ⵉⵏⵏⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵉ ⴽⵓ ⵉⵎⴳⴳⴰⵢⵏ ⴷ ⵉⵏⵎⵓⵔⴰ ⴰⴷ ⵙⴽⵔⵏ ⴳ ⵜⵣⴷⴳⵉ ⵢⴰⵜ ⵜⵎⵔⵉⵙⵜ ⵜⴰⵎⴳⵔⵓⵜ ⵏⵏⴰ ⵉⴹⴼⵕⵏ ⵜⵉⵎⵀⴰⵍ ⴰⴽⴽⵯ ⵜⵉⵏⵙⵜⴰⵢⵉⵏ ⴳ ⵉⵙⵜⴰⵢⵏ ⵓⵣⵔⵉⴼⵏ ⵏⵏⴰ ⵔⴰⴷ ⵉⵜⵜⵓⵙⴽⵉⵔ 23 ⵛⵓⵜⴰⵏⴱⵉⵔ 2026. 

ⵉⵙⴷⴷⵉⴷ ⵓⴳⵔⴰⵡ ⴳ ⵉⵥⵕⵉ ⵏⵏⵙ ⴰⵎⵔⵙⴰⵍ ⴳ ⵢⵉⴳⵔ ⵏ ⵜⵣⴷⴳⵉ ⵏ ⵉⵙⵜⴰⵢⵏ ⴷⴷⵓ ⵓⵣⵡⵍ " ⵜⴰⵣⴷⴳⵉ ⵏ ⵉⵙⵜⴰⵢⵏ ⵜⴰⵎⴰⵙⴰⵢⵜ ⵜⴰⵎⴰⵣⴰⵔⵜ ⴷ ⵜⴷⵔⴰⵡⵜ ⵉⵣⴷⴳⵏ ⴷ ⵜⴰⵔⵙⵍⵜ ⵏ ⵜⴼⵍⵙⵜ ⴳ ⵓⵙⵜⴰⵢ ⴰⴷⵉⵎⵓⵇⵕⴰⵟⵉ" ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵢⴰⵏ ⵓⴷⵔⴰⵡ ⵉⵍⴻⵍⵍⵉ ⵉⴼⵔⴽⵏ ⵉⴳⵏ ⴰⵎⵙⵜⴳⴳⴰⵔ ⴷ ⴰⵔ ⴳⵉⵙ ⵉⵜⵜⵉⵍⵉ ⵓⵙⵜⴰⵢ ⵙ ⵓⵎⵙⴰⵙⴰ ⴷ ⵜⵉⵔⵉⵜ ⵓⵔ ⴷ ⵅⴼ ⵚⴰⵃⴰ ⴷ ⵉⵎⵙⵍⵉ ⴰⵔ ⵉⵎⵎⴰⵍ ⵜⵉⵔⵉⵜ ⵜⵉⵍⴻⵍⵍⵉⵜ ⴷ ⵜⵉⵏ ⵓⴼⵔⴰⴽ ⴷ ⴰⵔ ⴳⵉⵙ ⵜⴻⵜⵜⴳⴰ ⵜⵖⵏⵏⴰⵏⵜ ⵜⴰⴷ ⵉⴱⴷⴷⵏ ⵅⴼ ⵉⵖⴰⵡⴰⵙⵏ ⴷ ⵜⵎⵢⴰⵎⴰⵏⵜ 

