ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵢⴰⵏ ⴷ ⵎⵔⴰⵡⵜ ⵏ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⵖ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵢⵎⵓⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵍⵍⵉ ⵢⵎⴰⵏⵏ ⴳ ⵜⵖⵔⵎⵜ ⵏ ⴷⴷⴰⵃⴰ, ⵉⵙⴽⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⵄⴱⴷ ⵍⵎⵓⵏⵄⵉⵎ ⵎⵓⵃⵙⵉⵏⵉ, ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵓⴳⵔⴰⵡ, ⵢⴰⵜ ⵜⵙⵎⵓⵏⵉ ⵏ ⵜⵡⵓⵔⵉ ⴷ ⵓⴽⴰⴱⴰⵕ ⴰⴼⵕⴰⵏⵚⴰⵡⵉ ⵍⵍⵉ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ, ⵍⵍⵉ ⵜⵙⵙⵉⵅⴼ ⵜⵎⵀⵍⴰ ⵏ ⵜⵙⵏⵓⵔⴰⵢⵜ ⵜⴰⴼⵕⴰⵏⵚⴰⵡⵉⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ (AFA‎).

ⵉⴳⴰ ⵓⵎⴰⴳⵔ ⴰⴷ ⴰⵣⵎⵣⵣⵓ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵎⵏⵏⴰⵡ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⴳ ⵓⴳⵏⵙⵓ ⵏ ⵉⵥⵟⵟⴰⵜⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴳ ⵍⵍⴰⵏ ⵉⴳⵔⴰⵡⵏ ⴰⴷ, ⵢⵉⵍⵉ ⴷⴰⵔⵙⵏ ⵜⵉⵍⴰⵍⵉⵏ ⵏ ⵜⵏⵙⵙⵉⵅⴼⵜ, ⵙ ⵓⵣⵡⵉⵔⵉ ⴰⵣⵟⵟⴰ ⵏ ⵜⵣⴷⴳⵉ ⵏ ⵜⵡⵓⵔⵉⵡⵉⵏ  ⴳ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ (MOBIN), ⵏⵏⴰ ⵜⵙⵙⵉⵅⴼ ⵙ ⵓⵎⵢⴰⵡⴰⵙ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵜⵙⵏⵓⵔⴰⵢⵜ ⵜⴰⴼⵕⴰⵏⵚⴰⵡⵉⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴷ ⵓⵍⴰ ⴰⵥⵟⵟⴰ ⵏ ⵜⵙⵏⴱⴰⴹ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ (NCPA), ⵏⵏⴰ ⵉⵙⵙⵉⵅⴼ ⵓⴳⵔⴰⵡ ⴰⵏⴰⵎⵓⵔ, ⵜⴳ ⴳⵉⵙ ⵜⵙⵏⵓⵔⴰⵢⵜ ⵜⴰⴼⵕⴰⵏⵚⴰⵡⵉⵜ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ.

ⴳ ⵓⵙⵡⵉⵔ ⴰⵡⵏⴹⴰⵏ, ⵎⵙⴰⵙⴰⵏ ⵙⵙⵉⵏ ⴰⴷ ⵙⵔⵙⵏ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵉⵛⵛⴰⵔⵏ ⵃⵎⴰ ⴰⴷ ⵙⴱⵓⵖⵍⵓⵏ ⴰⵙⵏⴼⵍ ⵏ ⵉⵔⵎⵉⵏ ⴷ ⵜⵎⵓⵥⴰⵢⵉⵏ ⴷ ⵓⵍⴰ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⴷ ⵜⵙⴰⵡⵔⵉⵏ ⵏ ⵜⵡⵓⵔⵉⵡⵉⵏ ⵉⵛⵛⴰⵔⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴳ ⵉⴳⵔ ⵏ ⵜⵎⵙⵙⵏⵜⵉⵏ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵉⴳⵔ ⵏ ⵜⵓⵏⵏⵓⵏⵜ. ⵔⴰⴷ ⵉⴱⴷⵓ ⵓⵖⴰⵡⴰⵙ ⴰⴷ ⵙⴳ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵔⵙⴰⵍ ⴳ ⵜⵉⵣⵡⵉⵔⵉ ⵏ ⵓⵙⴳⴳⵯⴰⵙ ⴰⴷ ⵢⵓⵛⴽⴰⵏ.