ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴳ ⵓⵎⵙⴰⵙⴰ ⴰⴽⴷ ⵉⵡⵉⵣ ⵏⵏⵙ ⵅⴼ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴳⵔ ⵉⵄⵔⵔⵉⵎⵏ, ⴷ ⵓⵙⵎⵔⵃⴱ ⵏⵏⵙ ⵙ ⵜⵙⵏⵜⴰⵢⵉⵏ ⵉⵣⴷⵉⵏ ⴷ ⵓⵙⴷⵓⵙ ⵏ ⵜⵏⴰⵎⵓⵔⵜ, ⵉⴷⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵢⴰⵜ ⵜⵉⵔⵎⵉⵜ ⵜⴰⵎⴰⵢⵏⵓⵜ ⵏ ⵓⵙⵎⴽⵍ ⵏ ⵜⵣⵔⴼⵜ, ⵉⵜⵜⵓⵙⵏⵎⴰⵍⴰⵏ ⴳ ⵡⵓⵙⵙⴰⵏ ⵏ 16 ⴷ 17 ⵉⵏⵏⴰⵢⵔ 2026, ⵙ ⵜⴷⵔⴰⵡⵜ ⵏ 250 ⵏ ⵉⵏⵍⵎⴰⴷⵏ ⵙⴳ ⵎⵏⵏⴰⵡ ⵏ ⵜⵎⵔⵙⴰⵍⵉⵏ ⵏ ⵓⵙⵙⵍⵎⴷ.
ⵜⵉⵔⵎⵜ ⴰⴷ ⵜⴳⴰ ⴰⵙⵏⵎⴰⵍⴰ ⵏ ⵓⵚⴰⵕⴰⴹ ⴰⵏⵣⵔⴰⴼ, ⵖ ⵎⴰⴷ ⵉⵥⵍⵉⵏ ⵙ ⵓⵙⴳⵓⴼⵙⵓ, ⵏⵏⴰ ⴳ ⵙⴽⵔⵏ ⵉⵎⵍⵎⴰⴷⵏ ⵜⵉⵍⴰⵍ ⵎⵢⴰⵏⴰⵡⵏⵉⵏ ⵏ ⵉⵚⴰⵕⴰⴹⵏ ⴰⴷ, ⵃⵎⴰ ⴰⴷ ⵥⴹⴰⵕⵏ ⴰⴷ ⵙⵙⵍⵎⴰⴷⵏ, ⵙ ⵢⴰⵜ ⵜⴱⵔⵉⴷⵜ ⵜⴰⵡⵡⵓⵔⵉ, ⵎⴰⵎⴽ ⴷⴰ ⵜⵙⵡⵓⵔⵉ ⵜⵣⵔⴼⵜ, ⴷ ⴰⴷ ⵙⵙⴷⵓⵙⵏ ⵜⵓⵙⵙⵏⴰ ⵏⵏⵙⵏ ⵅⴼ ⵡⴰⵜⵉⴳⵏ ⵏ ⵜⵣⵔⴼⵜ.
ⵜⵕⵥⵎ ⵜⵙⵏⵜⴰⵢⵜ ⴰⴷ ⵢⴰⵜ ⵜⵉⵏⴰⵡⵜ ⵍⵍⵉ ⵢⴼⴽⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ, ⵍⵍⵉ ⴳⵉⵙ ⵉⵙⴷⴷⵉⴷ ⵅⴼ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵓⵚⴽⴰ ⵏ ⵢⴰⵜ ⵜⵏⴰⵎⵓⵏⵜ ⵜⴰⵢⵎⵓⵏⵜ ⵉⴱⴷⴷⵏ ⵅⴼ ⵡⴰⵜⵉⴳⵏ ⵏ ⵜⵣⴷⴳⵉ, ⴷ ⵉⵙⴷⴷⵉⴷ ⵅⴼ ⵓⵙⴽⵛⵎ ⵏ ⵡⴰⵜⵉⴳⵏ ⴰⴷ ⴳ ⵜⴱⵔⵉⴷⵉⵏ ⵏ ⵓⵙⵍⵎⴷ ⴰⴼⴰⴷ ⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⴷ ⵓⵙⴷⵓⵙ ⵏ ⵜⴱⴷⴰⴷⵜ ⴷ ⵜⵎⵙⵙⵓⴳⵓⵔⵜ.
ⴷⴼⴼⵉⵔ ⵏ ⵜⵉⵏⴰⵡⵜ ⴰⴷ, ⵜⵜⵓⵙⴽⴰⵔ ⵢⴰⵜ ⵜⵙⵇⵇⵉⵎⵜ ⵜⴰⵎⵢⴰⵖⵜ ⵉⵜⵜⵓⵙⵎⴳⴰⵍⵏ ⵙ ⵜⵖⴰⵡⵙⵉⵡⵉⵏ ⵏ ⵜⵣⵔⴼⵜ ⴳ ⵡⴰⵎⵓⵏ, ⴷ ⵜⵉⵍⴰⵍⵜ ⵏ ⵓⵎⵢⴰⵡⴰⴹ ⴳ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⵔⴼⵜ ⴷ ⵜⵣⴷⴳⵉ, ⴷ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⵜⴰⴳⴷⵓⴷⴰⵏⵜ ⵖ ⵡⴰⵔⴰⵢ ⵙⴳ ⵓⵙⴳⵓⴼⵙⵓ.
ⵜⴽⵎⵎⵍ ⵜⵓⵙⵎⵉⵔⵜ ⴰⴷ ⵙ ⵢⴰⵜ ⵜⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵉⵏ ⵉ ⵡⵉⵏⵏⴰ ⵉⵙⴽⵔⵏ ⵜⵉⵡⵓⵔⵉⵡⵉⵏ ⵉⵖⵓⴷⴰⵏ, ⴷ ⵓⵙⴷⵓⵙ ⵏ ⵜⴱⵔⵣⴰ ⴷ ⵓⵙⵏⴼⵍⵓⵍ ⵏ ⵉⵏⵍⵎⴰⴷⵏ ⵃⵎⴰ ⴰⴷ ⵙⵓⵍ ⵙⴽⵔⵏ ⵜⵉⵍⴰⵍⵜ ⵉⵖⵓⴷⴰⵏ ⴳ ⵜⵙⵏⵜⴰⵢⵉⵏ ⵏ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
25/02/2026
ⵉⵎⴳⴳⵉⵡⵙⵏ ⵏ ⵓⵥⵕⴼ ⵉⵙⵎⴰⵜⵜⴰⴳⵏ ⴳ ⵢⴰⵏ ⵓⵔⵣⴰⴼ ⵉ ⵓⵙⵖⵉⵎ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
استقبلت الهيئة الوطنية للنزاهة والوقاية من الرشوة ومحاربتها، يوم الأربعاء 25 فبراير 2026، وفدًا يضم 18 مفتشًا متدربًا تابعين للمفتشية العامة للمالية، وذلك في إطار زيارة تكوينية تهدف إلى تمكين هذه الف…
13/02/2026
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ 13 ⴱⵕⴰⵢⵕ 2026, ⵢⴰⵜ ⵜⵙⵎⵓⵏⵉ ⵜⴰⴷⵍⵙⴰⵏⵜ ⴷ ⵜⴰⵡⵏⴳⵉⵎⵜ, ⵏⵏⴰ ⵉⵙⵏⵓⴱⴳ ⵓⵙⵉⵏⴰⴳ ⴰⵏⴰⵎⵓⵔ ⴰⵏⴰⴼⵍⵍⴰ ⵏ ⵓⵥⴰⵡⴰⵏ ⴷ ⵜⵥⵓⵕⵉ ⵜⴰⴽⵓⵔⵉⴳⵔⴰⴼⵉⵜ ⴳ ⵕⵕⴱⴰⵟ, ⵙ ⵜⴷ…
10/02/2026
ⵉⵜⵜⵓⵙⴳⵎⴹ ⴰⵙⵙ ⵏ ⵓⵙⵉⵎⵡⴰⵙ 10 ⴱⵕⴰⵢⵕ 2026, ⴳ ⵕⵕⴱⴰⵟ, ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵙⴰⵙⴰ ⴳⵔ ⵓⴳⵔⴰⵡ ⴰⵏⴰⵎⵓⵔⵜ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵔⴰⵜⵉⵊⵉ ⵏ ⵓⴼⵕⵕⵓ ⵏ ⵓⵡⴰⵏⴽ ⴷ…