ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵕⵥⵥⵓⵎ ⵏⵏⵙ ⴼ ⵜⵎⵙⵎⵓⵏⵜ ⵜⴰⵖⵔⵎⴰⵏⵜ ⴷ ⵜⵉⵍⴰⵍ ⵏⵏⵙ ⴳ ⵓⵙⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵓⵙⵙⴷⵓⵙ ⵏ ⵉⵎⵏⵣⴰⵢⵏ ⵏ ⵜⵏⴱⴰⴹⵜ ⵉⵖⵓⴷⴰⵏ, ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵙ ⵜⵎⴷⵔⴰⵡⵜ ⴷ ⵜⵎⵙⵎⵓⵏⵜ ⵏ ⵜⵄⵄⵓⵔⵎⴰ ⵏ ⵜⵎⴷⵓⵍⵜ ⵏ ⵜⴷⵍⵙⴰ ⴷ ⵜⴳⵎⵉ, ⴰⵙⵙ ⵏ ⵓⵙⵉⴹⵢⴰⵙ 28 ⵛⵓⵜⴰⵏⴱⵉⵔ 2025, ⴳ ⵓⴳⴰⴷⵉⵔ, ⵜⵉⵏⴰⵡⵜ ⵜⴰⵏⵎⵏⴰⴹⵜ ⵜⵉⵙⵙ ⴽⵕⴰⴹⵜ ⵅⴼ " ‎ⴰⴽⴰⵎ ⵏ ⵜⵎⴷⵔⴰⵡⵜ ⵜⴰⵖⵔⵎⴰⵏⵜ ⴷ ⵜⵏⵏⵓⵎⵔⴰ ⵜⴰⵎⴳⴳⴰⵢⵜ ⴳ ⵓⵙⴱⵓⵖⵍⵓ ⵏ ‎‎ⵜⵣⴷⴳⵉ”.

ⵜⵉⵏⴰⵡⵜ ⴰⴷ ⵜⵓⵛⴽⴰⴷ ⵖ ⵢⴰⵏ ⴳ ⵉⵙⴳⵔⴰⵡⵏ ⵏ ⵓⵎⵢⴰⵡⴰⴹ ⵉⵔⴰⵏ ⴰⴷ ⵉⵙⵙⴷⵔⵓ ⵓⵎⵙⴰⵡⴰⵍ ⴳⵔ ⵉⵎⵙⴽⴰⵔⵏ ⵏ ⵓⵎⵓⵏ ⵓⵖⵔⵉⵎ ⵅⴼ ⵜⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵜⵣⴷⴳⵉ ⴰⴼⴰⴷ ⴰⴷ ⵉⵙⵙⴷⵓⵙ ⵜⴰⵎⵢⴰⵎⴰⵏⵜ ⵜⴰⵎⵢⴰⴳⴳⴰⵏⵜ ⴳⵔ ⵉⵏⴰⵎⵓⵔⵏ ⴷ ⵜⵎⵔⵙⴰⵍⵉⵏ ⵜⵉⴳⴷⵓⴷⴰⵏⵉⵏ.

ⵜⵙⵎⵓⵏⵉ ⴰⴷ ⵏⵏⴰ ⵖ ⵜⵍⵍⴰ ⵜⴷⵔⴰⵡⵜ ⵜⴰⵎⵢⴰⵏⴰⵡⵜ ⵏ ⵉⵎⵙⵜⴳⴳⴰⵔⵏ ⵏ ⵜⴳⵔⴰⵡⵉⵏⵜⵉⵎⵓⵔⴰⵏⵉⵏ, ⴷ ⵜⴳⵔⴰⵡⵉⵏ ⵉⵜⵜⵓⵙⵜⴰⵢⵏ, ⴷ ⵉⵎⵙⴽⴰⵔⵏ ⵉⵎⵙⵎⵓⵏⵏ, ⴷ ⵉⵎⵔⵣⵓⵜⵏ, ⴷ ⵉⵏⵖⵎⴰⵙⵏ ⴷ ⵉⵣⵣⵓⵍⴰⵏⵏ ⴳ ⵉⴳⵔⴰⵏ ⵉⵎⵢⴰⵏⴰⵡⵏ, ⵎⴰ ⵢⴰⴷ ⵉⴼⴰⵏ ⵜⴰⵖⴹⴼⵜ ⵉ ⵉⵙⵏⵜⵉⵜⵏ ⵏ ⵜⵉⵏⴰⵡⵜ.

ⵉⵙⴰⵡⵍ ⵓⵎⴰⴳⵔ ⵅⴼ ⵜⴷⵔⴰⵡⵜ ⵏ ⵉⵏⴰⵎⵓⵔⵏ ⴳ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴷ ⵓⵙⵙⴷⵓⵙ ⵏ ⵜⵎⵢⴰⵎⴰⵏⵜ, ⵖⵉⴽⵍⵍⵉ ⵉⵜⵜⵓⵙⴽⴰⵔ ⵓⵙⵎⵏⵉⴷ ⵏ ⵜⵔⵎⵉⵜⵉⵏ ⵜⵉⴷⵖⵔⴰⵏⵉⵏ ⵉⵎⵓⵔⵙⵏ ⴳ ⵓⵙⵎⵀⵍ ⵏ ⵉⵎⴰⴽⵏ ⵏ ⵜⴷⵔⴰⵡⵜ ⵜⴰⵏⵎⵓⵔⴰⵏⵜ ⵣⵓⵏⴷ ⵜⵉⵔⵎⵉⵜⵉⵏ ⴷ ⵜⴷⴽⴽⵯⴰⵏⵉⵏ ⵜⵉⵎⵓⵟⵟⵓⵏⵉⵏ ⴷ ⵉⵙⵇⵇⵉⵎⵏ ⵏ ⵉⵄⵔⵔⵉⵎⵏ.

