ⵉⵙⵙⵉⵅⴼ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵢⵏⴰⵙ 6 ⴽⵜⵓⴱⵕ 2025, ⵜⴰⵙⵎⵓⵏⵉ ⵏⵏⴰ ⴳ ⵉⵜⵜⵓⴼⴽⴰ ⵓⵏⵏⵓⵔⵣⵎ ⵏ ⵓⵙⵎⵏⵉⴷ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴳ ⵓⵙⴰⵜⵉ ⵏ ⵓⵣⵣⵔⴰⵢ ⵏ ⵜⵖⵜⴰⵙⵜ ⵏ ⵜⵙⵓⵜⵍⵜ ⵜⵉⵙⵙ ⴽⴽⵓⵥⵜ ⵏ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ  ⵜⵎⵢⴰⵇⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵥⵍⵉⵏ ⵙ ⵓⵙⵔⵙ ⵏ ⵢⴰⵏ ⵓⵎⵉⴽⴰⵏⵉⵣⵎ ⵉⵥⵍⵉⵏ ⵙ ⵓⴹⴼⴰⵕ ⵏ ⵓⵙⵎⵔⵙ ⵏ ⵜⵎⵜⵜⴰ ⵏ ⵓⵎⵙⴰⵙⴰ, ⵖⵉⴽ ⵍⵍⵉ ⵢⵏⵏⴰ ⵡⴰⵔⵔⴰⵢ ⵡⵉⵙⵙ 33 ⵏ ⵓⵎⵙⴰⵙⴰ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ, ⴳ ⵜⴳⵓⵔⵉ ⵏⵏⵙ ⴳ ⵓⵏⵎⵓⵇⵇⴰⵔ ⴰⴷ, ⵎⴰⵙ ⵜⴳⴰ ⵜⵙⵏⵓⵔⴰⵢⵜ ⴰⴷ ⴰⵣⵎⵣⵣⵓ ⵉⵅⴰⵜⴰⵔⵏ ⵏ ⵓⵙⵜⴰⵍ ⵏ ⵓⵏⴳⵔⴰⵡ ⴰⵏⴰⵎⵓⵔ ⴳ ⵉⴳⵔⴰⵏ ⵏ ⵜⵎⵙⴰⵙⵜⵍⵜ ⴷ ⵜⵣⵍⴰⵜⵉⵏ, ⵉⵙⵓⵍ ⵉⵏⵏⴰ ⵎⴰⵙ ⵜⴰⴳⴳⴰⵍⵉⵏ ⵏ ⵓⵙⵖⵣⵏ ⵓⵔ ⵜⴳⵉ ⴰⵡⵜⵜⴰⵙ ⵏⵏⵙⵏⵜ, ⵎⴰⵛ ⵜⴳⴰ ⵢⴰⵜ ⵜⴱⵔⵉⴷⵜ ⵏ ⵓⵙⵎⵓⵜⵜⴳ ⵏ ⵜⵎⵣⵡⴰⵔⵓⵜⵉⵏ ⴷ ⵓⵙⵖⵓⴷⵓ ⵏ ⵜⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ ⴰⴼⴰⴷ ⴰⴷ ⵙⵡⵓⵔⵉⵏⵜ ⵜⴳⵎⵉ ⵜⴰⵙⵓⵍⴰⵏⵜ, ⴷ ⴰⴷ ⵙⵏⵎⴰⵍⴰⵏⵜ ⵜⵉⵙⵜⵔⴰⵜⵉⵊⵉⵢⵉⵏ ⵏ ⵓⵙⴱⴷⴷⵉ ⵏ ⵜⵣⵔⴼⵜ ⴳ ⵓⴱⵔⵉⴷ ⵏ ⵓⵙⴷⵓⵙ ⵏ ⵜⵎⵙⴰⵙⵜⵍⵜ ⴳⵔ ⵉⵏⵎⵓⵔⴰ ⴷ ⵜⵎⵔⵙⴰⵍ.

 
ⴳ ⵓⵙⴰⵜⵉ ⵏ ⵓⵙⵎⵙⴰⵙⴰ ⵏ ⵜⵣⵎⵎⴰⵔ ⵜⵉⴳⴷⵓⴷⴰⵏⵉⵏ ⴰⴼⴰⴷ ⴰⴷ ⵢⵉⵍⵉ ⵓⴱⵔⵉⴷ ⴰⴷ, ⵜⵜⵓⵙⴽⴰⵔ ⵢⴰⵜ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵍⵍⵉ ⵔⴰⴷ ⵉⵙⵙⵉⵅⴼ  ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵔⴰⴷ ⵉⵙⵉⵙⵎⵙⴰⵙⴰ ⵜⵉⵡⵓⵔⵉⵡⵉⵏ ⵏⵏⵙ, ⴷ ⵉⵙⵎⵓⵏ ⵉⵙⵎⴷⵢⴰⵏⵏ ⵏ ⵉⴳⵔⵏ ⵏ ⵜⵏⴱⴰⴹⵜ ⴷ ⵜⵎⵔⵙⴰⵍⵉⵏ ⵜⵉⴳⴷⵓⴷⴰⵏⵉⵏ ⴷ ⵢⵉⴳⵔ ⵉⵥⵍⵉⵏ ⴷ ⵡⴰⵎⵓⵏ ⵓⵖⵔⵉⵎ, ⵖⵉⴽ ⵍⵍⵉ ⵢⵏⵏⴰ ⵢⴰⵏ ⵓⴱⵔⵉⴷ ⵏ ⵓⵎⵢⴰⵡⴰⵙ ⵉⵙⴷⵉⴷⴼⵏ ⴰⵙⵎⵙⴰⵙⴰ ⴷ ⵜⴷⵔⴰⵡⵜ ⴳⵔ ⵉⵎⵙⴽⴰⵔⵏ ⵉⵎⵢⴰⵏⴰⵡⵏ.

