ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ 13 ⴱⵕⴰⵢⵕ 2026, ⵢⴰⵜ ⵜⵙⵎⵓⵏⵉ ⵜⴰⴷⵍⵙⴰⵏⵜ ⴷ ⵜⴰⵡⵏⴳⵉⵎⵜ, ⵏⵏⴰ ⵉⵙⵏⵓⴱⴳ ⵓⵙⵉⵏⴰⴳ ⴰⵏⴰⵎⵓⵔ ⴰⵏⴰⴼⵍⵍⴰ ⵏ ⵓⵥⴰⵡⴰⵏ ⴷ ⵜⵥⵓⵕⵉ ⵜⴰⴽⵓⵔⵉⴳⵔⴰⴼⵉⵜ ⴳ ⵕⵕⴱⴰⵟ, ⵙ ⵜⴷⵔⴰⵡⵜ ⵏ ⵎⵏⵏⴰⵡ ⵏ ⵉⵎⴰⵙⵙⴰⵜⵏ ⴷ ⵉⵎⵔⵣⵓⵜⵏ ⴷ ⵉⵎⵙⴽⵍⵏ ⵅⴼ ⵜⵖⴰⵡⵙⵉⵡⵉⵏ ⵏ ⵜⵏⵏⵓⴱⴹⴰ ⴷ ⵓⵎⵏⵏⵓⵖ ⴷ ⵓⵙⴳⵓⴼⵙⵓ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵜⵉⴳⴷⵓⴷⴰⵏⵉⵏ, ⵙ ⵓⵣⵎⵣⵣⵓ ⵏ ⵓⵙⵎⵏⵉⴷ ⵏ ⵓⴷⵍⵉⵙ ⴰⴳⵔⴰⵡⴰⵏ "ⴰⵙⵜⵜⵉⵖ ⵏ ⵓⵏⴰⵎⴽ: ⵜⵉⵔⵔⴰ ⵎⵏⵉⴷ ⵏ ⵓⵙⴳⵓⴼⵙⵓ".
ⵜⵓⵛⴽⴰⴷ ⵜⵙⵎⵓⵏⵉ ⵢⴰⴷ ⴳ ⵓⵙⴰⵜⵉ ⵏ ⵓⵕⵥⵥⵓⵎ ⵏ ⵓⴳⵔⴰⵡ ⴼ ⵎⵏⵏⴰⵡ ⵏ ⵉⴼⵔⴷⵉⵙⵏ ⵏ ⵡⴰⵎⵓⵏ, ⴷ ⵉⵙⴷⴷⵉⴷ ⵎⴰⵙ ⴰⵙⴱⴷⴷⵉ ⵏ ⵓⵙⴳⵓⴼⵙⵓ ⵓⵔ ⵉⴳⵉ ⵖⴰⵙ ⵏ ⵜⵎⴳⴳⵉⵜⵉⵏ ⵜⵉⵣⵔⴼⴰⵏⵉⵏ ⴷ ⵜⵎⵔⵙⴰⵍⵉⵏ, ⵎⴰⵛⴰ ⵢⵣⴷⵉⵏ ⴷ ⵓⵙⴷⵓⵙ ⵏ ⵓⴼⵔⴰⴽ ⴰⴷⵍⵙⴰⵏ ⴷ ⵜⵏⴰⴼⵓⵜⵉⵏ, ⴷ ⵓⵙⴱⵓⵖⵍⵓ ⵏ ⵜⵉⵍⴰⵍⵜ ⵏ ⵓⵙⵡⵉⵏⴳⵎ ⴷ ⵜⵥⵓⵕⵉ ⴷ ⵜⵓⵙⵙⵏⴰ ⴳ ⵜⵓⵚⴽⴰ ⵏ ⵡⴰⵎⵓⵏ ⵉⴷⵓⵙⵏ ⵖ ⵡⴰⵜⵉⴳⵏ ⵏ ⵜⵎⵔⵙⴰⵍ.
ⵉⵙⴷⴷⵉⴷ ⵓⴳⵔⴰⵡ ⴰⵡⴷ ⵎⴰⵙⴷ ⵜⴰⵎⵢⴰⴷⴰⵙⵜ ⵜⴰⵡⵏⴳⵉⵎⵜ ⴷ ⵜⴷⵍⵙⴰⵏⵜ ⴳ ⵓⵎⵏⴰⴹ ⴰⴷ, ⵜⴳⴰ ⵢⴰⵏ ⵓⴱⵔⵉⴷ ⴰⵅⴰⵜⴰⵔ ⵏ ⵓⵙⵓⵔⵙ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⴹⴰⴽⴰⵍ ⵏ ⵜⵙⵓⵍⴰⵏⵜ ⵏⵏⵙ.
