ⴳ ⵓⵙⴰⵜⵉ ⵏ ⵉⵏⴰⵥⴰⵕⵏ ⵏ ⵓⵙⴳⵓⴳⵙⵓ ⴰⵎⵎ ⵢⴰⵏ ⵙⴳ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵏⵏⴰ ⵉⵜⵔⵣⵣⴰⵏ ⵜⵉⵔⵙⴰⵍ ⵏ ⵓⵡⴰⵏⴽ ⵏ ⵜⵣⵔⴼⵜ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵍⴰ ⵡⴰⴷ ⵉⵙⴱⵉⴷⴷ ⵜⵉⵔⵡⵉ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵖⵉⴽⵍⵍⵓ ⵓⵍⴰ ⵉⵍⴽⵎ ⵜⴰⵎⵢⴰⵎⴰⵏⵜ ⴳⵔ ⵓⵏⴰⵎⵓⵔ ⴷ ⵜⵎⵔⵙⴰⵍ ⵏⵏⵙ. ⴰⵏⵏⴰⵍ ⵏⵜⵎⵓⴽⵔⵉⵙⵜ ⴰⴷ ⵓⵔ ⵉⴳⵉ ⵖⴰⵙ ⵓⵙⵓⵜⵔ ⴰⵏⴰⵎⵓⵏ ⵏⵖⴷ ⵢⴰⵏ ⵓⵣⵣⴳⵉⵔ ⵏ ⵜⵎⵔⵙⴰⵍ, ⵎⴰⵛ ⵉⴳⴰ ⵢⴰⵜ ⵜⵎⵣⵡⴰⵔⵓⵜ ⵜⴰⵙⵜⵔⴰⵜⵉⵊⵉⵜ, ⵏⵏⴰ ⵉⵜⵜⵓⴹⴼⴰⵕⵏ ⵙ ⵉⵙⴽⴽⵉⵍⵏ ⵉⴷⵙⵜⴰⵔⵏ ⴼⴰⵡⵏⵉⵏ ⴷ ⵉⵙⵓⵖⴰⵏⵏ ⵉⴳⵔⴰⵖⵍⴰⵏⵏ, ⵎⴰⴷ ⵉⵜⵜⴰⵊⵊⴰⵏ ⴰⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵜⴰⵍⵖⴰ ⵜⴰⵏⴰⵎⵓⵔⵜ ⴷ ⵜⴰⵍⴳⴰⵎⵜ ⵜⴰⵙⵔⵜⴰⵏⵜ ⴷ ⵜⴰⵣⵔⴼⴰⵏⵜ ⵏⵏⴰ ⵓⵔ ⵉⵔⴰⵏ ⴰⴱⵕⵕⴰⵎ.

ⵙ ⵓⴼⵔⴰⴽ ⴰⴷ, ⴷ ⵓⵍⴰ ⵙ ⵓⴼⵔⴰⴽ ⵙ ⵉⵙⴱⴷⴰⴷ  ⵏ ⵓⴷⵙⵜⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⵣⴷⵉⵏ ⴷ ⵓⵙⴱⴷⴷⵉ ⵏ ⴽⵓⵍⵍⵓ ⵡⴰⵏⴰⵡⵏ ⵏ ⵓⵙⴳⵓⴼⵙⵓ, ⴷ ⵓⵙⵙⴷⵓⵙ ⵏ ⵉⵎⵏⵣⴰⵢⵏ ⵏ  ⵜⵣⴷⴳⵉ, ⴷ ⵙ ⵓⴹⴼⴰⵕ ⵏ ⵜⵎⵏⵢⵓⴳⴰⵔⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ, ⵏⵏⴰ ⵉⵔⴰⵏ ⴰⴷ ⵉⴼⴽ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⵎⵔⵙⴰⵍⵉⵏ ⵏ ⵜⵏⴱⴰⴹⵜ, ⵙ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⵏⵏⵙⵏⵜ ⴷ ⵜⵎⵔⵙⴰⵍⵉⵏ ⵜⵉⵏⴰⵎⵓⵔⵉⵏ ⴳ ⵓⴹⴼⴰⵕ ⵏ ⵉⵙⵓⵖⴷⵏ ⵉⵅⴰⵜⴰⵔⵏ ⵍⵍⵉ ⵜⵙⵙⵏ ⵜⴳⵍⴷⵉⵜ ⵙ ⵓⵎⵙⴰⵙⴰ ⴷ ⵉⵙⵓⵖⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏⵏⴰ ⴷ ⵜⵉⵡⵉ ⵜⵎⵢⴰⵇⵇⴰⵏⵉⵏ ⵏ ⵜⵎⵜⵜⴰ ⵢⵎⴰⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵜⵜⵓⵙⴳⵎⴹ ⴰⵙⵙ ⵏ ⵓⵙⵉⵎⵡⴰⵙ 07 ⴽⵜⵓⴱⵕ 2025 ⵅⴼ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓⴷ ⵓⵙⴱⴷⴷⵉ ⵏⵏⵙ ⴷ ⵓⴳⵊⴷⵉ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵃⵟⵟⵓ ⵏ ⵡⴰⴽⴰⵍ ⴰⵏⴰⵎⵓⵔ.

ⵜⴰⵎⵢⴰⵇⵇⴰⵏⵜ ⴰⴷ ⵙ ⵜⵖⵔⴰⵔⵜ ⵏⵏⵙ ⵜⴰⵙⵜⵔⴰⵜⵉⵊⵉⵜ ⴷ ⵜⵙⵍⴳⴰⵏⵜ, ⵓⵔ ⵜⴳⵉ ⵖⴰⵙ ⵢⴰⵏ ⵡⴰⵎⵎⴰⴽ ⵏ ⵓⵎⵢⴰⵡⴰⵙ ⴰⵜⵉⵇⵏⵉ, ⵎⴰⵛ ⵜⴳⴰ ⵢⴰⵏ ⵓⵍⵖⵓ ⵉⴼⴰⵡⵏ ⵏ ⵜⵓⵔⴰⵢⵜ ⵏ ⵓⵡⴰⵏⴽ ⵃⵎⴰ ⴰⴼⵔⴰⴳ ⴰⴳⵯⵏⵙⴰⵏ ⵎⵏⵉⴷ ⵉⵎⵉⵣⴰⵏ ⵏ ⵓⵙⴳⵓⴼⵙⵓ, ⵙ ⵓⵙⵔⵙ ⵏ ⵓⵙⴰⵜⵉ ⴰⵙⵓⵍⴰⵏ ⵏ ⵓⵣⵎⵣⴷⵉ ⴷ ⵓⵙⵎⴰⴷ ⴰⵎⵔⵙⴰⵍ ⴳⵓ ⵡⴰⵍⵍⴰⵍ ⵏ ⵜⵏⴼⵔⵓⵜ ⴱⵓ ⵡⴰⴷⴷⵓⵔ ⵎⵇⵇⵓⵔⵏ ⴷ ⵜⵏⴳⵎⴰⵎⵜ ⵜⴰⵙⵜⴰⵔⵜ ⵜⴰⵎⵣⵉⵔⵉⴳⵜ, ⵙ ⵎⴰⴷ ⵉⵜⵜⴰⵡⵙⵏ ⵖ ⵓⵙⵎⵀⵍ ⵏ ⵜⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ, ⵏⵏⴰ ⵉⵙⴽⴰⵔⵏ ⵖ ⵡⴰⵔⴰⵢ ⴷ ⵓⵏⵀⴰⵎ ⵢⴰⵜ ⵜⴰⵍⵍⴰⵍⵜ ⵉⴷⵓⵙⵏ ⵏ ⵓⵙⵙⴷⵓⵙ ⵏ ⵡⴰⴼⴼⴰⵍ ⵏ ⵓⵡⴰⵏⴽ ⴷ ⵡⴰⵎⵓⵏ ⴳ ⵓⵎⵏⵉⴷ ⵏ ⵜⵎⵓⴽⵔⵉⵙⵉⵏ ⵏ ⵓⵙⴳⵓⴼⵙⵓ.

