ⵖ ⵡⴰⵙⵙ ⴰⴷ ⴰⴼⵔⵉⵇⵉ ⴰⵎⴰⵥⵍⴰⵢ, ⵏⵏⴰ ⵖ ⵏⵙⴼⵓⴳⵍⵓ ⵜⴰⵙⵓⵜⵍⵜ ⵜⵉⵙⵙ ⵡⴰⴳⵏⴰⵔ ⴷ ⵙⵉⵏ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⴰⴹⴰ ⴰⴼⵔⵉⵇⵉ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵓⵔ ⴰⵖ ⵉⵍⵍⵉⵇ ⵖⴰⵙ ⴰⴷ ⵏⵙⴽⵔ, ⵙ ⵜⴰⴳⵔⴰⵡⵜ, ⵢⴰⵏ ⵓⴳⴷⵓⴷ ⵉⴷⵓⵙⵏ ⵏ ⵜⵍⴰⵍⵉⵜ ⴷ ⵜⵎⵙⵙⵓⴳⵓⵔⵜ, ⵏⵙⵎⴰⵢⵏⵓ ⵜⴰⵡⵓⵔⵉ ⵏ ⵓⵎⵛⴰⵡⴰⵕ ⴰⴷⴷⵓⵙ ⴷ ⴰⵎⵖⵍⴰⵍ ⴳ ⵓⵎⵏⵖⵉ ⵏ ⵡⴰⵜⵉⴳ ⴷ ⵜⵍⴻⵍⵍⵉ ⵎⴳⴰⵍ ⵏ ⵓⵙⴳⵓⴼⵙⵓ ⴷ ⵜⵓⵚⴽⴰ ⵏ ⵢⴰⵏ ⵓⵎⴷⵢⴰ ⵏ ⵜⴳⵎⵉ ⴰⵣⵔⴼⴰⵏ ⵉⴱⵉⴷⴷⵏ ⵅⴼ ⵜⵣⴷⴳⵉ ⴷ ⵜⵏⴱⴰⴹⵜ ⵏ ⵓⵣⵔⴼ.

ⵉⴳⴰ ⵓⵙⴳⵓⵎ ⵏ ⵓⵙⴳⴳⵯⴰⵙ ⴰⴷ, ⵏⵏⴰ ⵉⵙⵜⴰⵢ ⵓⵙⵇⵇⵉⵎ ⴰⵎⵛⴰⵡⴰⵔ ⵏ ⵜⴰⴹⴰ ⵜⵉⴼⵔⵉⵇⵉⵢⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵃⵎⴰ ⴰⵙⴼⵓⴳⵍⵓ ⵙ ⵡⴰⵙⵙ ⴰⴷ: " ⴰⵙⴷⵓⵙ ⵏ ⵡⴰⴷⴷⵓⵔ ⵏ ⵓⴼⴳⴰⵏ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ", ⴷ ⴰⵔ ⵜⵜⵉⵏⵉⵖ ⵉⵙ ⵓⵔ ⵉⴳⵉ ⵖⴰⵙ ⵢⴰⵏ ⵓⵙⴳⵓⵎ ⵉⵣⵔⵉⵏ, ⵎⴰⵛⴰ ⵉⴳⴰ ⴰⵡⵏⵏⵉ ⵏ ⵢⴰⵜ ⵜⵉⵣⵉ ⵏ ⵓⴼⵔⴰⴽ ⴰⴳⴷⵓⴷⴰⵏ, ⴷ ⵢⴰⵜ ⵜⵉⵔⴰⵜ ⵜⴰⵅⴰⵜⴰⵔⵜ ⵉ ⵓⵙⵏⴼⵍ ⵏ ⵜⵣⵎⵎⴰⵔ ⵏⵏⵖ ⵜⵉⵏⴰⵎⵓⵔⵉⵏ ⴳ ⵜⵙⴳⴰ ⵏ ⵉⴼⵔⵉⵇⵢⴰ, ⴷ ⵓⵙⵡⴰⵍⴰ ⵏ ⵓⴼⴳⴰⵏ, ⴰⵎⵎ ⵓⵡⵜⵜⴰⵙ ⴷ ⵜⴳⵉⵔⴰ ⵏ ⴽⵓ ⴰⴱⵔⵉⴷ ⴰⵙⴳⵎⴰⵏ. 

ⵉⴳⴰ ⵓⵙⴳⵓⵎ ⵏ ⵓⵙⴳⴳⵡⴰⵙ ⴰⴷ, ⵏⵏⴰ ⵉⵙⵜⴰⵢ ⵓⵙⵇⵇⵉⵎ ⵏ ⵓⵙⵇⵉⵎ ⵏ ⵜⵎⵓⵏⵜ ⵜⵉⴼⵔⵉⵇⵉⵜ ⵎⴳⴰⵍ ⵏ ⵜⴽⵓⵔⴱⵓⵜ, ⴰⴼⴰⴷ ⴰⴷ ⵉⵙⴼⵓⴳⵍⵓ ⵙ ⵡⴰⵙⵙ ⴰⴷ: " ⴰⵙⴷⵓⵙ ⵏ ⵓⴷⵔⴰⵔ ⵏ ⵓⴼⴳⴰⵏ ⴳ ⵓⵎⵏⵣⴰⵖ ⵏ ⵜⴽⵓⵔⴱⵓⵜ ", ⴷ ⴰⵔ ⵜⵜⵉⵏⵉⵖ ⵉⵙ ⵓⵔ ⵉⴳⵉ ⵖⴰⵙ ⵢⴰⵏ ⵓⵙⴳⵓⵎ ⵏ ⵜⴽⵓⵔⴱⵓⵜ, ⵎⴰⵛⴰ ⵉⴳⴰ ⴰⵡⵏⵏⵉ ⵏ ⵢⴰⵜ ⵜⵉⵣⵉ ⵏ ⵜⵏⴰⴳⵔⵉⵜ ⵜⴰⴳⴷⵓⴷⴰⵏⵜ, ⴷ ⵢⴰⵜ ⵜⵉⵔⴰⵜ ⵜⴰⵅⴰⵜⴰⵔⵜ ⵉ ⵓⵙⵏⴼⵍ ⵏ ⵡⴰⵎⵎⴰⵙ ⵏ ⵜⵣⵎⵎⴰⵔ ⵏⵏⵖ ⵜⴰⵏⴰⵎⵓⵔⵜ ⴳ ⵜⵙⴳⴰ ⵏ ⵉⴼⵔⵉⵇⵢⴰ, ⴷ ⴰⴷ ⵜ ⵏⵙⴱⵉⴷⴷ ⵅⴼ ⵓⴼⴳⴰⵏ, ⴰⵎⵎ ⵓⵡⵜⵜⴰⵙ ⴷ ⵜⴳⵉⵔⴰ ⵏ ⴽⵓ ⴰⴱⵔⵉⴷ ⴰⵙⴳⵎⴰⵏ. 

ⴰⵙⴳⵓⴼⵙⵓ ⵖⵉⴽⵍⵍⵉ ⵏⵙⵙⵏ ⴽⵓⵍⵍⵓ, ⵓⵔ ⴷ ⵖⴰⵙ ⵉⵙ ⴰⴷ ⵉⵜⵜⵕⵥⵥⴰ ⵜⵉⵎⵔⵙⴰⵍ, ⵎⴰⵛ ⴷⴰ ⵉⵙⵏⵀⴱⴱⵉⵔ ⴰⴷⴷⵓⵔ ⵏ ⵎⵉⴷⴷⵏ, ⴷ ⵉⵏⵍⵎⴰⴹⵏ ⴰⴷ ⵉⵜⵜⴳⴳⴰⵏ ⵓⵏⴳⵉⵙⵏ ⵏⵏⵙ ⵉⵎⵣⵡⵓⵔⴰ. ⵎⴰ ⴰⴷ ⵉⴳⴰⵏ ⵜⵓⵔⴷⴰ ⵏ ⵓⵎⵓⵙⵙⵓ ⴰⵎⵓⵍⵍⵉ ⵃⵎⴰ ⴰⵙⵏⴼⵍ ⵙ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵜ ⵏ ⵓⵙⴳⵓⴼⵙⵓ ⵖ ⵓⵎⵏⴰⴹ ⴰⴼⵔⵉⵇⵉ, ⴷ ⵓⵍⴰ ⴰⵙⵡⵓⵔⵉ ⵖ ⵉⴳⵔ ⴰⴷ ⵓⵔ ⵖⵉⵔ ⵙ ⵓⵙⵍⴳⵏ ⵙ ⵜⵖⴰⵔⴰⵙⵜ ⵜⴰⵜⵉⵇⵏⵉⵜ, ⵎⴰⵛ ⴰⴷ ⴳⵉⵙ ⵏⵙⴽⵔ ⵢⴰⵏ ⵓⵎⵏⵖⵉ ⵃⵎⴰ ⴰⵃⵟⵟⵓ ⵏ ⵜⵏⴰⴷⴰⵜⵉⵏ ⵜⵉⵏⴼⴳⴰⵏⵉⵏ ⵏⵏⴰ ⵉⵜⵜⴰⵍⵏ ⴰⴷⴷⵓⵔ ⴷ ⵓⵙⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵉⵙⴷⴷⵉⴷ ⵍⵎⵖⵔⵉⴱ ⵖ ⵜⵙⵏⵜⴰⵢⵜ ⵏⵏⵙ ⵜⴰⵎⴰⴹⵍⴰⵏⵜ ⵜⴰⵎⴳⴳⴰⵔⵓⵜ ⵖ ⵓⵙⵇⵇⵉⵎ ⵏ ⵉⵣⵔⴼⴰⵏ ⴳ ⵊⵉⵏⵉⴼ, ⵎⴰⵙ ⴷ ⴰⵙⴱⴷⴷⵉ ⵏ ⵓⵙⴳⵓⴼⵙⵓ ⵓⵔ ⵉⴱⴹⴰ ⴷ ⵉⵎⵏⵖⵉ ⵏ ⵜⵣⵔⴰⴼⵜ ⵜⴰⵏⴰⵎⵓⵏⵜ, ⴷ ⵓⵍⴰ ⴼ ⵓⴱⵔⵉⴷ ⵏ ⵜⵙⴳⵎⵉ ⵜⴰⵙⵓⵍⴰⵏⵜ ⴷ ⵜⵙⵓⵙⵖⵜ ⴷ ⵓⵙⵙⴷⵓⵙ ⵏ ⵓⵡⴰⵏⴽ ⵏ ⵓⵣⵔⴼ ⴷⵓⵃⵟⵟⵓ ⵏ ⵡⴰⴷⴷⵓⵔ ⴷ ⵉⵣⵔⴼⴰⵏ. 