ⵉⴽⵍⵍⵉ ⵉⵏⵏⴰ ⵓⴳⵔⴰⵡ ⵉ ⴽⵓ ⵉⵎⴳⴳⴰⵢⵏ ⴰⴷ ⴱⵣⵔⵏ ⴳ ⵡⴰⵔⴰⵢ ⵏ ⵜⵎⵙⴽⴰⵔ ⵉⵜⵜⴼⴰⵖⵏ ⵅⴼ ⵜⵣⴷⴳⵉ ⵏ ⵉⵙⵜⴰⵢⵏ ⴷ ⴰⴷ ⴷⵉⵙ ⵓⵔ ⵙⵀⵡⵏⵜ ⴷ ⵓⵙⵎⵔⵙ ⵏ ⵡⴰⵎⵎⴰⴽⵏ ⵓⵍⴳⵉⵏⵏ ⴷ ⵉⵎⵔⵙⴰⵍⵏ ⵉⵍⵍⴰⵏ ⵉ ⵓⵙⴼⵔⴰⵢ ⵙⵉⵙ ⵜⵉⵣⵉ ⵏⵏⴰ ⵍⵍⴰⵏ ⵓⵎⵍⴰⵏ ⵉⴳⴰⵏ ⵉⵎⵢⴰⵎⴰⵏ ⴼⵍⵍⴰⵙ, ⵢⵉⵏⵉ ⵎⴰⵙ ⴷ ⵜⴰⵣⴷⴳⵉ ⵜⴰⵏⵙⵜⴰⵢⵜ ⵜⴳⴰ ⵢⴰⵜ ⵜⴼⴰⴷⴰ ⵜⴰⴷⵙⵍⴰⵏⵜ ⵉ ⵓⵙⴷⵓⵙ ⵏ ⵓⵙⵜⴰⵢ ⴰⴷⵉⵎⵓⵇⵕⴰⵟⵉ ⴷ ⵓⴹⴰⴽⴰⵍ ⵏ ⵜⵍⵍⵓⴳⵏ ⴷ ⵜⵕⵡⵉ ⵏ ⵜⵎⵔⵙⴰⵍ ⵜⵉⵎⵙⵎⴷⵢⴰⵜⵉⵏ. 

ⵎⴽⵍⵍⵉ ⵉⵎⵍⴰ ⵓⴳⵔⴰⵡ ⵎⴰⵙ ⴷ ⵜⴰⵏⵥⵕⵜ ⵉⵣⴷⵉⵏ ⴷ ⵜⵣⴷⴳⵉ ⵏ ⵉⵙⵜⴰⵢⵏ ⵓⵔ ⵜⴱⴷⴷ ⵖⴰⵙ ⴰⴷ ⵉⵍⵉⵏ ⵉⵍⵓⴳⵏⵏ ⵓⵍⴳⵉⵏⵏ ⵉⵙⵏⵎⴰⵍⴰⵏ ⴰⵙⵜⴰⵢ ⵎⴰⵛ ⵅⴼ ⵜⵕⵡⵉ ⵏ ⵓⵙⵎⵀⵍ ⵏ ⵉⵍⵓⴳⵏⵏ ⴰⴷ ⴷ ⵜⵥⴹⵕⵜ ⵏ ⵓⴳⵔⴰⵡ ⵅⴼ ⵡⴰⵔⴰⵢ ⵙⴳ ⵉⵎⵉⵣⵉⵜⵏ ⵏ ⵓⵙⴳⵓⴼⵙⵓ ⴳ ⴽⵓ ⵜⵉⴼⵔⴽⵉⵡⵉⵏ ⵏ ⵜⵎⵀⵍⵜ ⵏ ⵓⵙⵜⴰⵢ, ⵙⵍⴰⵡⵏ ⴰⴽⴽⵯ ⵍⵍⵉⵖ ⵉⵟⵟⴰⴼ ⵍⵎⵖⵔⵉⴱ ⵢⴰⵏ ⵓⵙⴰⵜⵉ ⴰⴷⵙⵜⴰⵔ ⴷ ⵓⵣⵔⵉⴼ ⴷ ⵓⵎⵔⵙⴰⵍ ⵢⴰⵜⵜⵓⵢⵏ.   