ⵜⴰⵎⵢⴰⵇⵇⴰⵏⵜ ⴰⴷ ⵏⵏⴰ ⵎⵓ ⵉⴱⴷⴰ ⵓⵙⵃⵉⵢⵍ ⵏⵏⵙ ⵙⴳ 04 ⵢⵓⵍⵢⵓⵣ 2025, ⵜⴱⵉⴷ ⴼ ⵜⴰⵍⵍⴰⵣⵜ ⵜⴰⵎⵔⵙⴰⵍⵜ ⵎⴰⵙⴷ ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⴳ ⵓⵙⵏⵓⴱⴳ ⵏ ⵉⵛⴽⵎⵏ ⴷ ⵜⵎⵓⵛⴰ ⵉⵣⴷⵉⵏ ⴷ ⵉⵣⵏⵏⵉⵔⵏ ⵏ ⵓⵙⴳⵓⴼⵙⵓ, ⴷ ⵓⵍⴰ ⵉⵔⵣⵣⵓⵜⵏ ⴷⵉⵙ ⵣⴷⵉⵏⵉⵏ, ⵓⵔ ⵖⵉⵏ ⴰⴷ ⵙⵙⴽⵔⵏ ⵜⵉⵍⴰⵍ ⵏⵏⵙⵏⵜ ⵜⵉⵅⴰⵜⴰⵔⵉⵏ ⴱⵍⴰ ⵏ ⵜⴷⵔⴰⵡⵜ ⵉⴷⵓⵙⵏ ⴷⵡⴰⵍⵍⴰⵍⵏ ⵏ ⵜⵏⴼⵔⵓⵜ, ⵙ ⵓⵃⵟⵟⵓ ⵏ ⵜⵣⵎⵔⵜ ⴷ ⵜⴰⵣⵣⵓⵍⴰⵏⵜ, ⴷ ⵓⵃⵟⵟⵓ ⵏ ⵜⵏⴱⴰⴹⵜ ⵏ ⵓⵣⵔⴼ ⴷ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏⵙ, ⵎⴰⴷ ⵉⵙⵓⴳⵔ ⴰⴷ ⵜⵉⵍⵉ ⵜⵉⵔⵡⵉ ⴷ ⵜⵣⵣⵓⵍⴰⵏⵜ, ⴷ ⵜⵉⵣⵉ ⴰⴷ ⵏⵉⵜ ⴰⴷⴷⵓⵔ ⵏ ⵓⵙⵍⴳⵏ ⴷ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵜⴰⵎⵢⴰⵇⵇⴰⵏⵜ ⴰⴷ ⵜⴳⴰ ⵓⵍⴰ ⵢⴰⵏ ⵓⴼⵔⴰⴽ ⴰⵎⵔⵙⴰⵍ ⵢⴰⵜⵜⵓⵢⵏ ⵙ ⵜⵎⵍⵉⵍⵜ ⵜⴰⵙⵜⵔⴰⵜⵉⵊⵉⵜ ⵏⵏⴰ ⵙ ⵙⵡⵓⵔⵉⵏ ⵡⴰⵍⵍⴰⵍⵏ ⵏ ⵜⵏⴼⵔⵓⵜ ⵉⵎⴰⵢⵏⵓⵜⵏ ⵖ ⵜⴷⵉⵏⴰⵎⵉⵜ ⵏ ⵜⵏⵏⵓⴱⴹⴰ ⵉⵕⵡⴰⵏ ⵙ ⵓⵎⵙⴰⵙⴰ ⴷ ⵜⵎⵙⴽⴰⵔⵉⵏ ⵜⵉⵎⴰⴹⵍⴰⵏⵉⵏ.

ⴷⴰ ⵙⵙⵓⵜⵓⵔⵏ ⵉⵎⴷⵔⴰⵡⵏ ⵏ ⵜⵎⵢⴰⵇⵇⴰⵏⵜ ⴰⴷ, ⴰⴷ ⵍⴽⵎⵏ ⵜⵓⴳⵜ ⵏ ⵉⵡⵜⵜⴰⵙⵏ ⵏ ⵡⴰⵏⴰⵡ, ⵙⵍⴰⵡⴰⵏ ⴰⴽⴽⵯ :

• ⴰⵙⴷⵓⵙ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵔⵙⴰⵍ ⴳ ⵢⵉⴳⵔ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ;

• ⴰⵙⴷⵓⵙ ⵏⵓⵣⴷⴷⵓⵢ ⴷ ⵓⵙⵏⴼⵍ ⵏ ⵜⵎⵓⵛⴰ, ⵃⵎⴰ ⴰⴷ ⵜⵉⵍⵉ ⵜⵉⵕⵡⵉ ⵏ ⵉⵔⵣⵣⵓⵜⵏ ⴷ ⵉⵙⵏⵓⴱⵛⵏ ⵉⵣⴷⵉⵏ ⴷ ⵓⵙⴳⵓⴼⵙⵓ ;

• ⴰⵙⴱⵓⵖⵍⵓ ⵏ ⵜⵣⵎⵎⴰⵔ ⵜⵉⵎⵔⵙⴰⵍⵉⵏ ⵙ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴰⴷⵙⵍⴰⵏ ⴷ ⵓⵙⵓⵍⴰⵏ ⴷ ⵓⵎⵥⵍⴰⵢ ⴷ ⵓⵙⵏⴼⵍ ⵏ ⵉⵔⵉⵎⵏ ⴷ ⵜⵎⵙⴽⴰⵔⵉⵏ ⴼⵓⵍⴽⵉⵏⵉⵏ ;

• ⴰⴷ ⵙⴽⵔⵏ ⵖ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵔⵙⴰⵍ ⵢⴰⵏ ⵡⴰⵍⵍⴰⵍ ⵏ ⵓⵙⴷⵓⵙ ⵏ ⵡⴰⴷⴷⴰⴷ ⵏ ⵜⵎⵔⵙⴰⵍ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⵣⴷⴳⵉ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⵎⴰⴹⵍⴰⵏ, ⴷ ⴰⴷ ⵉⵙⵙⴷⵓⵙ ⵜⵉⵣⵎⵎⴰⵔ ⵏ ⵜⴳⵍⴷⵉⵜ ⴳ ⵓⵙⵓⴼⵓ ⵙ ⵉⵙⵓⵖⴰⵏ ⵏⵏⵙ ⵜⵉⴳⵔⴰⵖⵍⴰⵏⵉⵏ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ.

ⴼ ⵖⵉⴽⴰⵏⵏ, ⴳⴰⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⵍⵍⵉ ⵢⵜⵜⵓⵙⵏⵎⴰⵍⴰⵏ ⴳ ⵜⵎⵢⴰⵇⵇⴰⵏⵜ ⴰⴷ ⵎⵏⵏⴰⵡ ⵏ ⵜⵙⵏⵜⴰⵢ, ⵖⵉⴽⵍⵍⵉ ⴳⵉⵙⵏ ⵉⴽⵛⵎ ⵓⵙⵏⴼⵍ ⵏ ⵜⵎⵓⵛⴰ ⵉⵥⵍⵉⵏ ⵙ ⵉⴳⵔ ⵏ ⵓⵙⵡⵓⵔⵉ ⵏⵏⵙⵏ, ⴷ ⵓⵙⵏⴼⵍ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⴳ ⵓⴹⴼⴰⵕ ⵏ ⵜⵙⵓⵎⴰⵔ ⵏ ⵓⵙⴳⵓⴳⵙ ; ⵓⵍⴰ ⴰⵙⵏⵎⴰⵍⴰ ⵏ ⵉⵙⵎⵓⵜⵜⴳⵏ ⵉⵥⵍⵉⵏ ⵙ ⵜⵖⴰⵔⴰⵙⵉⵏ ⵏ ⵓⵣⵣⵔⴰⵢ, ⴷ ⵓⵙⵔⵓⵙ ⵏ ⵉⵎⵏⵉⵔⵏ ⵉⵙⵓⵖⴰⵍ ⵏ ⵓⵙⵎⵓⵜⵜⴳ ⵉⵛⵛⴰⵔⵏ ⵏ ⵜⵎⴳⴳⴰ ⵏ ⵓⵏⴽⵛⴰⵎ ; ⵓⵍⴰ ⴰⵙⴱⵓⵖⵍⵓ ⵏ ⵉⵏⴳⵔⴰⵡⵏ ⵏ ⵓⵃⵟⵟⵓ ⴰⵎⵣⵡⴰⵔⵓ, ⴷ ⵓⵙⵔⵓⵙ ⵏ ⵜⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵉⵎⵉⵣⴰⵏ ⵏ ⵓⵙⴳⵓⴼⵙⵓ, ⴷ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵏ ⵓⵙⵙⵉⴷⴷ ⵏ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵡⴰⵎⵎⴰⵙ ⴰⵣⵣⵓⵍⴰⵏ.

