ⵉⵙⵏⵎⴰⵍⴰ ‎ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ‎ (INPPLC) ⴷ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ(CDAI), ⴰⵙⵙ ⵏ ⵓⴽⵡⴰⵙ 27 ⵏⵓⵡⴰⵏⴱⵉⵔ 2025, ⴳ ⵓⵙⵖⵉⵎ ⵏ ‎ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵢⴰⵜ ⵜⵙⵎⵓⵏⵉ ⵏ ⵜⵡⵓⵔⵉ ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵔⵙⴰⵍⵉⵏ ⴳ ⵉⴳⵔⴰⵏ ⵏ ⵜⵣⴷⴳⵉ ⴷ ⵓⵃⵟⵟⵓ ⵏ ⵓⵣⵔⴼ ⴳ ⵡⴰⴷⴰⴼ ⵏ ⵓⵎⵍⴰⵏ.

ⵉⵜⵜⵓⵙⴽⴰⵔ ⵖ ⵜⵙⵎⵓⵏⵉ ⴰⴷ ⴰⵙⴳⵎⴹ ⵏ ‎ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⵏ ⵜⵎⵢⴰⵇⵇⴰⵏⵜ ⵏ ‎ⵏ ⵜⴷⵔⴰⵡ ⴳ ⵜⴰⴳⴳⵓⵔⵜ ⵜⴰⵏⴰⵎⵓⵔⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ (PNDAI)‎, ⵍⵍⵉ ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ. 

ⵉⵇⵇⴰⵏ ⴰⴷ ⵏⵙⵙⵏ ⵎⴰⵙ ⴳⵔ ⵉⵡⵜⵜⴰⵙⵏ ⵏ ⵜⴳⴳⵓⵔⵜ ⵜⴰⵏⴰⵎⵓⵔⵜ : 

• ⴰⴷ ⵜⵜⵓⵙⴽⴰⵔⵏ ⵉ ⵉⵏⵎⵓⵔⴰⵏ ⴷ ⴽⵓ ⵢⴰⵏ ⵙⴳ ⵉⴱⵕⵕⴰⵏⵉⵢⵏ ⵉⵣⴷⵖⵏ ⵙ ⵜⵍⴳⴰⵎⵜ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵙⵎⵏⵉⴷⵏ ⴷ ⴰⴷ ⴹⴼⵕⵏ ⵉⵙⵓⵜⵓⵔⵏ ⵏ ⵓⵙⴰⴷⴼ ⵙ ⵓⵎⵍⴰⵏ, ⵓⵍⴰ ⵜⵉⵎⵙⵓⵜⵓⵔⵉⵏ ⵏⵏⴰ ⵉⵣⴷⵉⵏ ⴷⵉⵙ, ⵙ ⵎⴰⴷ ⵉⵎⵙⴰⵙⴰⵏ ⴷ ⵉⵙⴱⴷⴰⴷ ⵏ ⵓⵙⵍⴳⵏ ⵓⵟⵟⵓⵏ 31.13;

• ⴰⴷ ⵜⵜⵓⴼⴽⴰⵏ ⵉ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ ⵉⵎⵏⵉⴷⵏ ⵉⵅⵚⵚⴰⵏ ⴰⴼⴰⴷ ⴰⴷ ⵟⴰⴼ ⵉⵙⵏⵎⴽⵜⴰ ⴷ ⵓⵙⴱⵓⵖⵍⵓ ⵏ ⵓⵖⵓⴷⵓ ⵏ ⵜⵏⴰⴼⵓⵜⵉⵏ ⴳ ⵢⵉⴳⵔ ⵏ ⵡⴰⴷⴰⴼ ⵙ ⵓⵎⵍⴰⵏ.

ⴳ ⵓⵎⵏⴰⴹ ⴰⴷ, ⵉⴳⴰ ⵓⵙⵎⵓⵏ ⴰⴷ ⴰⵣⵎⵣⵣⵓ ⵏ ⵜⵉⵍⵉⵜ ⵉⵖⵓⴷⴰⵏ ⴰⴼⴰⴷ ⴰⴷ ⵙⴰⵡⵍⵏ ⵅⴼ:

• ⵉⴼⵔⴷⵉⵙⵏ ⵏ ⵓⵙⵎⵓⵜⵜⴳ ⵏ ⵓⵙⵍⴳⵏ ⵓⵟⵟⵓⵏ 31.13 ⵉⵣⴷⵉⵏ ⴷ ⵓⵣⵔⴼ ⵏ ⵓⵙⵙⵉⴷⴼ ⵏ ⵉⵏⵖⵎⵉⵙⵏ ;

• ⵉⴳⵔⴰⵏ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⴳⵔ ⵓⵙⵇⵇⵉⵎ ⵏ ⵓⵣⵔⴼ ⵖⵔ ⵉⵏⵖⵎⵉⵙⵏ ⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ.

ⵜⵓⵛⴽⴰⴷ ⵜⵙⵏⵜⴰⵢⵜ ⴰⴷ, ⴰⴼⴰⴷ ⴰⴷⵜⵜⵓⵙⴽⴰⵔ ⵢⴰⵜ ⵜⴰⵏⵏⴰⵢⵜ ⴳⵔ ⵙⵏⴰⵜ ⵜⵎⵔⵙⴰⵍ ⴳ ⵓⵙⴷⵓⵙ ⵏ ⵜⵎⵙⵙⵓⴳⵓⵔⵜ ⵜⴰⵜⵔⴰⵔⵜ ⵉⴱⵉⴷⵏ ⴼ ⵜⵣⴳⴷⵉ, ⴷ ⴰⴷ ⵜⵙⵔⵙ ⵉⵎⵣⴷⴰⵖⵏ ⴳ ⵡⴰⵎⵎⴰⵙ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⴰⴷ ⵜⵙⴷⵓⵙ ⴰⵎⵢⴰⵡⴰⵙ ⴷ ⵓⵙⵎⵓⵏ ⴰⵎⵔⵙⴰⵍ ⴳ ⵢⵉⴳⵔⴰⵏ ⵏⵏⴰ ⵉⵣⴷⵉⵏ ⴷ ⵜⴷⵔⴰⵡⵜ ⵏ ⵙⵏⴰⵜ ⵜⵎⵔⵙⴰⵍⵉⵏ.