ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵙⵏⵜⵉ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵡⴰⴽⵕⴰⵙ 28 ⵎⴰⵢⵢⵓ 2025, ⴰⵙⴷⴷⵉ ⵏ ⵓⴼⵙⴰⵔ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⴰⵎⵓⵏⵜ ⵏ ⵡⴰⴼⵔⵉⵇⵢⴰ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙ ⵜⵉⵍⵉⵜ ⵏ ⵉⴳⵏⵙⴰⵙⵏ ⵏ ⵓⵣⵓⵏⵏ ⵉⵎⴰⵡⵙⴰⵙⵏ ⵉⵎⵏⵜⴰⵢⵏ, ⴷ ⵉⴳⵏⵙⴰⵙⵏ ⵏ ⴽⵔⴰ ⵏ ⵉⴳⵔⴰⵡⵏ ⵉⴷⵙⵜⴰⵔⵏ, ⴷ ⵡⴰⵎⵓⵏ ⵓⵖⵔⵉⵎ, ⴷ ⵢⵉⴳⵔ ⵓⵙⵍⵉⴳ.
ⵢⵉⵏⵉ ⵓⵏⵙⵙⵉⵅⴼ ⵏ ⵓⴳⵔⴰⵡ, ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴳ ⵜⵙⴳⵓⵔⵉ ⵏⵏⵙ ⵎⴰⵙ ⵉⴳⴰ ⵓⵙⵉⵔⵎ ⴰⴷ ⵜⴰⵔⵙⵍⵜ ⵜⴰⴷⵙⵍⴰⵏⵜ ⵏ ⵓⵙⵔⵜⴱ ⵏ ⵜⴷⵍⵙⴰ ⵏ ⵜⵙⵓⵙⵖⵜ ⴷ ⵓⵙⴷⵓⵙ ⵏ ⵜⵕⵡⵉ ⵜⴰⵎⴳⵔⵓⵜ ⵎⵏⵉⴷ ⵜⵉⵙⵙⵍⵜ ⵏ ⵓⴳⵓⴼⵙⵓ, ⵢⵉⵏⵉ ⴰⵙ ⵜⴳⴰ ⵜⵎⵍⴷⴰ ⴰⴷ ⵜⴰⵏⴼⵔⴰⵔⵜ ⵍⵍⵉⵖ ⵜⴳⴰ ⴰⵙⵓⵔⵙ ⴷ ⵢⵓⵙⴰⵏ ⵉ ⵓⵙⵎⵏⵉⴷ ⵏ ⵓⵣⵓⵔⵜ ⴰⵎⵖⵔⵉⴱⵉ ⴳ ⵓⵙⵡⵓⴷⴷⵓ ⵏ ⵉⵎⵔⵙⴰⵏ ⴳ ⵍⵍⴰⵏ ⵉⵎⴷⵔⴰⵡⵏ ⴳⴳⵓⵜⵏⵉⵏ ⴷ ⵓⵎⵢⴰⵏⴰⵡ ⵏ ⵜⴰⵏⵏⴰⵢⵉⵏ, ⴷ ⵜⵓⵔⵉⵎⵜ ⵏ ⵜⵥⴹⴰⵕⵉⵏ ⵜⵉⵎⴳⵔⴰ ⴳ ⵓⵣⴷⴷⵓⵢ ⵏ ⵜⵡⵓⵔⵉ ⵉⵛⵛⴰⵔⵏ, ⵎⴽⴷⴰ ⵉⵙⴷⴷⵉⴷ ⵎⴰⵙ ⵓⵔ ⵉⴳⵉ ⵓⵙⴱⴷⴷⵉ ⵏ ⵓⴳⵓⴼⵙⵓ ⵜⴰⵎⴰⵙⵢⵜ ⵜⴰⵣⵓⵏⴰⵏⵜ ⵏⵖⴷ ⵜⴰⵎⵔⵙⴰⵍⵜ ⵉ ⴽⵔⴰ ⵏ ⵜⵙⴳⴰ ⵎⵏⴷⵓ ⵜⵉⵢⵢⴰⴹ, ⴰⴷ ⵉⴳⴰ ⴷ ⵜⵎⴰⵙⴰⵢⵜ ⵜⴰⵏⴰⵎⵓⵔⵜ ⵜⴰⵎⴳⵔⵓⵜ, ⵉⵍⵍⴰⵏ ⵅⴼ ⴽⵓ ⵢⴰⵏ, ⴰⵔ ⵜⴻⵜⵜⵓⵙⵎⴰⴷ ⵙ ⵜⵉⵍⵉⵜ ⵏ ⵉⴼⵔⴷⵉⵙⵏ ⴽⵔⴰ ⴳⴰⵏ, ⵙ ⵜⵉⵍⴰⵍ ⵜⵜⵎⵏⴰⴳⴳⴰⵔⵏⵉⵏ, ⵙ ⵓⵍⵜⴰⵖ ⴰⵎⴳⵔⵓ ⵉⵕⵡⴰⵏ ⴳ ⵓⴱⵔⵉⴷ ⵉⵔⴰⵏ ⵜⵓⴳⴳⴰⵙ ⴷ ⵜⵏⴼⵥⴰⵢⵜ ⴷ ⵓⵙⵖⵓⵏ. ⵎⴽⴷⴰ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⵎⴰⵙ ⴷ ⴰⴼⵙⴰⵔ ⵓⵔ ⵉⴳⵉ ⴰⵡⵜⵜⴰⵙ ⵙ ⵢⵉⵅⴼ ⵏⵏⵙ, ⴰⴷ ⵉⴳⴰ ⴷ ⵓⵣⵎⵣⵣⵓ ⵏ ⵓⵏⵎⴰⵍⴰ ⵏ ⵉⵙⵉⵣⵡⵔⵏ, ⴷ ⵓⵙⵖⵓⴷⵓ ⵏ ⵉⵖⴰⵔⴰⵙⵏ ⴷ ⵓⵙⴱⵓⵖⵍⵓ ⵏ ⵜⵙⵔⵜⴰⵢ ⵎⵓ ⵜⴳⴰ ⵜⵣⴷⴳⵉ ⴷ ⵜⵙⵓⵙⵖⵜ ⴷ ⵡⴰⵔⴰⵢ ⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵉⵎⵔⵙⴰⵏ ⵏⵏⵙ.
ⵎⴽⵍⵍⵉ ⵉⵏⵏⴰ ⵎⴰⵙ ⵉⴳⴰ ⵓⵎⴰⴳⵔ ⴰⴷ ⵉⴳⴰ ⵢⴰⵜ ⵜⵉⵣⵉ ⴳⵔ ⵜⵉⵢⵢⴰⴹ ⵏ ⵓⵙⵎⵓⵙⵙⵓ ⴰⵎⴳⵔⵓ, ⵉⵎⵎⴰⵍⵏ ⵜⵉⵔⵉⵜ ⵜⴰⴷⵙⵍⴰⵏⵜ ⵏ ⵓⴽⵛⴰⵎ ⵏ ⵍⵎⵖⵔⵉⴱ ⴳ ⵜⵙⴰⵡⵔⵜ ⴰⴷ ⵜⴰⵎⵏⵥⴰⵡⵜ ⵉⴳⴰ ⴰⵙⵖⵓⵏ ⴰⵎⵅⴰⵙ ⴷ ⵡⵉⵏ ⵜⴳⵓⵍⴷⴰ, ⴷ ⵉⵙⵙⴰⴳⴳⵯⴰⵏ ⵜⵉⵔⵉⵜ ⵏ ⵓⵙⵓⴼⵓ ⵙ ⵉⵙⵖⵡⴰⵏ ⵉⵎⵏⵥⴰⵡⵏ ⵏ ⵜⵎⴰⵣⵉⵔⵜ ⵏⵏⵖ ⵙ ⵜⵓⵎⴰⵢⵉⵏ ⵏ ⵏ ⵜⵎⵢⴰⵇⵇⴰⵏⵜ ⵜⴰⴼⵔⵉⵇⵉⵜ, ⵎⴽⴷⴰ ⵉⴳⴰ ⴰⵡⴷ ⵜⴰⵎⵔⴰⵔⵓⵜ ⵅⴼ ⵡⴰⵙⵙⴰⵔ ⴰⵏⴰⵎⵓⵔ ⵏ ⵓⵙⵖⵍ ⵏ ⵓⵎⵙⴰⵙⴰ ⵏ ⵓⵙⵏⵎⴰⵍⴰ ⵏⵏⵖ ⴰⵏⴰⵎⵓⵔ ⴷ ⵜⵎⵙⵜⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵙⵔⵙ ⵣⴷⵉⵏⵉⵏ.