ⵔⴰⴷ ⵜⵙⵡⵓⵔⵉ ⵜⵙⵇⵇⵉⵎⵜⵜ ⴰⴷ ⵅⴼ ⵓⵙⵙⵎⴰⵔ ⵏ ⵓⵏⵇⵇⵉⵙ ⴰⵏⴰⵎⵓⵔ ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⵉ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⵓⵏⵜ ⵏ ⵉⵡⴰⵏⴽⵏ ⵉⵄⵕⴰⴱⵏ ⴳ ⵉⵎⴰⵍⴰⵙⵙ ⵏ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵏⵓⵡⴰⵏⴱⵉⵔ 2025.
ⵔⴰⴷ ⴰⵡⴷ ⵜⵙⵎⵓⵜⵜⴳ ⵜⴰⵡⵓⵔⵉ ⵜⴰⵄⵕⴰⴱⵜ ⵉⵛⵛⴰⵔⵏ ⴳ ⵢⵉⴳⵔⴰⵏ ⵏ ⵜⵣⴷⴳⵉ ⴷ ⵜⴱⵕⵕⴰⵏⵉⵜ, ⴷ ⵔⴰⴷ ⵜⵣⵎⵔ ⵜⵙⵇⵇⵉⵎⵜ ⵏ ⵉⵡⴰⵏⴽⵏ ⵏ ⵜⵎⵓⵏⵜ ⴰⴷ ⵜⴹⴼⵕ ⵉⵙⵡⵓⴷⴷⵓⵏ ⴷ ⵜⵙⵔⵜⵉⵜⵉⵏ ⵍⵍⵉ ⵙⵙⵓⵎⵔⵏⵜ ⵉⵡⴰⵏⴽⵏ ⵏ ⵜⵎⵓⵏⵜ ⴰⴷ, ⴷ ⵔⴰⴷ ⵜⵙⴱⵉⴷⴷ ⴰⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵜⵡⵉⵙⵉ ⵜⴰⵣⵔⴼⴰⵏⵜ ⴳ ⵢⵉⴳⵔ ⵏ ⵓⵙⴱⴷⴷⵉ ⴷ ⵓⵙⴱⴷⴷⵉ ⵏ ⵜⴽⵓⵔⴱⵓⵜ, ⵙⵍⴰⵡⴰⵏ ⴰⴽⴽⵡ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⴼⵍ ⵏ ⵉⵙⴱⴱⴰⴱⵏ ⴷ ⵓⵙⴷⵓⵙ ⵏ ⵜⵎⴷⵔⴰⵡⵜ ⴳⵔ ⵉⵡⴰⵏⴽⵏ ⵉⴳⵎⴰⵎⵏ.

ⵉⵇⵇⴰⵏⴷ ⴰⴷ ⵏⵙⵙⴽⵜⵉ ⵎⴰⵙ ⴰⵙⵜⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⴳ ⵡⴰⵏⵙⴰ ⵏ ⵓⵙⴼⵙⵔ ⵙⴳ ⵙⵏⴰⵜ ⵏ ⵜⵎⵉⵣⴰⵔ ⵏ ⵙⵙⴰⵄⵓⴷⵢⵢⴰ ⴷ ⵍⴽⵡⵉⵜ ⴳ ⵓⵙⴳⴳⵡⴰⵙ ⵏ 2026, ⵉⵜⵜⵓⵙⴽⴰⵔ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵜⵔⴰⴱⴱⵓⵜ ⵏ ⵓⵙⴼⵙⵔ ⴰⵎⵓⴼⴰⵢ ⴷ ⵜⵙⵎⵓⵏⵉ ⵜⵉⵙⵙ ⵙⴰ ⵏ ⵓⵙⵇⵇⵉⵎ ⴰⵎⴰⵜⴰⵢ ⵉⵕⵥⵎⵏ ⵉ ⵢⵎⵙⴽⴰⵔⵏ ⵏ ⵜⵏⴱⴰⴹⵜ ⴷ ⵉⵎⵙⵜⴳⴳⴰⵔⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵜⵎⵉⵣⴰⵔ ⵏ ⵉⵎⴷⵔⴰⵡⵏ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⵙⵖⵉⵎ ⵏ ⵜⵙⴷⴰⵡⵉⵜ ⵏ ⵜⵎⵉⵣⴰⵔ ⵜⵉⵄⵕⴰⴱⵉⵏ ⴳ ⵍⵇⴰⵀⵉⵕⴰ.