ⵜⵜⵡⴰⴳⵏ ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵕⵕⴱⴰⵟ ⴰⵙⵙ ⵏ ⵓⵙⵉⵏⴰⵙ 12 ⵎⴰⵢⵢⵓ 2026, ⵉⴱⵔⵓⵜⵓⴽⵓⵍⵏ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵜⵎⵓⵔⴰⵢⵜ ⵜⴰⵎⴰⵡⵙⴰⵙⵜ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵔ ⵜⵙⵉⵡⵉⴹ ⵖⵔ ⵓⵙⴷⵓⵙ ⵏ ⵓⵙⵖⵓⵏ ⴳⵔ ⵓⴼⵔⴰⴳ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ 

ⵜⴰⵎⵓ ⵜⵎⵢⴰⵇⵇⴰⵏⵜ ⴰⴷ ⴳ ⵓⵎⵏⴰⴹ ⵏ ⵓⵙⵎⵀⵍ ⵏ ⵉⵙⴱⴷⴰⴷⵏ ⵉⴷⵙⵜⴰⵔⵏ ⵉⵇⵇⵏⵏ ⵖⵔ ⵜⵏⵏⵓⴱⴹⴰ ⵜⵉⵎⵕⵡⵉⵜ, ⴷ ⵓⵣⴷⴰⵢ ⵏ ⵜⵎⵙⵜⴳⴳⴰⵔⵜ ⵙ ⵓⵙⵉⴹⵏ,  ⴷ ⵓⵙⵉⵣⴷⴳ ⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ,  ⴷ ⵓⴼⵔⴰⴳ ⵉ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⴷⵙⵍⴰⵏⵉⵏ, ⵉⵎⴽⵉⵏⵏⴰ ⵜⵎⵙⴰⵙⴰ ⴷ ⵉⵙⵖⵍⴰⴼ ⵓⵍⴳⵉⵏⵏ ⵏ ⵓⴳⵔⴰⵡ ⴰⵏⴰⵎⵓⵔ ⵓⵍⴰ ⵜⴰⵎⵓⵔⴰⵢⵜ ⵜⴰⵎⴰⵡⵙⴰⵙⵜ, ⴰⵡⴷ ⴷ ⵜⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵜⴰⵎⴰⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵡⴰⵔⵔⴰⵜⵏ ⵉⴳⵔⴰⵖⵍⴰⵏⵏ ⵉⵇⵇⵏⵏ ⵖⵔ ⵉⵣⵔⴼⴰⵏ ⵏ ⵓⴼⴳⴰⵏ.

ⴰⵔ ⵜⵙⵙⵡⵜⴰⵙ ⵜⵎⵢⴰⵇⵇⴰⵏⵜ ⴰⴷ ⴰⴷ ⵜⵙⵔⵙ ⵢⴰⵏ ⵓⵙⴰⵜⵉ ⵉⵜⵜⵓⵙⵙⵓⴷⵙⵏ ⵏ ⵓⵎⵢⴰⵡⴰⵙ ⴷ ⵓⵙⵎⵙⴰⵙⴰ, ⵙ ⵓⵢⵏⵏⴰ ⵉⵖⵉⵏ ⴰⴷ ⵉⵙⵙⵉⴷⴼ ⵜⴰⵎⵢⴰⴷⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵔⵜⴰⵢ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ, ⴷ ⵓⵙⴷⵓⵙ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵜⵏⵏⵓⴱⴹⴰ ⵜⵉⵎⵕⵡⵉⵜ ⴳ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵉⵇⵇⵏⵏ ⵖⵔ ⵉⵣⵔⴼⴰⵏ ⵏ ⵓⴼⴳⴰⵏ. ⵉⵎⴽⵉⵏⵏⴰ ⵜⵙⵉⵡⵉⴹ ⵖⵔ ⵡⴰⵏⵏⴰⵍ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵉⵎⵙⴰⵙⴰⵏ ⴷ ⵉⵏⵏⵓⵍⴰⵏ ⵓⴳⴳⴰⵔ ⵉⵣⵔⴼⴰⵏ, ⵙ ⵓⵢⵏⵏⴰ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵡⴰⴱⴰⴹ ⵏ ⵓⵙⵍⴳⵏ ⴷ ⵓⵙⵔⵓⵙ ⵏ ⵜⴼⵍⵙⵜ ⴳ ⵜⵎⵔⵙⴰⵍ.

