ⵜⵜⵓⵙⴳⵎⴰⴹ ⴰⵙⵙ ⵏ ⵓⵙⵉⵏⴰⵙ 13 ⵎⴰⵢⵢⵓ 2025 ⴳ ⵕⵕⴱⴰⵟ ⵜⵓⵙⵎⵉⵔⵜ ⵏ ⵓⵎⵙⴰⵙⴰ ⵏⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵇⵇⵉⵎⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵉⵣⵔⴼⴰⵏ ⵓⵖⵔⵉⵎⵏ ⴳ ⵜⴳⴷⵓⴷⴰⵏⵜ ⵏ ⴽⵓⵔⵢⴰ. ⵜⵡⴰⵜⵙ ⵜⵓⵙⵎⵉⵔⵜ ⵏ ⵓⵎⵙⴰⵙⴰ ⵏⵏⴰ ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴷ ⵎⴰⵙⵙ ⵔⵢⵓ ⵛⵓⵍ ⵡⴰⵏ, ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ ⵜⵜⴰⵡⴱⴷⴰⵔⵏⵉⵏ, ⴰⵙⴷⵓⵙ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⵏⴳⵔ ⵉⴳⵎⴰⵎⵏ ⴳ ⵢⵉⴳⵜ ⵏ ⵓⵙⴷⵓⵙ ⵏ ⵜⵖⴰⵔⵉⵡⵉⵏ ⴷ ⵡⴰⵔⴰⵢ ⵙⴳ ⵓⴳⵓⴼⵙⵓ ⵙ ⵓⵎⵙⴰⵙⴰ ⴰⴽⴷ ⵉⵙⵍⴳⵏⵏ ⵏⵏⵙⵏ ⵉⵏⴰⵎⵓⵔⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⴳⴰⵏⵜ ⵜⵎⵉⵣⴰⵔ ⵙ ⵙⵏⴰⵜ ⵉⴳⵎⴰⵎⵏ. ⴰⵙⴳⵎⴹ ⴰⴷ ⴰⵔ ⵉⵎⵎⴰⵍ ⵎⴰⵙ ⴷ ⵉⴳⵎⴰⵎⵏ ⵙ ⵙⵉⵏ ⴼⵔⴽⵏ ⵙ ⵉⵎⵉⵣⵉ ⴷⴰ ⵉⴳⴰ ⵓⴳⵓⴼⵙⵓ ⵅⴼ ⵜⴰⵣⵣⵉⴳⵣⵜ ⵏ ⵡⴰⵎⵓⵏⵏ ⴷ ⵜⴼⵍⴰⵙⵜ ⵏⵏⵙⵏ, ⴷ ⵜⵓⵛⵛⵉⵍⵜ ⵏ ⵓⵙⴱⵓⵍⵓ ⴰⴳⵔⴰⵖⵍⴰⵏ ⴳ ⵉⴳⵔⴰⵏ ⵣⴷⵉⵏⵉⵏ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵉⵣⴰⵍⵉⵡⵏ ⵏ ⵜⵖⴰⵔⵉⵡⵉⵏ ⴷ ⵜⵎⴳⴳⴰ ⵏⵏⴰ ⵔⴰⴷ ⵉⵙⵙⵓⴼⵓ ⵜⵉⵙⵓⵙⵖⵜ ⴷ ⵜⵣⴷⴳⵉ. ⵎⴽⴷⴰ ⵉⵎⵎⴰⵍ ⵓⵙⴳⵎⴹ ⵏ ⵜⵓⵙⵎⵉⵔⵜ ⴰⴷ ⵎⴰⵙ ⵓⵎⵎⵍⵏ ⵉⴳⵎⴰⵎⵏ ⵙ ⵙⵉⵏ ⴰⵙⴱⵓⵖⵍⵓ ⵏ ⵉⵎⴰⵙⵙⵏ ⴷ ⵢⵓⵙⴰⵏ ⵉ ⵓⵣⵣⴳⵉⵔ ⵏ ⵉⴱⴹⵉⵢⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵏ ⵓⵙⴳⴳⵯⴰⵙ ⵏ 2003, ⴰⴱⵓⵀⵓⵎ ⴰⴽⴽⵯ ⵙⴳ ⵓⵙⵙⵔⵇⴱ ⵏ ⵉⵡⴰⵏⴽⵏ ⴳⴰⵏⵉⵏ ⵉⴳⵎⴰⵎⵏ ⴳ ⵜⵎⵢⴰⵇⵇⴰⵏⵜ ⴰⴷ ⵙⴽⵔⵏ ⵜⵓⵙⵎⵉⵔⵉⵏ ⵏ ⵓⵎⵙⴰⵙⴰ ⴷ ⵉⵙⵏⵎⴰⵍⴰⵜⵏ ⵉⵙⵉⵏⴰⵏⵏ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵕⵡⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ. ⵓⵎⴰⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⵉⵍⵍⴰⵏ ⴳ ⵜⵓⵙⵎⵉⵔⵜ, ⵙ ⵜⵥⵍⴰⵢⵜ, ⴰⵎⵔⴰⵔⴰ ⵏ ⵜⵎⵓⵣⴰⵢ ⴷ ⵜⵎⵙⴽⴰⵔⵉⵏ ⵜⵉⵎⵓⴼⴰⵢⵉⵏ, ⴷ ⵜⵎⵙⵙⵉⵔⴷⵉⵏ ⵔⴰⴷ ⵉⵚⴰⵃⴰ ⴳ ⵜⵏⵥⴰⵕ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵏⵉⵜ ⵉⴳⴰ ⵜⵓⵙⵙⵏⵉⵡⵉⵏ ⴷ ⵜⵉⵜⵉⵇⵏⵉⵢⵉⵏ ⵅⴼ ⵉⴱⵉⴷⴷ ⵢⵉⴳⵔ ⵏ ⵓⵙⵎⵓⵜⵜⴳ, ⵙⵍⴰⵡⴰⵏ ⴰⴽⴽⵯ ⵜⵉⵍⵍⵉ ⵣⴷⵉⵏⵉⵏ ⴷ ⵓⵙⴷⵓⵙ ⵏ ⵜⵎⴳⴳⴰ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵡⴰⵏⵏⴰⵍ ⴷ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴷ ⵓⵙⵏⵎⴰⵍⴰ ⵏ ⵜⵉⵏⴰⵡⵉⵏ, ⴷ ⵜⵡⵓⵔⵉ ⵜⴰⵎⴳⵔⵓⵜ ⵅⴼ ⵉⵎⵔⵙⴰⵏ ⵣⴷⵉⵏⵉⵏ ⴷ ⵜⵙⵓⵙⵖⵜ ⴷ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ.