ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ ⵓⵙⵖⴰⵍ ⵏ ⵜⵢⴰⴼⵓⵜⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵎⵔⵙⴰⵍ ⴰⵙⵓⵍⴰⵏ ⵙ ⵎⴰⴷ ⵉⵎⵓⵏⵏ ⴷ ⵜⵎⵔⵏⵉⵡⵜ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴷ ⵓⵎⵛⴽⵛⴰⵎ ⵏ ⵢⵉⵏⴳⴰⵢⵏ ⵏ ⵓⴷⵔⵉⵎ ⴷ ⵜⵣⵣⵉⴳⵣⵜ ⵏ ⵉⵎⴰⵙⵙⵏ ⵉⵎⵓⵟⵟⵓⵏⵏ.

ⵉⴽⵍⵍⵉ ⵉⵙⴷⴷⵉⴷ ⵎⴰⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵓⵔⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⵏⵉⴷ ⵏ ⵓⴳⵔⴰⵡ ⵎⴰⵙ ⴷ ⵜⴰⵏⵥⵕⵜ ⵉⵍⵍⴰⵏ ⴰⵙⵙ ⴰⴷ ⵜⴳⴰ ⵜⵜ ⵜⵓⵚⴽⴰ ⵏ ⵢⴰⵏ ⵓⵙⴰⴷⵎⵔ ⴰⵎⴳⵔⵓ ⵉⵥⴹⴰⵕⵏ ⴰⴷ ⵉⵙⵏⴼⵍ ⵜⴰⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵙⴳ ⵢⴰⵏ ⵓⵙⴰⵜⵉ ⵉⵙⵎⵓⵏⵏ ⵜⵉⵎⵔⵉⵙⵉⵏ ⴰⵔ ⵢⴰⵜ ⵜⴰⴳⴳⴰⵍⵜ ⵉⵕⵡⴰⵏ ⵉ ⵓⵃⵟⵟⵓ ⵏ ⵜⴳⵎⵉ ⴷ ⵓⵙⴷⵓⵙ ⵏ ⵓⴱⴰⴹ ⵏ ⵓⵙⵍⴳⵏ ⴷ ⵓⵙⴷⵓⵙ ⵏ ⵜⵎⵢⴰⵎⴰⵏⵜ ⴳ ⵜⵎⵔⵙⴰⵍ, ⵢⵉⵏⵉ ⵎⴰⵙ ⴷ ⴰⵎⵙⴰⵔⴰⵙ ⵓⵔ ⵜ ⵙⵓⵍ ⵉⴳⵉ ⵡⴰⵍⴰⵙ ⵏ ⵓⵙⴷⴷⵉⴷ ⵏ ⴰⵢⵍⵍⵉ ⵅⴼ ⵉⵍⵍⴰ ⵓⵎⵙⴰⵙⴰ " ⵎⴰⵛ ⴰⵎⵓⵜⵜⵉ ⵙⴳ ⵜⵎⵔⵉⵙⵜ ⴰⵔ ⵜⴰⵙⴽⵔⴰⵡⵜ ⴷ ⵙⴳ ⵓⵎⵙⴰⵙⴰ ⵅⴼ ⵉⵎⵏⵣⴰⵢⵏ ⴰⵔ ⵜⵡⵓⵔⵉ ⵜⴰⵎⴰⵣⴰⵔⵜ ⵉⵍⴰⵏ ⵜⴰⵢⴰⴼⵓⵜ"

ⴳ ⵓⵙⴰⵜⵉ ⴰⴷ, ⵉⵎⵍⴰ ⵓⵏⵙⵙⵉⵅⴼ ⵎⴰⵙ ⴷ ⵜⵉⴼⵔⴽⵜ ⴷ ⵉⴷⴷⴰⵏ ⵉⵇⵇⴰⵏ ⴷ ⴰⴷ ⵜⴱⴷⴷ ⵅⴼ ⵉⵙⵉⵣⵡⵉⵔⵏ ⵉⵣⴷⵉⵏ ⴷ ⵉⵙⵎⵓⵏⵏ ⴳⵔ ⵓⵙⵎⵀⵍ ⵏ ⵡⴰⵎⵎⴰⴽⵏ ⵏ ⵜⵎⵢⴰⵇⴰⵏⵜ ⴷ ⵓⵙⴷⵓⵙ ⵏ ⵡⴰⵔⴰⵢ ⴷ ⵓⴹⴼⴼⵓⵕ ⴷ ⵓⵙⵓⵜⴳ ⵏ ⵜⵎⵔⵉⵙⵉⵏ ⵜⵉⵎⴰⵣⴰⵔⵉⵏ, ⵉⴽⵍⵍⵉ ⵉⵙⴷⴷⵉⴷ ⵅⴼ ⵜⵏⴼⵔⴰⵔⵜ ⵢⴰⵜⵜⵓⵢⵏ ⵏ ⵓⵣⵉⵣⵣⵍ ⵏ ⵓⵙⵎⵀⵍ ⵏ ⵡⴰⵎⵎⴰⴽ ⵉⵎⵎⴰⵍⵏ ⴰⵣⵣⴳⵉⵔ ⵏ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙⵍⴰⵡⴰⵏ ⴰⴽⴽⵯ ⵍⵍⵉⴳ ⴰ ⵜⴰⴽⴽⴰ ⴰⵙⵖⴰⵍ ⴰⵎⵙⵖⴰⵔⵓ ⵏ ⵓⵙⵡⵉⵔ ⵏ ⵓⵣⵣⴳⵉⵔ ⴷ ⵜⵉⴹⴰⴼ ⵏ ⵜⵣⵣⵉⴳⵣⵜ ⴷ ⵜⵓⴳⴰⵡⵉⵏ ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⴷ ⵓⵙⵕⵚⵚⴰ ⵏ ⵜⴷⵍⵙⴰ ⵏ ⵓⵙⵓⵜⴳ ⵉⵎⵔⴰⵔⴰⵏ ⴷ ⵓⵍⵎⵎⵓⴷ ⴰⵎⴰⵣⴰⵔ ⴳ ⵓⵙⴰⵜⵉ ⵏ ⵓⵣⵔⴰⴽ ⵏ ⵜⵥⵍⴰⵢⵉⵏ ⵜⵉⵏⴰⵎⵓⵔⵉⵏ.

ⵉⴽⵍⵍⵉ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⵜⵙⴽⵔ ⴳ ⵓⵙⴷⵓⵙ ⵏ ⵜⵣⴷⴳⵉ ⴷ ⵡⴰⵢⴰⵔ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ  ⵜⴰⵎⵙⵍⴰⵢⵜ ⵏ ⵓⵡⴰⵏⴽ ⴷ ⵡⴰⵎⵓⵏ, ⵉⵣⴷⴷⵉⵏ ⴳⵔ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵙⵍⴳⵏ ⴷ ⵓⵃⵟⵟⵓ ⵏ ⵓⵣⵎⵣⵣⵓ ⴰⵏⴳⵎⵓ, ⵎⴽⵍⵍⵉ ⵉⵎⵍ ⵓⵏⵙⵙⵉⵅⴼ ⴰⴷⵖⴰⵔ ⴰⵏⴰⵎⵎⴰⵙ ⵏ ⵡⴰⵔⴰⵢ ⵓⵔ ⴷ ⵍⵍⵉⵖ ⵉⵍⵍⴰ ⴳ ⵓⴷⵖⴰⵔ ⵏ ⵓⵙⵇⵇⵙⵉ ⵎⴰⵛ ⵍⵍⵉⴳ ⵉⴳⴰ ⵢⴰⵜ ⵜⵣⵎⵔⵜ ⵜⴰⵎⵔⵙⴰⵍⵜ ⵉⵣⴳⴳⵓⵔⵏ ⵉⵎⵉⵣⵉⵜⵏ ⴷ ⵓⵙⵎⴽⵍ ⵏ ⵉⴷⵖⴰⵔⵏ ⵏ ⵜⵔⵛⵉ ⴷ ⵓⵙⴷⵓⵙ ⵏ ⵡⴰⵏⴰⴹ ⴷ ⵓⵙⵡⵓⴷⴷⵓ ⴰⴳⴷⵓⴷⴰⵏ.

ⴳ ⵓⵎⵏⴰⴹ ⴰⴷ, ⵉⵏⵏⴰ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⵎⴰⵙ ⴷ ⵉⵇⵇⴰⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴰⵄⵄⵕⴰⴱ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵙ ⴰⵢⵍⵍⵉ ⵔⴰⴷ ⵜ ⵢⴰⵊⵊ ⴰⴷ ⵉⵎⵎⵓⵜⵜⵉ ⵙⴳ ⵓⵎⵔⴰⵔⴰ ⵏ ⵜⵔⵎⵉⵜⵉⵏ ⴰⵔ ⵜⵓⵚⴽⴰ ⵏ ⵜⵙⵏⵜⴰⵢⵉⵏ ⵜⵉⵎⴰⵣⴰⵔⵉⵏ ⴷ ⵙⴳ ⵜⵎⵏⵏⴰⵡⵜ ⵏ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⴰⵔ ⴰⵙⵎⴰⴷ ⵏⵏⵙⵏⵜ ⴷ ⵙⴳ ⵓⵎⵢⴰⵡⴰⵙ ⵏ ⵉⵣⵎⵣⵣⴰ ⴰⵔ ⵓⵎⵢⴰⵡⴰⵙ ⴰⵎⵔⵙⴰⵍ ⴰⵙⵓⵍⴰⵏ, ⵢⵉⵏⵉ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵓⵊⴰⴷ ⴰⴼⴰⴷ ⴰⴷ ⵜⵣⵣⵉⴳⵣ ⴳ ⵓⵍⵜⴰⵖ ⵏⵏⵙ ⵓⵎⵏⵉⴳ ⴳ ⵜⵓⴳⴳⴰⵙ ⵜⴰⵄⵄⵕⴰⴱⵉⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⴱⵟⵟⵓ ⵏ ⵜⵎⵓⵣⴰⵢⵉⵏ ⵏⵏⵙ ⴷ ⵓⴱⵣⴰⵔ ⴳ ⵓⵙⴱⵓⵖⵍⵓ ⵏ ⵡⴰⵎⵎⴰⴽⵏ ⵏ ⵜⵎⵢⴰⵇⴰⵏⵜ ⴷ ⵓⵣⵣⴳⵉⵔ ⵏ ⵉⴱⴹⵉⵢⵏ ⵏⵏⴰ ⴷ ⵉⴼⴼⵓⵖⵏ ⴳ ⵓⵙⴰⵜⵉ ⵏⵏⵙ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴳ ⵜⴳⵉⵔⴰ ⵏ ⵜⴳⵓⵔⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵎⴰⵙ ⴷ ⴰⵎⵓⵔⵙ ⵏ ⵜⵙⵓⵜⵍⵜ ⴰⴷ ⵓⵔ ⴰⴷ ⵜ ⴳⵉⵏ ⵉⴱⴹⵉⵢⵏ ⵍⵍⵉ ⵔⴰⴷ ⵜⵙⵖⵣⵏ ⵎⴰⵛ ⴰⵢⵍⵍⵉ ⵔⴰⴷ ⵜⵙⵔⵙ ⴳ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏⵏⴰ ⵔⴰⴷ ⵉⵙⴽⵔ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⵢⴰⵏ ⵓⵙⴰⵢⵔⴰⵔ ⵏ ⵓⵙⵡⴰⵍⴰ ⵏ ⵢⵉⴳⵉ ⴰⵎⴳⵔⵓ ⴷ ⵙⴳ ⵓⵎⵢⴰⵡⴰⵙ ⴰⵄⵕⴰⴱ ⵢⴰⵜ ⵜⵎⵙⴽⵔⵜ ⵜⴰⵎⵔⵙⴰⵍⵜ ⵉⵏⵎⴰⵍⴰⵏ ⵉⵟⵟⴰⴼⵏ ⴰⴷⵔⵉⵣ, ⵢⵉⵏⵉ ⵎⴰⵙ ⴷ ⵜⴰⴷⵓⵙⵉ ⵏ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵉ ⵔⴰⴷ ⵜⴳ ⵜⴰⵣⵎⵔⵜ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⵅⴼ " ⵓⵙⵏⴼⵍ ⵏ ⵉⴹⵕⵉⵚⵏ ⵏⵏⵙⵏ ⵙ ⵜⵎⵙⴽⵔⵜ ⴷ ⵜⵎⵔⵉⵙⵜ ⵏⵏⵙ ⵙ ⵜⵙⵔⵜⴰⵢ ⴷ ⵢⵉⴱⴹⵉⵏ ⵏⵏⵙ ⵙ ⵜⵢⴰⴼⵓⵜⵉⵏ".

ⴳ ⵓⵙⴰⵜⵉ ⴰⴷ, ⵉⵎⵍⴰ ⵍⵎⵖⵔⵉⴱ ⵎⴰⵙ ⵉⵔⴰ ⴰⴷ ⵜⴳ ⵜⵙⵓⵜⵍⵜ ⴰⴷ ⵢⴰⵜ ⵜⴼⵔⴽⵜ ⵏ ⵓⵎⵓⵜⵜⵉ ⵙⴳ " ⵓⵙⵡⴰⵔ ⵏ ⵓⵙⴰⵜⵉ ⴰⵔ ⴰⵙⵎⵀⵍ ⵏ ⵡⴰⵎⵎⴰⴽⵏ ⵏⵏⵙ ⴷ ⵙⴳ ⵓⵙⴷⴷⵉⴷ ⵏ ⵜⵉⵔⵉⵜ ⴰⵔ ⴰⵙⵏⵎⴰⵍⴰ ⵏ ⵢⵉⴳⵉ ⴷ ⵙⴳ ⵓⵎⵢⴰⵡⴰⵙ ⴰⵎⵍⵖⵓ ⴰⵔ ⴰⵎⵢⴰⵡⴰⵙ ⵉⵍⴰⵏ ⵜⴰⵢⴼⵓⵜ"  ⵙ ⴰⵢⵍⵍⵉ ⵔⴰⴷ ⵉⵙⴷⵓⵙ ⵜⵓⴳⴳⴰⵙ ⵏ ⵜⴳⵎⵉ ⵉⵙⴷⵓⵙ ⴰⴱⴰⴹ ⵏ ⵓⵙⵍⴳⵏ ⴷ ⵉⵙⴷⵓⵙ ⵜⴰⵎⵢⴰⵎⴰⵏⵜ ⴳ ⵜⵎⵔⵙⴰⵍ.