ⵜⵓⵎⴰ ⵜⵎⵢⴰⵇⵇⴰⵏⵜ ⵉⴳⵔⴰⵏ ⵏ ⵓⵎⵢⴰⵡⴰⵙ ⴷ ⵓⵎⵔⴰⵔⴰ ⵏ ⵜⵎⵓⵛⴰ ⴷ ⵜⵖⵓⵔⵉⵡⵉⵏ ⴷ ⵜⵎⵓⵣⴰⵢ ⵅⴼ ⵓⵏⵎⵓⵇⵇⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵙⴳ ⵓⴳⵓⴼⵙⵓ,  ⴷ ⵓⵙⵎⵓⵜⵜⴳ ⵏ ⵉⵙⵏⴼⴰⵔ ⵉⵛⵛⴰⵔⵏ ⵏ ⵓⵙⵎⵓⵜⵜⴳ ⴷ ⵓⵙⴼⵔⴽ, ⴷ ⵜⵙⴽⵔⴰⵡⵜ ⵏ ⵜⵣⵔⴰⵡⵉⵏ ⴷ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ, ⴷ ⵜⴹⴼⵕⵉ ⵏ ⵉⵙⵖⵍⴰⴼ ⵏⵏⴰ ⴷ ⵉⴼⴼⵖⵏ ⵙⴳ ⵉⵎⴰⵙⵙⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵉⵣⴷⵉⵏ ⴷ ⵓⵙⴰⵜⵉ, ⴷ ⴰⵡⴷ ⴰⵙⴱⵓⵖⵍⵓ ⵏ ⵉⵎⴰⵙⵙⵏ ⴷ ⵜⴱⵔⵉⴷⵉⵏ ⵏⵏⴰ ⵉⵜⵜⴰⵡⵙⵏ ⴳ ⵓⴹⴼⵓⵕ ⴷ ⵓⵙⵖⴰⵍ ⵏ ⵓⴳⵓⴼⵙⵓ ⵅⴼ ⵓⵎⵔⵔⴻⵔ ⵙ ⵉⵣⵔⴼⴰⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ

ⴰⵔ ⵜⵎⵎⴰⵍ ⵜⵙⵓⵔⵉⴼⵜ ⴰⴷ ⵜⵉⵔⴰⵜ ⵉⵛⵛⴰⵔⵏ ⴳⵔ ⵉⴳⵎⴰⵎⵏ ⵙ ⵓⵡⵜⵜⴰⵙ ⵏ ⵓⵙⵎⵓⵏ ⵏ ⵜⵓⴳⴳⴰⵙ ⴷ ⵓⵙⴷⵓⵙ ⵏ ⵓⵙⵎⴰⴷ ⴰⵎⵔⵙⴰⵍ, ⵎⴰⵏ ⴰⵢⴰ ⴷ ⵜⴰⵏⴰⴼⵓⵜ ⵜⴰⵎⴰⵜⴰⵢⵜ, ⴷ ⵓⵙⵔⵓⵙ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵜⵏⵏⵓⴱⴹⴰ ⵜⴰⵎⵙⵜⴳⴳⴰⵔⵜ, ⴷ ⵡⴰⵏⵏⴰⵍ ⵉ ⵓⴼⵔⴰⴳ ⵉ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⴷⵙⵍⴰⵏⵉⵏ.

ⵉⵍⴰⵇ ⵓⴱⴷⴰⵔ ⵎⴰⵙ ⴷ ⵇⴰⴷ ⵜⵙⵏⵎⴰⵍⴰ ⵜⵎⵓⵔⴰⵢⵜ ⵜⴰⵎⴰⵡⵙⴰⵙⵜ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ 25 ⵢⵓⵏⵢⵓ 2026,  ⵢⴰⵏ ⵓⵏⵎⵓⵇⵇⴰⵔ ⴰⵎⵏⴰⵡⴰⵢ ⵅⴼ ⵉⵎⵔⵙⵉ: "ⴰⴼⵔⴰⴳ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵡⴰⵔⴰⵢ ⵙⴳ ⵓⵙⴳⵓⴼⵙⵓ", ⴷ ⵎⴰⵏ ⴰⵢⴰ ⴳ ⵜⵙⴳⴰ ⵏ ⵜⵙⵓⵜⵍⵜ ⵜⵉⵙ ال62 ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⵉ ⵔⴰⴷ ⵉⵜⵜⵡⴰⴳ ⴳ ⵊⵓⵏⵉⴼ ⵉⵏⴳⵔ 15 ⵢⵏⵢⵓ ⴷ و10 ⵢⵓⵍⵢⵓⵣ 2026.