ⵉⵙⵙⵓⵜⵔ ⴳ ⵉⵎⵉⵍⴰⵏⵏ, ⴳ ⵜⴳⵉⵔⴰ ⵏ ⵡⴰⵡⴰⵍ ⵏⵏⵙ, ⴰⴷ ⵍⵜⵖⵏ, ⴰⵍⵜⴰⵖ ⴰⵎⵙⵜⴳⴳⴰⵔ ⴷ ⵓⵎⵓⴼⴰⵡ, ⴰⴼⴰⴷ ⴰⴷ ⵙⵡⵓⵔⵉⵏ ⵅⴼ ⵓⵎⵓⵔⵙ ⵏ ⵓⴼⵙⴰⵔ ⴰⴷ, ⵢⵉⵏⵉ ⵎⴰⵙ ⴷ ⴰⵙⵎⵏⵉⴷ ⵏ ⵜⵎⵓⵛⴰ ⵏⵖⴷⵏⵉⵏ ⴷ ⵜⵉⴷ ⴼⴰⵡⵏⵉⵏ ⵏⵜⵜⴰⵏ ⴽⴰ ⴰⴷ ⵉⵥⴹⴰⵕⵏ ⴰⴷ ⵉⵎⵍ ⵜⵉⵔⵉⵜ ⵜⴰⵎⴳⵔⵓⵜ ⵏ ⵓⵙⵓⵊⴷ ⵏ ⴽⵔⴰ ⵏ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵜⴰⵎⴳⵔⵓⵜ ⵢⵓⵎⴰⵏ ⵜⵓⴳⴳⴰⵙ ⵜⵉⵎⴳⵔⴰ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵍⵜⴰⵖ ⵏⵏⵙ ⴰⵎⵏⵥⴰⵡ ⴳ ⵜⵓⴳⴳⴰⵙ ⵏ ⵓⵙⴱⴷⴷⵉ ⵏⵏⵙ, ⴰⵛⴽⵓ ⵜⵉⵙⵏⵜⴰⵢⵉⵏ ⵜⵓⴼⵔⵉⴷⵉⵏ ⵓⵔ ⴰⵔ ⵜⴰⴽⴽⴰ ⵜⴰⵢⴰⴼⵓⵜ ⴰⵎⵔ ⴳ ⵓⵎⵏⴰⴹ ⴰⵏⵙⵎⴰⴷ ⵜⴰⵏⵏⴰⵍⵜ ⴷ ⵡⴰⵔⴰⵢ ⴷ ⵓⵙⵎⵙⴰⵙⴰ ⴷ ⵜⵕⵡⵉ. ⵉⵜⵜⵔ ⴳ ⵉⵎⴷⵔⴰⵡⵏ ⴰⴽⴽⵯ ⴰⴷ ⵙⴽⵔⵏ ⴳ ⵓⵙⴼⵙⵔ ⴰⴷ ⴰⵣⵎⵣⵣⵓ ⵏ ⵓⵙⴷⵓⵙ ⵏ ⵡⴰⵎⵓⵍ ⴰⵏⴰⵎⵓⵔ ⴰⴳⵯⵏⵙⴰⵏ ⵎⴳⴰⵍ ⵏ ⵓⴳⵓⴼⵙⵓ ⴷ ⵓⵙⵉⵡⵏ ⵏ ⵜⵓⴳⴳⴰⵙ ⴷ ⵜⵓⵙⵙⴷⴰ ⵏ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴰⵏⴰⵔ ⴳ ⵜⵎⵏⵥⴰⵡⵜ, ⴳ ⵜⵎⵔⵉⵙⵜ ⵓⵍⴰ ⴳ ⵜⵢⴰⴼⵓⵜⵉⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
11/07/2025
ⵉⵙⵏⵓⴱⴳ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⴽⵡⴰⵙ 11 ⵢⵓⵍⵢⵓⵣ 2025, ⵎⴰⵙⵙ ⵃⴰⵎⵉⴷ ⵄⴱⵉⴷ ⵅⴰⵍⵉⴼⴰ ⵄⴱⵉⴷ ⴰⴱⵓ ⵛⴰⴱⵚ, ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵍⵉⵎⴰⵔⴰⵜ ⵏ ⵜⵎⵓⵣⴰⵢⵜ ⴳ ⵓⵏⵙⵙⵉⵅⴼ…
24/06/2025
ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵜⵙⴳⵓⵔⵉ ⵏⵏⵙ ⴳ ⵓⵏⵎⵓⵇⵇⴰⵔ ⴰⵄⵕⴰⴱ-ⴰⴼⵔⵉⵇⵉ ⵅⴼ ⵜⵎⵙⵙⵏⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵍⵍⵉ ⵜⵙⵏⵎⴰⵍⴰ ⵜⵎⵓⵔⴰⵢⵜ ⵜⴰⴳⵔⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ…
20/06/2025
ⵍⵍⵉⵖ ⵉⴳⴰ ⴰⴳⵎⴰⵎ ⴳ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ (IAACA), ⴷ ⵙ ⵓⵙⵙⵓⴼⵓ ⵏ ⵜⵎⵔⵉⵙⵉⵏ ⵏⵏⵙ ⴷ ⵜⵎⵙⵎⵓⵏⵜ, ⴷ ⵓⴱⵣⴰⵔ ⵏⵏⵙ ⴳ ⵓⵙⴷⵓⵙ ⵏ ⵜⵥⴹⴰⵕⵉⵏ ⵏ ⵉⴳⵎⴰⵎⵏ ⵏⵏⵙ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵓⵙⵡⵉⵔ ⴰⴳ…