ⵖⵉⴽⵍⵍⵉ ⵜⴰⴽⴽⴰ ⵜⵎⵢⴰⵇⵇⴰⵏⵜ ⴰⴷ ⵉ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵢⴰⵏ ⵓⵙⴰⵢⵔⴰⵔ ⵉⴼⵓⵍⴽⵉⵏ ⴰⴼⴰⴷ ⴰⴷ ⵜⵙⵔⵙ ⵜⵉⵔⵎⵉⵜⵉⵏ ⵏⵏⵙ ⴷ ⵉⵎⵛⴰⵡⴰⵕⵏ ⵏⵏⵙ ⴳ ⵓⵙⴰⵜⵉ ⵏ ⵉⵙⵓⵖⴰⵏⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ ⴷⴷⵓ ⵏ ⵉⴳⵊⴷⵉ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵃⵟⵟⵓ ⵏ ⵡⴰⴽⴰⵍ ⴰⵏⴰⵎⵓⵔ, ⴷ ⴰⵔ ⵜⵜⴰⴽⴽⴰ ⴳ ⵓⵎⵏⵉⴷ ⵏⵏⵙ ⵜⵉⵣⵎⵎⴰⵔ ⵜⵉⵜⵉⵇⵏⵉⵢⵉⵏ ⵍⵍⵉ ⵢⴼⴽⴰ ⵡⵙⵓⵜⵍ ⴰⵎⴰⵢⵏⵓ ⵏ ⵜⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵓⵙⵉⵙⵙⵏ ⴰⵍⵉⴽⵟⵕⵓⵏⵉ, ⵙ ⵓⵎⵙⴰⵙⴰ ⴷ ⵜⴼⴰⴷⵉⵡⵉⵏ ⵏ ⵜⵎⴰⵢⴰⵇⵇⴰⵏⵜ ⵜⴰⵎⵥⵍⴰⵢⵜ, ⴷ ⵙ ⵓⵃⵕⵛ ⵏ ⵉⵙⴱⴷⴰⴷⵏ ⴷ ⵜⴼⴰⴷⵉⵡⵉⵏ ⵜⵉⵣⵔⴼⴰⵏⵉⵏ ⴷ ⵜⵎⴳⴳⵉⵜⵉⵏ ⵜⵉⵏⴰⵎⵓⵔⵉⵏ ⴷ ⵜⵉⴳⵔⴰⵖⵍⴰⵏⵉⵏ ;

ⵜⴳⴰ ⵜⵎⵢⴰⵇⵇⴰⵏⵜ ⴰⴷ ⵓⴳⴳⴰⵔ ⵏ ⵢⴰⵏ ⵡⴰⵎⵎⴰⴽ ⵏ ⵜⵡⵓⵔⵉ ⵉⵛⵛⴰⵔⵏ, ⵎⴰⵛ ⵜⴳⴰ ⵢⴰⵜ ⵡⴰⵍⵖⵓ ⴰⵙⵜⵔⴰⵜⵉⵊⵉ ⴷ ⵓⵣⵔⴼⴰⵏ ⵉⵜⵜⵓⵙⵏⴼⵍⵏ ⵎⴰⵙ ⵓⵔ ⵉⴳⵉ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵢⴰⵜ ⵜⵖⴰⵡⵙⴰ ⵜⴰⵜⵉⴽⵏⵓⵍⵓⵊⵉⵜ ⵉⴷⵔⵓⵙⵏ, ⵎⴰⵛⴰ ⵉⴳⴰ ⵢⴰⵏ ⵓⴱⵔⵉⴷ ⴰⵎⵔⵙⴰⵍ ⴰⵙⵜⵔⴰⵜⵉⵊⵉ, ⵉⵙⴷⵓⵙⵏ ⴰⵡⴰⵏⴽ ⵏ ⵓⵣⵔⴼ ⴷ ⵜⵏⴱⴰⴹⵜ ⵉⵖⵓⴷⴰⵏ ⴷ ⵜⴰⵎⵢⴰⵎⴰⵏⵜ ⵏ ⵡⴰⵎⵓⵔ ⴳ ⵜⵎⵔⵙⴰⵍ ⵏⵏⵙ, ⵖⵉⴽⵍⵍⵉ ⵉⵙⵙⵔⵓⵙ ⵍⵎⵖⵔⵉⴱ ⴳ ⵢⴰⵏ ⵓⴷⵖⴰⵔ ⴰⵎⵣⵡⴰⵔⵓ ⴳ ⵜⴽⴰⵕⴹⴰ ⵏ ⵜⵣⵎⵎⴰⵔ ⵜⵉⴳⵔⴰⵖⵍⴰⵏⵉⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴰⵎⵎ ⵢⴰⵜ ⵜⵎⵓⵔⵜ ⵉⵙⵎⴷⵢⴰⵏ ⵙ ⵜⵥⵉⴹⴰⵕ ⵏⵏⵙ ⴰⴷ ⵜⵙⵎⵓⵜⵜⵔ ⵜⵎⵢⴰⵇⵇⴰⵏⵉⵏ ⵜⵉⵍⵖⴰⵏⵉⵏ ⵙ ⵜⵢⴰⴼⵓⵜⵉⵏ ⵜⵉⴽⵎⴰⵎⵉⵏ.