ⴰⵔ ⵉⵙⵎⵏⵉⴷ ⵓⴷⵍⵉⵙ ⴰⴷ ⴰⵎⵙⵎⵓⵏⴰⵏ ⵜⴰⵏⵏⴰⵢⵜ ⵎⵎ ⵎⵏⵏⴰⵡⵜ ⵜⵏⴰⴼⵓⵜⵉⵏ ⵅⴼ ⵜⵎⵓⴽⵔⵉⵙⵜ ⵏ ⵓⵙⴳⵓⴼⵙⵓ, ⵙⴳ ⵜⴷⵔⴰⵡⵜ ⵏ ⵉⵎⴰⵔⴰⵜⵏ ⴷ ⵉⵏⴰⵥⵓⵕⵏ ⵉⵎⵖⵔⴰⴱⵉⵢⵏ, ⵙ ⵓⵙⵎⵔⵙ ⵏ ⵉⵎⴰⵙⵙⵏ ⵏ ⵓⵙⴼⵙⵉ ⴷ ⵓⵙⵡⵉⵏⴳⵎ ⵏⵏⴰ ⵉⵙⵎⵓⵏⵏ ⵜⵉⵔⵎⵉⵜ ⵏ ⵜⵓⴷⵔⵜ ⴷ ⵜⴰⵏⵏⴰⵢⵜ ⵜⴰⴷⵍⵙⴰⵏⵜ, ⴷ ⴰⵔ ⵉⵜⵜⴰⵔⵎ ⴰⴷ ⵉⵙⴼⵙⵉ ⵓⴷⵎⴰⵡⵏ ⵏ ⵜⵉⵔⵉⵜ ⴷ ⵜⵛⵓⵛⵛⴰⴹ ⴷ ⴰⵡⴷ ⴰⵙⴼⵙⵙⵉ ⵏⵏⴰ ⵉⵣⴷⵉⵏ ⴷ ⵜⵎⵓⴽⵔⵉⵙⵜ ⴰⴷ.
ⵉⵙⵎⴷⵢⴰ ⵓⴳⵔⴰⵡ, ⴳ ⵓⵣⵎⵣⵣⵓ ⴷⵖ, ⴰⵙⵙⵎⵖⵔ ⵏⵏⵙ ⵙ ⵜⴷⵔⴰⵡⵜ ⵏ ⵉⵎⴰⵔⴰⵜⵏ, ⵉⵙⵎⵎⵖⵔ ⴰⵡⴷ ⵙ ⵡⴰⵜⵉⴳ ⵏ ⵓⴷⵔⴰⵔ ⵏ ⵓⵙⵡⵉⵏⴳⵎ ⴰⴷⵍⵙⴰⵏ ⴷ ⵓⵎⴰⵜⵔ ⴰⵡⵏⴳⵉⵎ, ⵍⵍⵉ ⵉⵙⴽⵔⵏ ⴳ ⵓⴷⵍⵉⵙ ⴰⴷ ⵢⴰⵏ ⵓⵙⴰⵢⵔⴰⵔ ⵏ ⵓⵎⵙⴰⵡⴰⵍ ⴰⵏⴱⴷⴰⴷ.
ⵉⵙⴷⴷⵉⴷ ⵓⴳⵔⴰⵡ ⵎⴰⵙⴷ ⵓⴷⵍⵉⵙ ⴰⴷ ⵉⴳⴰ ⵢⴰⵏ ⵓⴳⵣⵣⵓⵎ ⴰⵅⴰⵜⴰⵔ ⴳ ⵜⵓⵚⴽⴰ ⵏ ⵢⴰⵏ ⵓⵎⵙⴰⵡⴰⵍ ⴰⵏⴰⵎⵓⵔ ⴰⵎⴰⵢⵏⵓ ⵅⴼ ⵜⵣⴷⴳⵉ, ⵉⴱⵉⴷⴷⵏ ⵅⴼ ⵜⵓⵙⵙⵏⴰ ⴷ ⵓⵙⴼⵙⵉ ⴷ ⵜⵎⵙⵙⵓⴳⵓⵔⵜ, ⴷ ⵉⵙⴽⵔ ⵖ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵢⴰⵏ ⵓⵙⵏⴼⴰⵔ ⵏ ⵓⵎⵓⵏ ⵉⵛⵛⴰⵔⵏ. ⵜⵙⵉⵡⴹ ⴷⴰⵖ ⵎⴰⵙ ⵜⵙⵔⵙ ⴰⴷⵍⵉⵙ ⴰⴷ ⵉ ⵓⴳⴷⵓⴷ ⵃⵎⴰ ⵜⵉⵖⵔⵉ ⴷ ⵓⵎⵔⴰⵔⴰ ⵏ ⵡⴰⵡⴰⵍ, ⴰⴼⴰⴷ ⴰⴷ ⵜⵜⵓⵙⴷⵓⵙ ⵜⴷⵍⵙⴰ ⵏ ⵜⵣⴷⴳⵉ ⴳ ⵡⴰⵎⵓⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
23/09/2026
ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ …
10/09/2026
ⵉⵎⴹⴰⴽⴰⵕⵏ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ.ⵉ ⵉⴼⵔⵓⵔⵉⵜⵏ ⵢⴰⴹⵏⵉⵏ ⴰⴳⴳⵯⴰⵜ ⵏⵏ ⴰⵎⵏⵏⵉ ⵉⵜⵜⵓⴼⵙⴰⵔⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵔⴰ ⵏ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ ⴳ ⵜⵖⵓⵏⵉ ⴰ…
09/09/2026
ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ …