ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵓⵙⵙⴰⵏ ⵏ 17 ⴷ18 ⵢⵓⵏⵢⵓ 2025 ⵢⴰⵜ ⵜⵙⴰⵡⵓⵔⵜ ⵏ ⵜⵡⵓⵔⵉ ⵅⴼ ⵉⵎⵔⵙⵉ: "ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ: ⴰⵙⴷⴷⵉ ⵏ ⵉⵣⴰⵍⵉⵡⵏ ⵏ ⵉⵙⵢⴰⴼⵓⵜⵏ ⵉⵙⵏⵉⵊⵊⵉⵜⵏ ⴷ ⵢⵉⴳⵔ ⴰⵎⵙⵏⵉⵊⵊⵉ ⵓⵙⵍⵉⴳ" ⵎⴰⵢⴰⵏⵏ ⵙ ⵜⴷⵔⴰⵡⵜ ⴰⴽⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⵙⵇⴰⵜ ⵏ ⵜⴳⵍⴷⵉⵜ ⵏ ⵏⵏⵓⵕⵡⵉⵊ ⴳ ⵕⵕⴱⴰⵟ ⴷ ⵡⴰⵎⵎⴰⵙ ⵏ ⵉⵙⵓⴳⴰⵎ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ U4, ⵙ ⵜⵉⵍⵉⵜ ⵏ ⵎⵏⵏⴰⵡ ⵉⵎⵙⵜⴳⴳⴰⵔ ⵓⵏⴱⵉⴹⵏ ⴷ ⵉⵎⵓⵣⴰⵢⵏ ⴷ ⵉⵎⴳⴳⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ, ⵙⴰⵡⵍ ⴳⵉⵙ ⵅⴼ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ, ⴷ ⵓⵙⵙⴷⵔⵓ ⵏ ⵓⵎⴹⴰⴽⴰⵕ ⵅⴼ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵏⵏⵓⴱⴹⴰ ⴷ ⵜⵙⵓⵙⵖⵜ ⴳ ⵓⵙⴰⵜⵉ ⵏ ⵜⵓⴳⴳⴰⵙ ⵏ ⵓⴳⵔⴰⵡ ⴳ ⵓⵙⵓⴷⵙ ⵏ ⵜⵙⵓⵙⵖⵜ ⴳ ⵉⴳⵔⴰⵏ ⵉⴷⵉⵏⴰⵎⵉⴽⵏ.
ⵙ ⵜⵎⵍⴷⴰ ⴰⴷ ⵉⵏⵏⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ,ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵎⴰⵙ ⴷ ⴰⴳⵓⴼⵙⵓ ⴳ ⵓⵏⴳⵔⴰⵡ ⴰⴷⵓⵙⴰⵏ ⴰⵔ ⵉⵙⴷⵉⴷⴷⵉ ⵜⴰⵏⴼⵔⵓⵜ ⵜⴰⴷⵓⵙⴰⵏⵜ ⴷ ⴰⵔ ⵉⵙⵙⵍⵎⴰⴹ ⵜⴰⵎⵢⵉⵎⴰⵏⵜ ⴳ ⵜⵎⵔⵙⴰⵍ, ⵉⵙⴷⴷⵉⴷ ⵎⴰⵙ ⵜⴰⵙⴰⵡⵔⵜ ⴰⴷ ⵜⴽⵛⵎ ⴳ ⵓⴱⵔⵉⴷ ⵏ ⵓⵙⵓⵊⴷ ⵏ ⵢⴰⵜ ⵜⴽⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵉⴳⵔ ⵏ ⵜⴷⵓⵙⵉ, ⵜⴱⴷⴷ ⵅⴼ ⵓⵙⴼⵙⵉ ⵏ ⵓⵙⴷⴷⵉ ⵏ ⵉⵣⴰⵍⵉⵡⵏ ⵏ ⵉⵙⵢⴰⴼⵓⵜⵏ ⵉⵙⵏⵉⵊⵊⵉⵜⵏ ⴷ ⵢⵉⴳⵔ ⴰⵎⵙⵏⵉⵊⵊⵉ ⵓⵙⵍⵉⴳ, ⵎⴽ ⵍⵍⵉ ⴷⴰⵖ ⵉⵙⴷⴷⵉⴷ ⵅⴼ ⵜⵙⵉⵍⴰⵡⵜ ⵏ ⵜⵎⵀⵍⵜ ⵉⵕⵡⴰⵏ ⴷ ⵍⵍⵉ ⵎⵓ ⵉⵜⵜⵢⴰⴼⴰ ⵓⵣⵣⴳⵉⵔ ⵏⵏⵙⵏⵜ ⴷ ⵜⴰⴷ ⵉⴱⴷⴷⵏ ⵅⴼ ⵉⵍⵓⴳⵏ ⵉⴳⵔⴰⵖⵍⴰⵏⵏ.
ⴷ ⵉⴳⴰ ⵓⵡⵜⵜⴰⵙ ⴰⴷⵙⵍⴰⵏ ⵏ ⵜⵙⴰⵡⵔⵜ ⴰⴷ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴳⴳⴰⵢⵏ ⴳ ⵓⵔⵎⴰⵙ ⵏ ⵜⵖⴰⵔⴰⵙⵉⵏ ⵍⵍⵉ ⵙ ⴰ ⵉⵜⵜⵉⵍⵉ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵜⴱⵔⵉⴷⵉⵏ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵏⵏⵙ, ⵜⴳ ⵢⴰⵜ ⵜⵓⵚⴽⴰ ⵜⴰⵏⴼⵔⴰⵔⵜ ⵉ ⵢⴰⵜ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵜⵡⵓⵔⵉ ⵜⴰⵏⵊⵎⵓⵜ ⵉⴱⴷⴷⵏ ⵅⴼ ⵜⵓⵙⵙⵏⴰ ⴷ ⵓⵙⴼⵙⵉ ⴰⵎⵙⵖⴰⵔⵓ, ⴷ ⵜⵡⴰⵜⵙ ⴰⵙⵎⵏⵉⴷ ⵏ ⵉⴼⵙⵙⴰⵢⵏ ⵉⵕⵡⴰⵏ ⴷ ⵉⵙⵖⵍⴰⴼ ⵍⵍⵉ ⵔⴰⴷ ⵢⵉⵍⵉ ⵎⴳⴰⵍ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵜⵣⴷⴳⵉ ⴷ ⵜⵎⵢⵉⵎⴰⵏⵜ ⴳ ⵢⵉⴳⵔ ⵏ ⵜⴷⵓⵙⵉ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
23/09/2026
ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ …
10/09/2026
ⵉⵎⴹⴰⴽⴰⵕⵏ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ.ⵉ ⵉⴼⵔⵓⵔⵉⵜⵏ ⵢⴰⴹⵏⵉⵏ ⴰⴳⴳⵯⴰⵜ ⵏⵏ ⴰⵎⵏⵏⵉ ⵉⵜⵜⵓⴼⵙⴰⵔⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵔⴰ ⵏ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ ⴳ ⵜⵖⵓⵏⵉ ⴰ…
09/09/2026
ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ …