ⴼⴰⴷ ⴰⴷ ⵉⵃⵉⵢⵢⵍ ⴰⵖⴰⵡⴰⵙ ⵏ ⵜⵡⵓⵔⵉ ⵏⵏⵙ, ⵉⵙⴽⵔ ⵓⴳⵔⴰⵡ ⴰⵕⵕⵚⴰ ⵏ ⵢⴰⵜ ⵜⵙⵜⵔⴰⵜⵉⵊⵉⵜ ⵉⵙⵎⴷⵏ ⵍⵍⵉ ⵉⵥⵍⵍⵉⵏ ⵜⵉⵎⵥⵕⴰ ⴷ ⵉⵎⵏⵣⴰⵢⵏ ⴷ ⵜⵙⵓⵖⴰⵍ ⴷ ⵉⵡⵜⵜⴰⵙⵏ ⵉⵎⴰⵜⴰⵢⵏ, ⴼⴰⴷ ⴰⴷ ⵜⵏ ⵉⵙⵙⵎⵔⵙ ⴳ ⵓⵙⴰⵜⵉ ⵏ ⵉⵙⵏⵜⴰⵢⵏ ⵉⵥⵍⵉⵏ ⴷ ⵍⵍⵉ ⵔⴰⴷ ⴷⴰⵔ ⵢⵉⵍⵉ ⵢⴰⵏ ⵉⴹⵉⵚ ⵉⵕⵡⴰⵏ ⵅⴼ ⵉⴳⵉ ⵏ ⵓⴳⵔⴰⵡ ⵉ ⵜⵙⵎⵉⴳⴰⵍ ⵏⵏⵙ ⴷ ⵓⵙⴰⴷⵎⵔ ⵉ ⵜⵓⵜⵔⵉⵡⵉⵏ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

ⴳ ⵓⵙⴰⵜⵉ ⴰⴷ, ⵉⵥⵍⵉ ⵓⴳⵔⴰⵡ ⵢⴰⵜ ⵜⴰⵏⵏⴰⵢⵜ ⵉⴼⴰⵡⵏ ⴷ ⵜⵎⴰⴳⴳⵓⵎⵜ, ⵍⵍⵉ ⴷ ⵉⴽⴽⴰⵏ ⴰⴽⴰⵣ ⵉⴷⵔⴰⵏ ⵏ ⵓⴳⵓⴼⵙⵓ, ⴷ ⵜⵉⵔⴰⵜ ⵉⴷⵓⵙⵏ ⵏ ⵜⴰⵏⵏⴰⵢⵉⵏ ⵏⵏⵙ, ⵙ ⵎⴽ ⴰⴷ : « "ⴰⵕⵚⵚⴰ ⵏ ⵢⴰⵜ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵉⴷⵓⵙⵏ ⴷ ⵉⵜⵜⵓⵙⵎⵓⵙⵙⵓⵏ ⴷ ⵍⵍⵉ ⴷⴰⵔ ⴰⵙⵖⵥⵏ, ⵉⴱⴷⴷⵏ ⵅⴼ ⵓⵙⵎⴰⴷ ⴰⵎⵔⵙⴰⵍ ⴷ ⵓⵍⴽⴰⵎ ⵏ ⵓⵙⵏⴼⵍ ⵉⴷⵔⴰⵏ ⴷ ⵓⵙⵓⵍⴰⵏ, ⵍⵍⵉ ⴷⴰⵔ ⵢⴰⵜ ⵜⵓⴽⵉⵏⵜ ⵉⵜⵜⵔⴰⵔⴰⵏ ⴰⵔⵣⴰⵢ ⵏ ⵜⵎⵓⴽⵔⵉⵙⵜ ⵏ ⵓⴳⵓⴼⵙⵓ ⴳ ⵍⵎⵖⵔⵉⴱ, ⴷ ⵍⵍⵉ ⵉⵜⵜⵉⵍⵉⵏ ⵣⵖ ⵓⵍⴽⴰⵎ ⵏ ⵜⵢⴰⴼⵓⵜⵉⵏ ⵍⵍⵉ ⴷⴰⵔ ⵢⴰⵏ ⵓⴷⵔⵉⵣ ⴰⴽⵎⴰⵎ ⵅⴼ ⵜⵉⵍⴰⵡⵜ ⵜⴰⴽⵓⵢⴰⵙⵜ ⵏ ⵓⵏⵎⵓⵔⵉ ⵙ ⵎⴰⴷ ⵉⵙⴷⵓⵙⵏ ⵜⴰⵎⵢⵉⵎⴰⵏⵜ ⴷ ⵓⵍⵜⴰⵖ ⵏ ⴽⵓ ⵢⴰⵏ. ».

ⵉ ⵎⴰⵢⴰⵏⵏ, ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⵎⵓⵙⵙⵓ ⵏ ⴽⵓ ⵉⵎⴳⴳⴰⵢⵏ ⵉⵎⵏⵜⴰⵢⵏ ⴰⴽⴷ ⴰⴹⴰⴽⴰⵍ ⵏ ⵜⵎⵔⵉⵙⵜ ⵉⴷⵓⵙⵏ ⴳ ⵓⵙⴰⵜⵉ ⵏ ⵓⵙⵎⴰⴷ ⴰⵎⵔⵙⴰⵍ ⴷ ⵜⵍⵓⴼⵜ ⵜⴰⵎⵙⴰⵔⵉⵜ ⴳ ⵡⴰⵍⵍⴰⵍⵏ ⴷ ⵜⵎⵙⵜⴳⴳⴰⵔ.