ⴰⵙⵙ 11 ⵢⵓⵍⵢⵓⵣ ⵓⵔ ⵉⴳⴰ ⵖⴰⵙ ⵜⵉⵣⵉ ⵏ ⵓⵙⴼⵓⴳⵍⵓ, ⵎⴰⵛ ⵉⴳⴰ ⵜⴰⵎⵍⴷⴰ ⵏ ⵓⵍⵖⵓ ⴼ ⵜⵙⵓⵍⴰⵏⵜ ⵏ ⵜⵡⵓⵔⵉ, ⴷ ⵓⵙⵏⴼⵍ ⵏ ⵓⵎⵉⵔⵓ ⴰⵖⵣⴰⵏ ⴷ ⵓⵏⴰⵎⵓⵔ, ⴷ ⵓⵙⵓⴼⵓ ⵉ ⵜⵏⴰⴷⴰⵜⵉⵏ ⵏ ⵡⴰⴷⴷⵓⵔ, ⵖⵉⴽⵍⵍⵉ ⵉⴳⴰ ⵜⴰⵎⵍⴷⴰ ⵏ ⵜⵡⵓⵔⵉ ⵜⴰⵎⴳⵔⴰⵡⵜ ⴷ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵖ ⴽⴽⵓ ⵜⵎⵔⵙⴰⵍ ⵎⵎⵔⵡⴰⵙⵏⵉⵏ. 

ⵖⵉⴽⵍⵍⵉ ⵏⴼⵍⵙ ⵎⴰⵙ ⴷ ⴽⴽⵓ ⵜⴰⵙⴰⵜⵜⵓⵢⵜ ⵖ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⴳⴰ ⵢⴰⵏ ⵜⴰⵏⵔⴰⵡⵜ ⵉ ⵡⴰⴷⴷⵓⵔ ⴰⵏⴼⴳⴰⵏ, ⴷ ⵢⴰⵜ ⵜⵙⵓⵔⵓⴼⵜ ⵙ ⵡⴰⵎⵓⵏ ⴰⵏⵣⵔⴰⴼ ⴷ ⵓⵙⵓⵎⵓ, ⵖⴰⵢⴰⵏ ⴰⴼ ⴰⵙⵔⵓⵙ ⵏ ⵓⴼⴳⴰⵏ ⵖ ⵡⴰⵎⵎⴰⵙ ⵏ ⵉⵎⵉⵖⵉ ⵏ ⵜⵣⴷⴳⵉ, ⴷ ⴰⵙⵡⵓⵔⵔⵉ ⵏ ⵡⴰⴷⴷⵓⵔ ⵏ ⵓⵏⴰⵎⵓⵔ ⴷ ⵓⵙⵙⴷⵓⵙ ⵏ ⵜⵎⵢⴰⵎⴰⵏⵜ ⵖ ⵜⵎⵔⵙⴰⵍ, ⵖ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵎⴰⵛ ⵓⵔ ⴷ ⵖⴰⵙ ⵖ ⵜⵎⵍⴷⵉⵡⵉⵏ ⵎⴰⵛ ⵖ ⵢⴰⵏ ⵓⵣⴰⵖⵣ ⴰⵙⵓⵍⴰⵏ ⴰⵎⴰⴳⵔⴰⵡ ⴰⵙⵓⵍⴰⵏ, ⵉⵙⴱⴰⵢⴰⵏⵏ ⵢⴰⵏ ⵓⴼⵔⴰⴽ ⴰⵎⵍⵜⴰⵖ ⵙ ⵓⵎⵡⴰⵊⵊⴱ ⵏ ⵓⵃⵟⵟⵓ ⵏ “ⵡⴰⴷⴷⵓⵔ ⵏ ⵓⴼⴳⴰⵏ” ⵖ ⵉⴼⵔⵉⵇⵢⴰ ⵣⵓⵏⴷ ⴽⵓⵍⵍⵓ ⵜⴰⵙⴳⵉⵡⵉⵏ ⵏ ⵓⵎⴰⴹⴰⵍ. 

ⵎⵓⵃⵎⵎⴰⴷ ⴱⵏ ⵄⵍⵉⵍⵓ 

ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