⵡⵜ ⵏ ⵜⵡⵏⴰⵖⵉⵏ ⴷ ⵉⵖⴰⵡⴰⵙⵏ ⴷ ⵉⵙⵎⴷⵏ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.
10. ⴰⵙⵡⵓⵔⵉ ⵅⴼ ⵓⵣⵓⵣⵣⵔ ⵏ ⵉⵍⵓⴳⵏⵏ ⵏ ⵜⵉⵏⵏⵓⴱⴹⴰ ⵉⵀⵉⵢⵢⴰⵏ ⴷ ⵓⵙⵏⵎⵍ ⵙⵔⵙ, ⵙ ⵓⵙⵎⵙⴰⵙⴰ ⴷ ⵓⵎⵉⵔⵓ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵉⵜⵜⵢⴰⵔⴰⵏ ⴳ ⵓⵎⴰⴳⵔⴰⴷ 157 ⴳ ⵓⴷⵓⵙⵜⵓⵔ, ⴷ ⵉⵎⵏⵣⴰⵢ ⵏ ⵜⵉⵏⵏⵓⴱⴹⴰ ⵏ ⵜⵎⵙⵙⵏⵜⴰⵢ ⴷ ⵜⵎⵙⵎⵓⵏⵉⵏ ⴷ ⵉⴳⵔⴰⵡⵏ ⵉⵣⵣⵓⵍⴰⵏⵏ ⴷ ⵉⵏⵎⴰⵍⵍⴰⵏⵏ ⴷ ⵉⵙⵔⵜⴰⵏⵏ ⴷ ⵜⵎⴰⴼⴰⵡⵜ ⴷ ⵓⵙⵡⵓⴷⴷⵓ ⵏⵏⵙ.
11. ⵜⵉⴳⴳⵉ ⵏ ⵜⵣⵔⴰⵡⵉⵏ ⴷ ⵉⵏⵇⵇⵉⵙⵏ ⵉⵙⴳⵓⵎⴰⵏⵏ ⵅⴼ ⵡⴰⵏⴰⵡⵏ ⵏ ⵓⴳⵓⴼⵙⵓ ⴷ ⵜⴱⵔⵉⴷⵉⵏ ⵏ ⵡⴰⵔⴰⵢ ⴳⵉⵙ, ⴷ ⵓⵙⴱⴷⴷⵉ ⵏⵏⵙ ⴷ ⵓⵣⵓⵣⵣⵔ ⵏⵏⵙ.
12. ⵜⴰⵣⵔⴰⵡⵜ ⵏ ⵉⵏⵇⵇⵉⵙⵏ ⴷ ⵉⴼⴼⵖⵏ ⵙⴳ ⴷⴰⵔ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵏⴰⴹⵉⵏ ⴷ ⵜⵏⴰⵎⵓⵔⵉⵏ ⵉⵣⴷⵉⵏ ⵙ ⵓⵙⵜⴰⵍ ⵏ ⵡⴰⴷⴷⴰⴷ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵡⴰⵔⴰⵢ ⴳⵉⵙ ⴳ ⵜⴳⵍⴷⵉⵜ, ⴷ ⵓⵙⵎⵓⵔ ⵏ ⵜⵎⴳⴳⵉⵢⵉⵏ ⴷ ⵉⵙⵡⵓⴷⴷⵓⵜⵏ ⴷ ⵉⵇⵇⴰⵏⵏ ⵉ ⵓⵙⵖⵓⴷⵓ ⵏ ⵡⴰⴷⴷⴰⴷ ⴰⴷ, ⴷ ⵓⵙⵡⵓⵔⵉ ⵅⴼ ⵓⴹⴼⵓⵕ ⵏ ⵓⵣⵣⴳⵉⵔ ⵏ ⵉⵙⵓⵖⴰⵏ ⵉⴳⵔⴰⵖⵍⴰⵏⵏ ⵏ ⵜⴳⵍⴷⵉⵜ ⴷⵉⵙ ⵉⵣⴷⵉⵏ, ⵙ ⵓⵣⴷⴷⵓⵢ ⵉⴷⵓⵙⵏ ⴰⴽⴷ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵉⴳⵔⴰⵏ ⵉⵎⵏⵜⴰⵢⵏ.
13. ⴰⵙⴽⴰⵔ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⵉⴳⵔⴰⵡⵏ ⵉⴳⴷⵓⴷⴰⵏⵏ ⴷ ⵜⵎⴰⴷⴷⴰⵙⵉⵏ ⵜⵉⵔⵓⵏⴱⴰⴹⵉⵏ ⴷ ⵜⵙⴷⴰⵡⵉⵢⵉⵏ ⴷ ⵡⴰⵎⵎⴰⵙⵏ ⵏ ⵉⵔⵣⵣⵓⵜⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵖⵓⵔ ⵉⵡⵜⵜⴰⵙⵏ ⵉⵎⵎⵔⵡⴰⵙⵏ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵜⴷⵔⴰⵡⵜ ⴳ ⵉⴱⵔⴰⴳⵔⴰⵡⵏ ⵉⴳⵔⴰⵖⵍⴰⵏⵏ ⵖⵓⵔ ⵜⴰⵣⴷⴰⵢⵜ, ⵙⵍⴰⵡⴰⵏ ⴰⴽⴽⵯ ⵉ ⵓⵙⴷⵓⵙ ⵏ ⵉⵙⵡⵓⴷⴷⵓⵜⵏ ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⴱⵓⵖⵍⵓ ⵏⵏⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢ ⴳ ⵢⵉⴳⵔ ⴰⴷ.
14. ⴰⵣⴷⴷⵓⵢ ⵏ ⵜⵡⵓⵔⵉⵡⵉⵏ ⵜⵉⵙⵎⴰⵜⵜⴰⴳⵉⵏ ⵉ ⵜⴷⵔⴰⵡⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⴳ ⵉⵎⵓⵙⵙⵓⵜⵏ ⴷ ⵉⵏⵎⵓⵇⵇⴰⵔⵏ ⴷ ⵜⵙⵎⵓⵏⴰⵢ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴳⵉⵡⵉⵏ ⵉⵣⴷⵉⵏ ⵙ ⵜⵎⵙⴰⵔⵉⵏ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵓⵙⵎⵏⵉⴷ ⵏ ⵉⵙⵖⵍⴰⴼ ⵉ ⵜⵏⴱⴰⴹⵉⵏ ⵜⵉⵎⵥⵍⴰⵢ ⵏ ⵓⵙⵡⵓⴷⴷⵓ ⵉ ⵓⵙⵙⵔⵅⵓ ⵏ ⵓⴹⴼⵓⵕ ⵏ ⵓⵙⵖⵣⵏ ⵏ ⵜⴳⵍⴷⵉⵜ ⵅⴼ ⵜⵎⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵖⵓⵔ ⵜⴰⵣⴷⴰⵢⵜ, ⵏⵉⵖ ⵜⴰⴳⵯⵎⴰⵏⵉⵜ ⵙⵔⵙⵏⵜ, ⵓⵢⴰ ⵙ ⵉⵙⵎⵉⵜⵜⵉⵔⵏ ⴰⴽⴷ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⴱⵕⵕⴰ.
15. ⴰⵙⴽⴰⵔ ⵏ ⵜⵡⵓⵔⵉⵡⵉⵏ ⵏ ⵓⵣⴷⴷⵓⵢ ⴷ ⵓⴹⴼⵓⵕ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵣⵣⴳⵉⵔ ⵏ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⴷ ⵉⴼⴼⵖⵏ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵅⴼ ⵉⵍⵍⴰ ⵓⵙⵖⵣⵏ ⵙⴳ ⴷⴰⵔ ⵍⵎⵖⵔⵉⴱ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.
16. ⴰⵙⵎⵏⵉⴷ ⵏ ⵉⵙⵖⵍⴰⴼ ⵉ ⵜⵓⵎⵙⵉⵙⵜ ⵏ ⵡⴰⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵉⵙⴱⴷⴰⴷ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵜⵎⵢⴰⵇⵇⴰⵏⵉⵏ ⵢⴰⴹⵏ ⵖⵓⵔ ⵜⴰⵣⴷⴰⵢⵜ ⵏⵏⴰ ⵅⴼ ⵉⵙⵖⵣⵏ ⵍⵎⵖⵔⵉⴱ.
+ ⴳ ⵢⵉⴳⵔ ⵏ ⵜⴷⵔⴰⵡⵜ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ
Premier element
Désactivé
1. ⵉⵎⵉⵥ ⵏ ⵉⵎⵚⵉⵕⵉⴹⵏ ⴷ ⵓⵎⵍⴰⵏ ⵉⵥⵍⵉⵏ ⵙ ⵡⴰⴷⴷⴰⴷⵏ ⵏ ⵓⴳⵓⴼⵙⵓ ⵉⵜⵜⵢⴰⵡⴱⴷⴰⵔⵏ ⴳ ⵜⵙⴷⴷⴰⵔⵜ ⵜⴰⵎⵣⵡⴰⵔⵓⵜ ⵏ ⵜⵎⵜⵜⵉ ⵜⵉⵙⵙ 3 ⴰⴼⵍⵍⴰ ⵏⵏⵙ ⴷ ⵜⵣⵔⴰⵡⵜ ⵏⵏⵙⵏ, ⴷ ⵓⵙⵙⵉⴷⴻⴷ ⵙⴳ ⵜⴷⵓⵙⵉ ⵏ ⵉⴳⴳⵉⵜⵏ ⴷ ⵜⵎⵙⴰⵔⵉⵏ ⵏⵏⴰ ⵓⵎⴰⵏ ⴷ ⵉⵎⵙⴰⵙⴰⵏ ⴷ ⵓⵍⵓⴳⵏ ⴼⵍⵍⴰⵙ ⵉⵜⵜⵢⴰⵔⴰⵏ ⴳ ⵜⴳⴳⵓⵔⵜ ⵜⵉⵙⵙ ⴽⴽⵓⵥⵜ ⴳ ⵓⵙⵍⴳⵏ ⴰⴷ, ⴷ ⵓⵙⵎⵏⵉⴷ ⵏⵏⵙ ⵜⵉⵣⵉ ⵏ ⵓⵙⵖⴰⵡⵙⴰ, ⵉ ⵜⵙⴳⴳⵉⵡⵉⵏ ⵉⵜⵜⵡⴰⵢⵥⵍⴰⵢⵏ.
2. ⵉⵎⵉⵥ ⵏ ⵉⵎⵚⵉⵕⵉⴹⵏ ⴷ ⵓⵎⵍⴰⵏ ⵅⴼ ⵡⵓⵏⵓⴼⵏ ⵉⵎⵙⵙⵓⴳⵓⵔⵏ ⴷ ⵉⵥⵕⴼⴰⵏⵏ ⵉⵜⵜⵢⴰⵡⴱⴷⴰⵔⵏ ⴳ ⵜⵙⴷⴷⴰⵔⵜ ⵜⵉⵙⵙ 2 ⵙⴳ ⵜⵎⵜⵜⵉ ⵜⵉⵙⵙ 3 ⴰⴼⵍⵍⴰ ⵏⵏⵙ, ⴷ ⵓⵙⵡⵓⵔⵉ ⵅⴼ ⵜⵣⵔⴰⵡⵜ ⵏⵏⵙⵏ ⴷ ⵢⵉⵎⵉⵥ ⵏ ⵜⵎⴳⴳⵉⵢⵉⵏ ⴷ ⵉⵇⵇⴰⵏⵏ ⴳ ⵓⵙⴽⴽⵉⵏ ⵏⵏⵙⵏ ⵏⵏⴰ ⴷ ⵉⵎⵙⴰⵙⴰⵏ ⴷ ⵓⵏⴱⵉⴹⵏ ⵏ ⵓⵙⵍⴳⵏ ⴰⴷ.
3. ⴰⵙⴽⴰⵔ ⵏ ⵜⵎⴳⴳⵉⵢⵉⵏ ⵏ ⵓⵔⵣⵣⵓ ⴷ ⵉⵙⴰⴳⴳⵯⵏ ⵅⴼ ⵡⴰⴷⴷⴰⴷⵏ ⵏ ⵓⴳⵓⴼⵙⵓ ⵏⵏⴰ ⴷ ⵉⵍⴽⴽⵎⵏ ⴰⴳⵔⴰⵡ, ⵙ ⵓⵎⵙⴰⵙⴰ ⴷ ⵜⵎⴳⴳⵉⵢⵉⵏ ⵉⵜⵜⵢⴰⵔⴰⵏ ⴳ ⵓⵙⵍⴳⵏ, ⴷ ⵓⴽⴰⵎⴷ ⵏ ⵉⵙⴱⴷⴰⴷⵏ ⵏ ⵜⵎⵜⵜⵉ ⵜⵉⵙⵙ 7 ⵉⵣⴷⴰⵔ ⵏⵏⵙ.
4. ⴰⵙⴽⴰⵔ ⵏⵉⵖ ⴰⵜⵜⵔ ⵏ ⵓⵙⴽⴰⵔ ⵙⴳ ⴷⴰⵔ ⵜⵙⴳⴳⵉⵡⵉⵏ ⵎⴽⵏⵏⴰ ⴳⴰⵏⵜ, ⴰⵙⴷⵔⵓ ⵏ ⵓⵔⵣⵣⵓ ⴷ ⵓⵙⴰⴳⴳⵯ ⴳ ⵉⴳⴳⵉⵜⵏ ⵏⵏⴰ ⵉⵜⵜⵓⵙⴷⴷⴰⴷⵏ ⵉ ⵓⴳⵔⴰⵡ ⵙ ⵓⴱⴷⴷⵉ ⵅⴼ ⵉⵙⴼⴽⴰ ⵏⵉⵖ ⵓⵎⵍⴰⵏ ⵏⵉⵖ ⵉⵏⵎⵎⴰⵍⵏ ⵎⴰ ⴰⵙ ⵜⴳⴰ ⴰⴷⴷⴰⴷⵏ ⵏ ⵓⴳⵓⴼⵙⵓ, ⴷ ⵉⵎⵉⵥ ⵏ ⵜⵎⴳⴳⵉⵢⵉⵏ ⴷ ⵉⵇⵇⴰⵏⵏ ⵉ ⵓⵙⵏⵎⵉⵍⵉ ⵏ ⵉⴷⵔⵉⵣⵏ ⵉⵣⵣⵔⴼⴰⵏⵏ ⴳ ⵜⵉⴼⴰⵡⵜ ⵏ ⵜⵢⴰⴼⵓⵜⵉⵏ ⵏⵏⴰ ⵉⵍⴽⵎ.
5. ⴰⵙⴽⴰⵔ ⵙ ⵓⵜⵜⵔ ⵏⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵜⵉⵎⴳⴳⵉⵜ ⵏ ⵓⵔⵣⵣⵓ ⴰⵎⵙⵙⵓⴳⵓⵔ ⴳ ⵜⵎⵙⴰⵔⵉⵏ ⵥⵍⵉⵏⵉⵏ ⵏⵏⴰ ⵢⵓⵎⴰⵏ ⵉⵏⵎⵎⴰⵍⵏ ⵅⴼ ⵜⵉⵍⵉⵜ ⵏ ⵉⵅⵓⴹⴰⵏ ⵏ ⵓⴳⵓⴼⵙⵓ, ⴷ ⵜⵉⴳⴳⵉ ⵏ ⵉⵏⵇⵇⵉⵙⵏ ⴰⵔ ⵜⵜⵢⴰⵡⴼⴽⴰⵏ ⵉ ⵜⵏⴱⴰⴹⵜ ⵏⵏⴰ ⵉⵜⵜⵔⵏ ⵜⵉⵎⴳⴳⵉⵜ ⵏ ⵓⵔⵣⵣⵓ ⵉⵜⵜⵢⴰⵡⴱⴷⴰⵔⵏ.