ⵉⵙⵏⵓⴱⴱⴳ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ 23 ⵎⴰⵢⵢⵓ 2025, ⵎⴰⵙⵙ ⵛⵓⵕ ⵍⴰⵕⵙⵏ, ⴰⵎⵙⵇⴰⴷ ⵏ ⵜⴳⵍⵉⵜ ⵏ ⵏⵏⵔⵡⵉⵊ ⴳ ⵍⵎⵖⵔⵉⴱ ⵓⵍⵖⵏ ⵉⴳⵎⴰⵎⵏ ⵙ ⵙⵉⵏ ⴳ ⵉⵎⴹⴰⴽⴰⵕⵏ ⵏⵏⵙⵏ ⴰⵙⵡⵉⵔ ⵏ ⵓⵎⵢⴰⵡⴰⵙ ⵏⴳⵔ ⵓⴳⵔⴰⵡ ⴷ ⵜⵎⵙⵇⴰⴷⵜ ⴳ ⵢⵉⴳⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⴰⵎⵢⴰⵡⴰⵙ ⴷⴰ ⵉⴼⴽⴰⵏ ⵜⴰⵎⵍⴷⴰ ⵉ ⵓⴳⵔⴰⵡ ⴰⴷ ⵉⵙⴱⵖⵔ ⴳ ⵜⵎⵓⵣⴰⵢ ⵏ ⵡⴰⵎⵎⴰⵙ ⵏ ⵉⵙⵓⴳⴰⵎ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ U4, ⵉⴹⴼⵕⵏ ⵉ ⵓⵙⵉⵏⴰⴳ ⴽⵔⵉⵙⵜⵢⴰⵏ ⵎⵉⴽⵍⵙⵏ (CMI) ⴳ ⴱⵉⵔⴳⵏ ⴳ ⵏⵏⵔⵡⵉⵊ, ⴰⵎⵥⵍⴰⵢ ⵣⴳ ⵏⵏⵉⴳ 20 ⵏ ⵓⵙⴳⴳⵯⴰⵙ ⴳ ⵉⵔⵣⵣⵓⵜⵏ ⴷ ⵉⵙⵏⵓⴱⴱⵓⵛⵏ ⵉⵥⵍⵉⵏ ⵙ ⵓⵙⴱⴷⴷⵉⵏ ⵏ ⵓⴳⵓⴼⵙⵓ. ⴰⵎⴰⴳⵔ ⴰⴷ, ⴷⴰ ⴳ ⵉⵍⵍⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵏⵔⵡⵉⵊⵉ ⴳ ⵍⵎⵖⵉⵔⴱ, ⵉⴳⴰ ⴰⵡⴷ ⵜⴰⵎⵍⴷⴰ ⵏ ⵓⵎⵙⴳⴷⴰⵍ ⵅⴼ ⵉⵎⴰⵍ ⵏ ⵓⵎⵢⴰⵡⴰⵙ ⵏⴳⵔ ⵉⴳⵎⴰⵎⵏ ⵙ ⵙⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵓⵙⴷⵓⵙ ⵏ ⵜⵥⴹⴰⵕⵉⵏ , ⴷ ⵓⵎⵔⴰⵔⴰ ⵏ ⵜⵎⵓⵣⴰⵢ ⴳ ⵉⴳⵔⴰⵏ ⵣⴷⵉⵏⵉⵏ ⴷ ⵜⵥⵍⴰⵢⵉⵏ ⵏ ⵓⴳⵔⴰⵡ.