ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴳ ⵓⵙⴰⵜⵉ ⵏ ⵓⴷⵔⴰⵡ ⵏⵏⵙ ⴰⵙⵜⵔⴰⵜⵉⵊⵉ ⵙ ⵓⵏⵏⵓⵕⵥⵎ ⴷ ⵓⵎⵓⵏ ⵓⵖⵔⵉⵎ, ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵖⵔⵎⴰⵏⵜ ⴳ ⵜⵣⵎⵎⴰⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵙⵏⵓⴱⴳ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 23 ⵢⵓⵍⵢⵓⵣ 2025, ⴳ ⵓⵙⵖⵉⵎ ⵏ ⵓⴳⵔⴰⵡ, ⵎⴰⵙⵙ ⴰⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴰⵎⵣⵣⴳⴰⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⴽⵛⵎ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵜⵉⵔⴰⵜ ⵏ ⵓⴳⵔⴰⵡ ⴰⴷ ⵉⵙⴽⵔ ⴰⵎⵢⴰⵡⴰⵙ ⵉⴼⵓⵍⴽⵉⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴰⵎⵎ ⴰⵎⴷⵔⴰⵡ ⴰⵅⴰⵜⴰⵔ ⴳ ⵓⵙⴱⵓⵖⵍⵓ ⴷ ⵓⵙⵎⵔⵙ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵔⵉⵏ, ⴷ ⵜⴷⵔⴰⵡⵜ ⴳ ⵓⵙⴽⴰⵔ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⵣⵔⴼⵜ ⵉⵙⴰⴷⵎⵔⵏ ⵉ ⵜⵉⵔⴰⵜⵉⵏ ⵏ ⵉⵎⵣⴷⴰⵖⵏ ⴷ ⵉⵙⴱⵖⵔⵏ ⵏ ⵜⴳⵎⵉ.
ⴰⵏⵎⵓⵇⵇⴰⵔ ⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⵏ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵉⴱⵔⵉⴷⵏ ⵏ ⵓⵎⵢⴰⵡⴰⵙ ⵉⵖⵉⵢⵏ, ⵙⴳ ⵓⵎⵙⴰⵙⴰ ⵏ ⵉⵎⵏⵉⴷⵏ ⴳⵔⴰⵜⵙⵏ, ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵓⵙⴷⵓⵙ ⵏ ⵜⵏⴰⴷⴰⵜⵉⵏ ⵏⵜⵣⴷⴳⵉ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵙⵓⵙⵄ ⵏ ⵢⵉⴳⵔ ⵏ ⵜⴷⵔⴰⵡⵜ ⵜⴰⵖⵔⵎⴰⵏⵜ.
ⵉⵜⵜⵓⵙⴷⵉⴷ ⵓⵍⴰ ⵅⴼ ⵓⵙⵎⵙⴰⵙⴰ ⵏ ⵜⵣⵎⵎⴰⵔ ⴷ ⵓⵕⵥⵥⵓⵎ ⵏ ⵉⵎⵓⵙⵙⵓⵜⵏ ⵉⴱⴰⵔⴰⵣⵏ, ⴷ ⵓⵙⵜⵉⴳ ⵏ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵜⵎⵙⵎⵓⵏⵜ ⵜⴰⵖⵔⵎⴰⵏⵜ ⴳ ⵓⵙⵎⵓⵙⵙⵓ, ⴷ ⵓⴼⵙⴰⵔ ⵏ ⵜⴷⵍⵙⴰ ⵏ ⵡⴰⵔⴰⵢ ⵏⵏⴰ ⵉⴳⴰⵏ ⴰⵏⵏⴰⵍ ⴰⴷⵙⵍⴰⵏ ⵉ ⴽⵓ ⴰⵙⵏⴼⵍⵓⵍ ⴰⵏⴰⵎⵓⵏ ⴰⵙⵓⵍⴰⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
23/09/2026
ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ …
10/09/2026
ⵉⵎⴹⴰⴽⴰⵕⵏ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ.ⵉ ⵉⴼⵔⵓⵔⵉⵜⵏ ⵢⴰⴹⵏⵉⵏ ⴰⴳⴳⵯⴰⵜ ⵏⵏ ⴰⵎⵏⵏⵉ ⵉⵜⵜⵓⴼⵙⴰⵔⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵔⴰ ⵏ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ ⴳ ⵜⵖⵓⵏⵉ ⴰ…
09/09/2026
ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ …