ⴰⵙⵏⵓⵎⵍ

ⵜⵍⵍⴰ ⵖ ⵟⴰⵏⵊⴰ ⴰⵙⵙ ⵏ 3 ⴷ 4 ⵎⴰⵔⵙ 2020 ⵢⴰⵜ ⵜⵙⴰⵡⵔⵜ ⵏ ⵜⵡⵓⵔⵉ ⴼ ⵉⵙⵍⵍⵡⵉ ⵖ ⵉⴳⵔ ⵏ ⵜⵣⴷⴳⵉ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵙ ⵓⵎⵢⴰⵡⴰⵙ ⴷ ⴳⵔ ⴰⴳⵔⴰⵡ ⴰⵏⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵓⵖⴰⵡⴰⵙ ⵏ ⵜⵎⵜⵜⴰ ⵎⵓⵏⵏⵉⵏ (UNDP)

ⵜⴰⵙⴰⵡⵔⵜ ⴰⴷ ⵉⵎⵓⵏ ⴳⵉⵙ ⵓⴳⴳⴰⵔ ⵏ 50 ⵏ ⵉⵎⴰⴳⵔⴰⴷ ⵏ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵜⵏⴳⵎⴰⵎ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵏ ⵡⴰⵎⵓⵏ ⵓⵖⵔⵉⵎ ⵙⴳ ⵍⵓⵔⴷⵓⵏ ⴷ ⵜⵓⵏⵙ, ⴼⵉⵍⵉⵚⵟⵉⵏ, ⵍⵓⴱⵏⴰⵏ,ⵎⵉⵚⵕ, ⴷ ⵍⵎⵖⵔⵉⴱ,

ⵉⴳⴰ ⵓⵡⵜⵜⴰⵙ ⵏ ⵓⵙⵙⵓⴷⵙ ⵏ ⵜⵙⴰⵡⵔⵜ ⴰⴷ, ⵏⵏⴰ ⴷ ⵢⵓⵛⴽⴰⵏ ⵖ ⵜⵉⵣⵉ ⵜⵉⵙⵙ ⴽⵕⴰⴹⵜ ⵏ ⵓⵙⴰⵜⵉ ⴰⵏⵎⵏⴰⴹ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵙⴷⵓⵙ ⵏ ⵜⵣⴷⴳⵉ ⵖ ⵜⵎⵉⵣⴰⵔ ⵜⴰⵖⵔⴰⴱⵉⵏ, ⵏⵏⴰ ⵢⴹⴼⴰⵔⵏ ⵉ ⵓⵖⴰⵡⴰⵙ ⵏ ⵜⵎⵜⵜⴰ ⵎⵓⵏⵏⵉⵏ ⵏ ⵓⵙⵙⵎⵖⵔ, ⵡⴰⴷ ⵉⵜⴳⴳⵉⵣⵏ ⵙ ⵜⵎⵔⴷⴰⵡⵜ ⴷ ⵜⵙⵏⵓⵔⴰⵢⵜ ⵜⴰⴽⵓⵔⵉⵜ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⴰⵡⵜⵜⴰⵙ ⵏ ⵜⵙⴰⵡⵔⵜ ⴰⴷ ⵉⴳⴰⵜ ⴰⴷ ⴰⵡⵉⵏ ⵉⵎⴷⵔⴰⵡ ⵜⵉⵎⵢⴰⴷⴰⵙⵉⵏ ⵜⵉⵎⴰⵢⵏⵓⵜⵉⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵣⵣⴰⴳⵣ ⵏⵏⵙⵜ ⵖ ⵓⵎⴰⴹⴰⵍ, ⴷ ⵓⵍⴰ ⵜⵉⵖⴰⵔⴰⵙⵉⵏ ⵏ ⵓⵙⵡⵓⵔⵉ ⵙⵔⵙⵏⵜ ⵃⵎⴰ ⴰⵙⵙⴷⵓⵙ ⵏ ⵉⵥⵎⵓⵥⵥⴰⵍ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⴷ ⵜⵙⴳⴰ ⵢⴰⴷ

ⵖ ⵓⵕⵥⵎ ⵏ ⵜⵙⴰⵡⵔⵜ ⴰⴷ ⵉⵏⵏⴰ ⵎⴰⵙⵙ ⵎⵓⵃⵎⵎⴰⴷ ⴱⴰⵛⵉⵔ ⵕⵕⴰⵛⴷⵉ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵎⴰⵙ ⴷ ⴰⵙⵙⵓⴷⵙ ⵏ ⵜⵙⴰⵡⵔⵜ ⴰⴷ ⵜⴰⵏⵎⵏⴰⴹⵜ ⵉⴳⴰ ⵜⴰⵎⵍⴷⴰ ⵏ ⵓⵙⴱⴰⴷⵍ ⵏ ⵡⴰⵡⴰⵍ ⴼ ⵜⵎⵙⴽⴰⵔ ⵜⵉⵎⴰⴹⵍⴰⵏⵉⵏ ⵥⵉⵍⵏⵉⵏ ⵖ ⵉⴳⵔ ⵏ ⵓⵙⵡⵓⵔⵉ ⵏ ⵉⵙⵍⵍⵡⵉ ⴷ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⵖ ⵉⴳⵔ ⵏ ⵜⵣⴷⴳⵉ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