ⴳ ⵓⵢⵏⵏⴰ ⵢⴰⴹⵏⵉⵏ, ⵜⵙⴰⵡⵍ ⵜⴷⵔⴰⵡⵜ ⵅⴼ ⵉⵔⵉⵎⵏ ⵉⵕⵡⴰⵏ ⴳ ⵜⵏⴱⴰⴹⵜ ⵜⴰⴷⵖⵔⴰⵏⵜ, ⴷ ⵓⵕⵥⵥⵓⵎ ⴰⵎⵓⵟⵟⵓⵏ ⴷ ⵓⵙⵙⴽⵛⵎ ⵏ ⵉⵏⴰⵎⵓⵔⵏ ⴳ ⵜⵣⵔⴼⵜ ⵜⴰⵎⴷⵔⴰⵡⵜ, ⴷ ⵜⵉⵔⵎⵉⵜ ⵏ ⴽⵔⴰ ⵏ ⵉⵙⵇⵇⵉⵎⵏ ⵏ ⵉⵄⵔⵔⵉⵎⵏ ⴳ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴳ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴳ ⵓⵙⵙⴷⵓⵙ ⵏ ⵜⴷⵔⴰⵡⵜ ⵏ ⵉⵄⵔⵔⵉⵎⵏ ⴳ ⵓⵙⴽⴰⵔ ⵏ ⵜⵙⵔⵜⴰⵏⵉⵏ ⵜⵉⵎⵓⵔⴰⵏⵉⵏ. 

ⵜⵙⴷⴷⵉⴷ ⵜⵉⵏⴰⵡⵜ ⵎⴰⵙ ⴰⵍⵜⴰⵖ ⴰⵏⵎⵓⵔⵉ, ⵓⵔ ⵉⴳⴰ ⵖⴰⵙ ⵜⴰⵎⴰⵜⴰⵔⵜ, ⵎⴰⵛ ⵉⴳⴰ ⵜⴰⵡⵓⵔⵉ ⵏ ⴽⵓ ⵡⴰⵙⵙ ⵏⵏⴰ ⵉⵅⵚⵚⴰ ⴰⴼⵔⴰⴽ ⴷ ⵓⵙⵎⵓⵜⵜⴳ ⴷ ⵉⵎⴰⴽⵏ ⵉⴼⵓⵍⴽⵉⵏ ⵏ ⵓⵙⴱⵓⵖⵍⵓ ⵏ ⵜⵣⴷⴳⵉ ⴷ ⵜⵎⵙⴰⵙⵜⵍⵜ, ⵎⴰ ⵔⴰⴷ ⵢⴰⵡⵙ ⴳ ⵓⵙⵙⴷⵓⵙ ⵏ ⵜⵎⵢⴰⵎⴰⵏⵜ ⴳⵔ ⵉⵏⴰⵎⵓⵔⵏ ⴷ ⵜⵎⵔⵙⴰⵍ ⴷ ⵓⵙⴷⵓⵙ ⵏ ⵜⴳⵎⵉ ⵜⴰⵙⵓⵍⴰⵏⵜ.

ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ

20/10/2026
  • ⵜⵉⵎⴰⵢⵏⵓⵜⵉⵏ :

ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⴽⵕⴰⴹⵜ ⵜⵏⴱⴰⴹⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⴳⵏ ⵏ ⵢⵉⴳⵔ ⴰⵥⵕⴼⴰⵏ ⴷ ⵓⵎⴰⵜⵔ ⵏⵏⵙ, ⵍⵍⵉ ⵉⴳⴰⵏ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⵎⵖⵔⵉⴱⵉ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴷ ⵓⴳⵔⴰⵡ ⵏ ⵓⵎⴰⵜⵔ …

20/10/2026
  • ⵜⵉⵎⴰⵢⵏⵓⵜⵉⵏ :

ⵉⵙⴷⴷⵉⵙ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙ ⴷ ⵜⵉⵎⵙⴽⵔⵜ ⵜⴰⵎⵙⵜⴳⴳⴰⵔⵜ ⵏ ⵜⵎⵙⵙⵏⵜⴰⵢ ⵜⴳⴰ ⵢⴰⵏ ⵓⴳⵣⵣⵓⵎ ⴰⴷⵙⵍⴰⵏ ⴳ ⵜⴼⴰⴷⵉⵡⵉⵏ ⵏ ⵜⵙⵓⵍⴰⵏⵜ ⴷ ⵜⵎⵣⵉⵣⵡⵔⵜ ⴷ ⵡⴰⴷⴰⴼ ⴰⴷⵎⵙⴰⵏ ⴳ…

16/10/2026
  • ⵜⵉⵎⴰⵢⵏⵓⵜⵉⵏ :

ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 16 ⴽⵟⵓⴱⵕ 2026 ⴳ ⵕⴱⴱⴰⵟ, ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵉⵙⵎⵏⵉⴷ ⴳⵉⵙ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ, ⵜⵓⵎⴰⵢⵉⵏ ⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⵙ…