ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴳ ⵓⵙⴰⵜⵉ ⵏ ⵓⴷⵔⴰⵡ ⵏⵏⵙ ⴰⵙⵜⵔⴰⵜⵉⵊⵉ ⴳ ⵓⴱⵓⵖⵍⵓ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉⵕⵥⵎ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵏⴰⵙ 09 ⴱⵕⴰⵢⵕ 2026, ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵖⴰⵡⴰⵙ "ⵜⴰⵙⵓⵜⵉⵏ ⵏ ⵜⵣⴷⴳⵉ" ⴳ ⵓⵙⵡⵉⵔ ⵏ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⵙⵍⵎⴷ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⴷⴷⴰⵕ ⵍⴱⵉⴹⴰ ⵚⵟⵟⴰⵟ, ⵙ ⵜⵎⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⴳⵎⵉ ⴰⵎⵏⵣⵓ ⴷ ⵜⵓⵏⵏⵓⵏⵜ. ⵉⴳⴰ ⵓⵖⴰⵡⴰⵙ ⴰⴷ ⵢⴰⵏ ⵙⴳ ⵜⵙⵏⵜⴰⵢⵉⵏ ⵜⵉⴳⴷⵓⴷⴰⵏⵉⵏ ⵎⵇⵇⵓⵔⵏⵉⵏ, ⵉⵡⵜⵜⵙⵏ ⴰⵙⴽⵛⵎ ⵏ ⵉⵙⵏⴼⴰⵔⵏ ⵏ ⵜⵣⴷⴳⵉ ⴷ ⵜⵎⵙⵙⵓⴳⵓⵔⵜ ⴳ ⵜⵓⴷⵔⵜ ⵏ ⵜⴰⵏⵎⵍⴰⵏⵜ, ⴷ ⴰⴷ ⵙⵙⵓⵜⴳⵏ ⵉⵎⵙⴽⴰⵔⵏ ⵏ ⵓⵙⴳⵎⵉ ⴷ ⵉⵎⵍⵎⴰⴷⵏ ⴳ ⴽⵉⴳⴰⵏ ⵏ ⵉⵙⵡⵉⵔⵏ ⵏ ⵓⵙⵍⵎⴷ.
ⵉⵙⵏⵎⴰⵍⴰ ⵓⵖⴰⵡⴰⵙ ⴰⴷ ⵢⴰⵜ ⵜⵙⵎⵓⵏⵉ ⵏ ⵓⵕⵥⵥⵓⵎ ⵙ ⵓⵙⵓⵜⵉ ⵏ ⵓⵏⴱⴷⴰⴷ ⵏ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ, ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⴷ ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵙ ⵜⵉⵍⵉⵜ ⵏ ⵉⵏⴱⴷⴰⴷⵏ ⴷ ⵉⵏⴱⴷⴰⴷⵏ ⵉⵏⵎⵏⴰⴹⵏ ⵏ ⵜⵙⴳⴰ, ⴷ ⵉⵎⵙⵜⴳⴳⴰⵔⵏ ⵏ ⵓⵖⴰⵡⴰⵙ ⴳ ⵓⵙⵡⵉⵔ ⵏ ⵉⵏⴱⴷⴰⴷⵏ ⵉⵏⵎⵏⴰⴹⵏ, ⴷ ⵡⴰⵎⵎⴰⵙⵏ ⵏ ⵓⵕⵥⵥⵓⵎ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵓⵍⴰ ⵉⵏⴱⴷⴰⴷⵏ ⴷ ⵉⵙⵍⵎⴰⴷⵏ ⵏ ⵜⵎⵔⵙⴰⵍⵉⵏ ⵏ ⵓⵙⵙⵍⵎⴷ. ⵜⵙⴰⵡⵍ ⵜⵙⵎⵓⵏⵉ ⴰⴷ ⵅⴼ ⵡⴰⵎⵎⴰⵙ ⵏ ⵜⵉⵏⵎⵍ ⵜⴳⴷⵓⴷⴰⵏⵜ ⴳ ⵓⵎⵏⵣⴰⵖ ⵏ ⵜⵓⵚⴽⴰ ⵏ ⵡⴰⵜⵉⴳⵏ ⵏ ⵜⵣⴷⴳⵉ, ⴷ ⵓⵎⵡⴰⵊⵊⴱ ⵏ ⵜⵣⵎⵎⴰⵔ ⵏ ⵓⵙⵎⵓⵏ ⵏ ⵜⵣⵎⵎⴰⵔ ⵜⵉⵎⵔⵙⴰⵍⵉⵏ ⵃⵎⴰ ⴰⴷ ⵢⵉⵍⵉ ⵡⴰⵜⵉⴳ ⴰⵙⵓⵍⴰⵏ ⵏ ⵜⵙⵔⵜⵉⵜⵉⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ. ⵉⵙⵎⵓⵏ ⵓⵖⴰⵡⴰⵙ ⵓⵍⴰ ⵢⴰⵜ ⵜⵡⵓⵔⵉ ⵏ ⵓⵙⵎⵓⵜⵜⴳ ⵉ ⵜⵏⴰⴼⵓⵜⵉⵏ ⵏ ⵓⵙⵍⵎⴷ ⴳ ⵜⵙⴳⴰ, ⵏⵏⴰ ⵉⵜⵜⵓⵙⵎⴳⴰⵍⵏ ⵙ ⵓⵙⵎⵏⵉⴷ ⵏ ⵉⵎⴰⴽⵏ ⵉⵎⴰⵢⵏⵓⵜⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴷ ⵓⵙⴼⵙⵉ ⵏ ⵜⵣⵎⵎⴰⵔ ⵏ ⵓⵙⵍⵎⴷ ⵅⴼ ⵡⴰⵜⵉⴳⵏ ⵏ ⵜⵣⴷⴳⵉ ⴷⴰⵜ ⵏ ⵉⵙⵏⴼⵍⵏ ⵉⵏⴰⵎⵓⵔⵏ, ⵓⵍⴰ ⴰⵙⵎⵏⵉⴷ ⵏ ⵜⴱⵔⵉⴷⵜ ⵏ ⵓⵙⵎⵓⵜⵜⴳ ⵏ ⵓⵖⴰⵡⴰⵙ ⵏ "ⵜⴰⵙⵓⵜⵉⵏ ⵏ ⵜⵣⴷⴳⵉ" ⴳ ⵜⵎⵔⵙⴰⵍⵉⵏ ⵏ ⵓⵙⵍⵎⴷ, ⵎⴰ ⵢⴰⴷ ⵉⵙⴷⵓⵙⵏ ⵜⵉⵍⴰⵍⵜ ⵏ ⵓⵙⵍⵎⴰⴷ ⴰⵎⵎ ⵓⵎⵙⴽⴰⵔ ⴰⵎⵇⵕⴰⵏ ⴳ ⵓⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⴳ ⵡⴰⵎⵎⴰⵙ ⵏ ⵜⵉⵏⵎⵍ.
ⵙ ⵓⴱⵓⵖⵍⵓ ⵏ ⵉⴳⵔⴰⵏ ⵏ ⵜⵡⵓⵔⵉ ⵏⵏⵙ ⴷ ⵓⵎⵢⴰⵏⴰⵡ ⵏ ⵜⵔⴰⴱⴱⵓⵜⵉⵏ ⵉⵜⵜⵓⵙⵎⴳⴰⵍⵏ, ⴷⴰ ⵉⵙⵏⵓⵎⵍ ⵓⵖⴰⵡⴰⵙ ⵏ "ⵜⴰⵙⵓⵜⵉⵏ ⵏ ⵜⵣⴷⴳⵉ" ⵜⴰⵏⵏⴰⵢⵜ ⵜⵓⵙⵎⴰⴷⵜ ⵉⵡⵜⵜⵙⵏ ⴰⵙⵎⵓⵜⵜⴳ ⵏ ⵢⴰⵜ ⵜⵔⵓⵙⵉ ⵉⵔⵡⵉⵏ ⵙ ⵜⵎⵙⵙⵓⴳⵓⵔⵉⵏ ⵏⵏⵙ, ⵓⵔ ⵉⵔⴰⵏ ⵜⴰⴽⵕⴹⵉ, ⴷ ⵉⵟⵟⴼⵏ ⵙ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵜⵣⵍⴰⵜ, ⴷ ⴷⴰ ⵉⵙⵎⵓⵏ ⵜⵉⵍⴰⵍⵜ ⵏ ⵜⵎⵔⵙⴰⵍⵜ ⵉⵛⵛⴰⵔⵏ ⴰⴼⴰⴷ ⴰⴷ ⵜⴳ ⵜⵉⵏⵎⵍ ⵜⴰⵎⵖⵔⴰⴱⵉⵜ ⴰⵙⴰⵢⵔⴰⵔ ⵏ ⵓⵙⴷⵓⵙ ⵏ ⵡⴰⵜⵉⴳⵏ ⴰⴷ, ⴷ ⵢⴰⵏ ⵓⴱⵔⵉⴷ ⴰⴷⵙⵍⴰⵏ ⵏ ⵓⵙⴷⵓⵙ ⵏ ⵜⴼⵔⴰⵜ ⴳ ⵜⵎⵔⵙⴰⵍ ⴷ ⵓⵃⵟⵟⵓ ⴰⴷⴷⵓⵔ ⵏ ⵓⵙⴳⵓⴼⵙⵓ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
19/06/2026
ⴳ ⵜⵙⴳⴰ ⵏ ⵜⴷⵔⴰⵡⵜ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⵚⴹⵉⵎⵔⴰⵡⵜ ⴷ ⵙⵉⵏ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ ⵉⵜⵜⵡⴰⴳⴳⵏ ⴳ ⵊⵓⵏⵉⴼ, ⵉⵙⴽⵔ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙ…
17/06/2026
ⵉⵙⵙⵉⵖⵥⵉⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵡⴰⴼⵔⵉⵇⵢⴰ, ⵙ ⵡⴰⵡⴰⵍⵎⵓⵏ, ⴷⴳ ⵜⵙⵓⵜⵍⵜ ⵜⵉⵙ ⵜⴰⵎⵜ ⵉⵜⵜⵓⵢⴰⴳⴳⵏ ⴳ ⵜⵎⴷⵉⵏⵜ ⵏ ⵏⵉⵔⵓⴱⵉ ⴳ ⵜⴳⴷⵓⴷⴰ ⵏ ⴽⵉⵏⵢⴰ ⴰⵙⵙ ⵏ ⵓⴽⵕⴰⵙ 17 ⵢⵓⵏⵢⵓ 2026, ⵅⴼ ⵡⴰⴷⴰⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ…
15/06/2026
ⵉⵙⴷⴷⵉⴷ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙ ⴷ ⵓⵔ ⵉⴳⵉ ⵓⵎⵙⴰⵔⴰⵙ ⵉⴷⵜⵜⴰⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴰⵙⴱⵓⵖⵍⵓ ⵏ ⵓⵣⵣⵔⴰⴼ ⵏⵖ ⴰⵙⴷⵓⵙ ⵏ ⵉⵎⴰⵙⵙⵏ ⵏ ⵓⴳⴳⵉⵡⵙ ⴷ ⵓ…