ⵍⵍⵉⵖ ⵉⵏⵏⴰ ⵎⴰⵙ ⴷ ⵜⵓⵚⴽⴰ ⵏ ⵉⵙⵜⴰⵢⵏ ⵣⴷⴷⵉⴳⵏⵉⵏ ⵉⵔⴰ ⴰⴷ ⵢⵉⵍⵉ ⵓⵙⵎⵓⵏ ⴳⵔ ⵓⴼⴰⵡ ⵏ ⵓⵍⴳⵏ ⵓⵍⴳⵉⵏ ⴷ ⵜⵕⵡⵉ ⵏ ⵓⵙⵍⴳⵎ ⴷ ⵓⴼⴰⴼⵉ ⵏ ⵓⵣⵣⴳⵉⵔ ⴷ ⵡⴰⵔⴰⵢ ⵙⴳ ⵉⵎⵉⵣⵉⵜⵏ ⴷ ⵓⵙⵀⵡⵏ ⵏ ⵓⵎⵍⴰⵏ ⴷ ⵓⵙⴷⵓⵙ ⵏ ⵢⴰⵜ ⵜⴷⵍⵙⴰ ⵜⴰⵎⴳⵔⵓⵜ ⵢⵓⴳⵉⵏ ⴰⵙⴳⵓⴼⵙⵓ ⴰⵏⵙⵜⴰⵢ, ⵉⵙⴷⴷⵉⴷ ⵓⴳⵔⴰⵡ ⵎⴰⵙ ⴷ ⵜⴰⵣⴷⴳⵉ ⵓⵔ ⵜⴳⵉ ⵖⴰⵙ ⵜⴰⵎⵙⵜⴳⴳⴰⵔⵜ ⵏ ⵢⴰⵜ ⵜⵎⵔⵙⵍⵜ, ⵙⵍⴰⵡⵏ ⴰⴽⴽⵯ ⵍⵍⵉ ⵉⴱⴷⴷ ⵓⵙⴰⵜⵉ ⴰⵎⵔⵙⴰⵍ ⴰⵏⴰⵎⵓⵔ ⵅⴼ ⵜⵎⵏⵏⴰⵡⵜ ⵏ ⵉⵎⴳⴳⴰⵢⵏ ⵙ ⵜⵉⵍⴰⵍ ⵉⵜⵜⵙⵎⴰⴷⵏ ⵍⵍⵉⴳ ⴷⴰ ⵜⵜⴱⵣⴰⵔ ⵜⵎⵙⵙⵓⴳⵓⵔⵜ ⴷ ⵜⵣⵔⴼⵜ ⴷ ⵉⴳⵔⴰⵡⵏ ⵏ ⵓⵙⵍⴳⵎ ⴰⵥⵕⴼⴰⵏ ⴷ ⵜⵎⵔⵙⴰⵍ ⵏ ⵜⵏⵏⵓⴱⴹⴰ ⴷ ⵡⴰⵎⵓⵏ ⵓⵖⵔⵉⵎ ⴳ ⵓⵜⵓⵢ ⵏ ⵜⵎⵀⵍⵜ ⵏ ⵓⵙⵜⴰⵢ ⴷ ⵓⵙⴷⵓⵙ ⵏ ⵓⴹⴰⴽⴰⵍ ⵏ ⵜⵣⴷⴳⵉ ⵏⵏⵙ. 

ⴳ ⵓⵙⴰⵜⵉ ⴰⴷ, ⵉⵙⴷⴷⵉⴷ ⵓⴳⵔⴰⵡ ⵅⴼ ⵜⵏⴼⵔⴰⵔⵜ ⵏ ⵓⵙⴷⵓⵙ ⵏ ⵓⵙⵎⴰⴷ ⴰⴷ ⴳ ⵓⵎⴰⵍⵓ ⵏ ⴰⵢⵍⵍⵉ ⵢⴰⴽⴽⴰ ⵓⵙⴰⵜⵉ ⴰⴷⵙⵜⴰⵔ ⴷ ⵓⵍⴳⵉⵏ ⴷ ⵓⵏⵣⵔⴰⴼ ⵏ ⵉⴹⴰⴽⴰⵍⵏ ⵉ ⵜⵔⴰⵡⵙⴰⵏⵜ ⵜⴰⵎⵔⵙⴰⵍⵜ ⴷ ⵜⵏⴼⵔⵓⵜ ⵏ ⵉⵙⵜⴰⵢⵏ ⵙ ⴰⵢⵍⵍⵉ ⵉⵙⴷⵓⵙⵏ ⵜⴰⵎⵢⴰⵎⴰⵏⵜ ⵏ ⵉⵎⴳⴳⴰⵢⵏ ⵉⵙⵔⵜⴰⵏⵏ ⴷ ⵉⵏⵎⵓⵔⴰⵏ ⴰⴽⴷ ⵜⵉⴽⴽⵉ ⵏ  ⵢⴰⵜ ⵜⵏⴼⵔⴰⵔⵜ ⵉⵥⵍⵉⵏ ⵉ ⵉⴹⴰⴽⴰⵍⵏ ⵍⵍⵉ ⵔⴰⴷ ⵉⵃⴹⵓ ⵉⵙⵓⴳⴰⵎ ⵉⴳⴷⵓⴷⴰⵏ ⵙⴳ ⴽⵓ ⴰⵙⵎⵔⵙ ⵉ ⴽⵔⴰ ⵏ ⵓⵡⵜⵜⴰⵙ ⴰⵏⵙⵜⴰⵢ. 

