ⵜⵉⵡⵓⵔⵉⵡⵉⵏ

ⴰⴳⵔⴰⵡ ⴰⵏⴰⵎⵓⵔ ⵉ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⴰⴳⵔⴰⵡ ⴰⴷⵙⵜⴰⵔ ⴰⵙⵉⵎⴰⵏ ⵙ ⵜⵖⴰⵔⴰⵙⵜ ⵏ ⵓⵎⴰⴳⵔⴰⴷ 159 ⵙⴳ ⵓⴷⵓⵙⵜⵓⵔ ⵏ 2011 ⵏⵏⴰ ⵉⵜⵜⵢⴰⵔⴰⵏ ⵙ ⵜⵡⵉⵍⴰ ⵜⴰⵎⴰⵜⴰⵢⵜ ⵅⴼ ⵜⵙⵉⵎⴰⵏⵜ ⵏ ⵉⴳⵔⴰⵡⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵏⴱⴰⴹ ⵉⵖⵓⴷⴰⵏ ⵍⵍⵉ ⴷ ⵢⵓⵛⴽⴰⵏⴳ ⵜⴳⴳⵓⵔⵜ ⵜⵉⵙⵙ ⵙⵏⴰⵜ ⴷ ⵎⵔⴰⵡ. ⵉⵜⵜⵓⵚⴽⴰ ⵙ ⵜⵖⴰⵔⴰⵙⵜ ⵏ ⵓⵎⴰⴳⵔⴰⴷ 36 ⵏⵏⴰ ⵉⵙⵙⵉⵔⵉⵡⵏ ⵉⴳⵔⴰⵏ ⵏ ⵓⴽⵛⵛⵓⵎ ⵏⵏⵙ ⴰⴼⴰⴷ ⴰⴷ ⵜⴰⵎⵓ ⴰⵏⴰⵡⵏ ⴰⴽⴽⵯ ⵏ ⵡⵓⵏⵓⴼ ⵉⵣⴷⵉⵏ ⴷ ⵜⵉⵍⴰⵍⵜ ⵏ ⵜⵎⵙⵙⵓⴳⴰⵔ ⴷ ⵉⴳⵔⴰⵡⵏ ⵉⴳⴷⵓⴷⴰⵏⵏ, ⴷ ⵡⴰⴷⴷⴰⴷⵏ ⵏ ⵜⵎⵣⴰⵖⵜ ⵏ ⵜⵏⵓⴼⴰ, ⴷ ⵓⵙⵢⴰⴼⴰ ⵏ ⵓⵎⵍⴰⵏ ⵉⵕⵥⵥⴰⵏ ⵜⴰⵖⵏⵏⴰⵏⵜ ⵜⴰⵎⵣⴷⴰⴳⵜ.

ⵎⴽⵍⵍⵉ ⵜⵥⵍⵉ ⵜⵎⵜⵜⵉ 167 ⵜⵉⵙⵎⵉⴳⴰⵍ ⴷ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵏⴳⵔ ⴰⵥⵟⵟⴰ ⴰⵎⵔⵙⴰⵍ ⴰⵏⴰⵎⵓⵔ, ⵉⵜⵜⵓⵙⵏⴰⵍ ⴰⵙ ⵜⵉⵙⵎⵉⴳⴰⵍ ⵏ ⵜⵙⵏⵜⴰⵢⵜ ⴷ ⵓⵣⴷⴷⵓⵢ ⴷ ⵢⵉⴱⴷⴷⵉ ⵅⴼ ⵜⵏⴼⵔⵓⵜ ⵏ ⵓⴹⴼⵓⵕ ⵏ ⵓⵣⵣⴳⵉⵔ ⵏ ⵜⵙⵏⵜⴰⵢ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵢⵉⵎⵉⵥ ⴷ ⵓⵣⵓⵣⵣⵔ ⵏ ⵓⵎⵍⴰⵏ ⴳ ⵢⵉⴳⵔ ⴰⴷ, ⴷ ⵜⴷⵔⴰⵡⵜ ⴳ ⵓⵙⵖⴰⵔⴰ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ, ⴷ ⵓⵙⴷⵓⵙ ⵏ ⵉⵎⵏⵣⴰⵢ ⵏ ⵓⵏⴱⴰⴹ ⵉⵀⵉⵢⵢⴰⵏ, ⴷ ⵜⴷⵍⵙⴰ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ, ⴷ ⵜⵉⵏⴷⵉⵜⵉⵏ ⵏ ⵜⵉⵏⵏⵓⵎⵔⴰ ⵜⴰⵎⵙⵜⴳⴳⴰⵔⵜ.

ⵙ ⵓⵣⵣⵉⴳⵣ ⵏ ⵉⵙⴱⴷⴰⴷ ⴰⴷ ⵉⴷⵙⵜⴰⵔ ⴷ ⵓⵣⵣⴳⵉⵔ ⵏ ⵜⵎⵙⵉⵔⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵙⵖⵣⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⵉ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵉⵜⵜⵓⵙⵖⵜⵙ ⵓⵙⵍⴳⵏ 19.46 ⵉⵣⴷⵉⵏ ⵙ ⵓⴳⵔⴰⵡ ⴰⵏⴰⵎⵓⵔ ⵉ ⵜⵣⴷⴳⵉ (ⵜⵎⵓⵖⴷⵉ) ⴷ ⵡⴰⵔⴰⵢ ⵙⴳ ⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵙ ⵓⵙⵏⵖⴷ ⴷ ⵓⴼⵔⵓⵔⵉ ⵏ ⵜⵙⵎⵉⴳⴰⵍ ⵜⵉⴷⵙⵜⴰⵔ ⴷ ⵢⵉⴳⵔⴰⵏ ⵏ ⵓⴽⵛⵛⵓⵎ ⴷ ⵜⵙⴷⴷⴰⵙⵜ ⵏ ⵉⵎⴰⵙⵙⵏ ⵏⵏⵙ.