ⴳ ⵓⵎⵏⴰⴹ ⴰⴷ, ⵉⴱⴷⵔ ⵓⴳⵔⴰⵡ ⵜⵉⵥⵍⴰⵢⵉⵏ ⵏⵏⵙ ⵜⵉⴷⵙⵜⴰⵔⵉⵏ ⴷ ⵜⵓⵍⴳⵉⵏⵉⵏ ⴳ ⵢⵉⴳⵔ ⵏ ⵓⵙⵖⴰⵔⴰ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵙⵓⵜⴳ ⵏ ⵜⵙⵔⴰⵜⴰⵢ ⵜⵉⴳⴷⵓⴷⴰⵏⵉⵏ ⴷⵉⵙ ⵉⵣⴷⵉⵏ, ⵢⵉⵏⵉ ⵎⴰⵙ ⴷ ⴰⴱⵣⴰⵔ ⵏⵏⵙ ⵉⴳⴰ ⵜ ⵜⵉⴹⴰⴼ ⴷ ⵓⵙⴼⵙⵉ ⵏ ⵉⵎⵉⵣⵉⵜⵏ ⵏ ⵓⵙⴳⵓⴼⵙⵓ ⵉⵣⴷⵉⵏ ⴷ ⵜⵎⵀⵍⵜ ⵏ ⵓⵙⵜⴰⵢ ⴷ ⵓⴱⵣⴰⵔ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵜⵣⴷⴳⵉ ⴷ ⵜⵙⵓⵙⵖⵜ ⴳ ⵓⴳⵯⵏⵙ ⵏ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵓⵙⴷⵓⵙ ⵏ ⵓⵣⴷⴷⵓⵢ ⴷ ⵓⵙⵎⴰⴷ ⴰⴽⴷ ⵜⵎⵔⵙⴰⵍ ⵜⵉⵎⵏⵜⴰⵢ, ⴰⵡⴷ ⵢⵉⵎⵉⵥ ⴷ ⵓⵙⵎⴽⵍ ⵏ ⵜⵏⵔⵉⵣⵉⵏ ⴷ ⵉⵙⴼⵔⴰⵢⵏ ⴷ ⵓⵎⵍⴰⵏ ⵉⵣⴷⵉⵏ ⵙ ⵢⵉⴳⵉⵜⵏ ⵏ ⵓⵙⴳⵓⴼⵙⵓ ⴰⵏⵙⵜⴰⵢ ⵙ ⵓⵎⵙⴰⵙⴰ ⴷ ⵓⵙⵍⴳⵏ. 

ⴳ ⵎⴰⴷ ⵉⵥⵍⵉⵏ ⵙ ⵓⵙⴰⵢⵔⴰⵔ ⴰⵎⵓⵟⵟⵓⵏ, ⵉⴼⴽⴰ ⵓⴳⵔⴰⵡ ⴳ ⵢⵉⵥⵕⵉ ⵏⵏⵙ ⵢⴰⵜ ⵜⵏⴼⵔⴰⵔⵜ ⵉⵥⵍⵉⵏ ⵉ ⵉⵙⵏⴼⴰⵍ ⵏⵏⴰ ⴷ ⵉⵙⴽⵛⵎ ⵓⵙⵢⵔⴰⵔ ⴰⴷ ⵅⴼ ⵜⵎⵙⴽⵔⵜ ⵜⴰⵏⵙⵜⴰⵢⵜ ⵙⵍⴰⵡⵏ ⴰⴽⴽⵯ ⴰⵢⵍⵍⵉ ⵜⴽⴽⴰ ⵜⵜⵉⴽⵏⵓⵍⵓⵊⵉⵜ ⴷ ⵉⵎⴰⵙⵙⵏ ⵏ ⵓⵏⵢⴰⵍⴽⴰⵎ ⵙⴳ ⵜⵣⵎⴰⵔ ⵏ ⵓⵎⵢⴰⵡⴰⴹ ⴷ ⵓⴷⵔⴰⵡ ⴷ ⵡⴰⴷⴰⴼ ⵖⵔ ⵓⵎⵍⴰⵏ, ⴷ ⴰⵢⵍⵍⵉ ⴷ ⵉⵍⴷⴷⵉ ⵎⴰⵢⴰⵏ ⴷ ⵉⵎⵉⵣⵉⵜⵏ ⵉⵎⴰⵢⵏⵓⵜⵏ ⵏⵏⴰ ⵉⵔⴰⵏ ⴰⴷ ⵢⵉⵍⵉ ⵓⵙⴱⵓⵖⵍⵓ ⵏ ⵉⵎⴰⵙⵙⵏ ⵏ ⵡⴰⵔⴰⵢ ⴷ ⵜⵉⴹⴰⴼ ⴷ ⵓⴹⴼⴼⵓⵕ. 

ⴳ ⵜⵙⴳⴰ ⵢⴰⴹⵏ, ⵉⵃⵉⵢⵢⵍ ⵓⴳⵔⴰⵡ " ⴰⵎⴰⵏⴰⵔ ⵏ ⵓⵎⵙⵜⴰⵢ ⵉ ⵉⵙⵜⴰⵢⵏ ⵣⴷⴷⵉⴳⵏⵉⵏ" ⵉ ⵓⵙⴼⵔⴽ ⴷ ⵓⴹⴼⴼⵓⵕ, ⵉⵡⴰⵜⵙ ⴰⴱⵣⴰⵔ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⵜⴰⵏⵙⵜⴰⵢⵜ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵉⴳⴰⵏ ⵜⴰⵎⵓⵔⵉⵜ ⴷ ⵉⴼⵔⴽⵏ ⴷ ⵜⵎⵙⵜⴳⴳⴰⵔⵜ ⵉⵡⴰⵜⵙ ⴳⵉⵙ ⴰⴷ ⵉⵙⴽⵔ ⴳ ⵓⵎⵙⵜⴰⵢ ⵢⴰⵏ ⵓⵎⴰⴷⵔⴰⵡ ⴳ ⵓⵃⵟⵟⵓ ⵏ ⵜⵣⴷⴳⵉ ⵏ ⵉⵙⵜⴰⵢⵏ.  

ⴰⵔ ⵉⵎⵎⴰⵍ ⵓⵎⴰⵏⴰⵔ ⵙ ⵢⴰⵜ ⵜⵓⵜⵍⴰⵢⵜ ⵉⴼⴰⵡⵏ ⴷ ⵉⴳⴰⵏ ⵜⵓⵙⵔⵉⴷⵜ ⵢⴰⵜ ⵜⴳⵔⵓⵎⵎⴰ ⵏ ⵓⵎⵍⴰⵏ ⴷ ⵉⵙⵡⴰⵍⴰⵜⵏ ⵏⵏⴰ ⵔⴰⴷ ⵢⴰⵡⵙ ⴰⵎⵙⵜⴰⵢ ⴰⴷ ⵉⵙⵙⵏ ⵉⵣⵔⴼⴰⵏ ⵏⵏⵙ ⴷ ⵉⵣⵓⵛⵛⵍⵏ ⵏⵏⵙ ⴷ ⵉⴹⴰⴽⴰⵍⵏ ⵉⵙⵙⵓⵜⵍⵏ ⵉ ⵜⵎⵙⴽⵔⵜ ⵏ ⵓⵣⵔⴼ ⵏⵏⵙ ⵏ ⵓⵙⵜⴰⵢ ⴷ ⴽⵔⴰ ⵏ ⵜⵎⵙⴽⴰⵔ ⵍⵍⵉ ⵏⵏ ⵉⵜⵜⴳⵔⵏ ⵉ ⵜⵍⴻⵍⵍⵉ  ⵏ ⵓⵙⵜⴰⵢ ⵏⵖⴷ ⵜⴰⵣⴷⴳⵉ ⵏ ⵜⵎⵀⵍⵜ ⵏ ⵓⵙⵜⴰⵢ ⴰⵡⴷ ⴰⵙⵓⵙⵙⵏ ⵙ ⵜⵖⴰⵔⴰⵙⵜ ⵏ ⵓⵙⴼⵔⴰⵢ ⵅⴼ ⵉⵣⵏⵏⵣⵔⵉⵜⵏ ⵏⵏⴰ ⴷⵉⵙ ⵉⵣⴷⵉⵏ. 

Image