ⴳ ⵡⴰⵙⵙ ⵏ ⵓⴽⵕⴰⵙ 3 ⴷⵓⵊⴰⵏⴱⵉⵔ 2025, ⴳ ⵜⵙⴳⴰ ⵏ ⵜⴷⵔⴰⵡⵜ ⵏⵏⵙ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵓⵙⵖⵏⵙ ⵏ ⵓⴳⵓⴼⵙⵓ, ⵉⵜⵜⵓⵙⵏⵎⴰⵍⴰ ⴳ ⵓⵙⵖⵉⵎ ⵏ ⵜⵎⵜⵜⴰ ⵢⵎⵓⵏⵏ ⴳ ⵏⵢⵓⵢⵓⵕⴽ,  ⵢⴰⵏ ⵓⵎⴰⴳⵔ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵎⴰⵙⵙ ⵎⵓⵃⵎⵎⴷ ⴱⵏⴰⵍⵍⵓ, ⴷ ⵓⵏⵎⵀⴰⵍ ⵏ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵎⴰⵙⵙ ⴷⵔⴰⴳⵓ ⴽⵓⵙ, ⵍⵍⵉ ⵢⵙⵎⵓⵏ ⴷ ⵓⴽⴰⴱⴰⵔ ⵎⵇⵇⵓⵔⵏ ⵏ ⵜⴽⴰⴷⵉⵎⵉⵜ. 

ⵉⴳⴰ ⵡⵙⵎⵓⵏ ⴰⴷ ⴰⵣⵎⵣⵣⵓ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴼ ⵜⵓⴳⵜ , ⵜ  ⵜⵖⴰⵡⵙⵉⵡⵉⵏ ⵉⵛⴰⵔⵏ, ⴷ ⵉⵏⵉⴳ ⵏ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵙⴳⴰⵡⵉⵏ; 

ⴳ ⵓⵙⴰⵜⵉ ⴷⵖ, ⵉⴳⴰ ⵓⵖⴰⵡⴰⵙ ⵏ ⵓⵙⵔⵙ ⵏ ⵢⴰⵜ ⵜⵙⴷⴰⵡⵉⵜ ⵜⴰⵎⵖⵔⴰⴱⵉⵜ ⵏ ⵜⵥⴹⴰⵕⵜ ⵢⴰⵜ ⵜⵙⴳⴰ ⵜⴰⵎⵇⵔⴰⵏⵜ ⵏ ⵓⵎⵙⴰⵡⴰⵍ, ⴰⵛⴽⵓ ⵉⵙⴷⴷⵉⴷ ⴷⵉⵏ ⵏ ⵜⵙⴷⴰⵡⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵏⵖⵎⵙ ⵏ ⵜⵥⴹⵕⴰ (IACA) ⵅⴼ ⵜⵉⵔⴰⵜ ⵏ ⵜⵙⴷⴰⵡⵉⵜ ⴰⴷ ⴰⴷ ⵜⴼⴽ ⴰⵏⵏⴰⵍ ⴰⵜⵉⵇⵏⵉ ⵉ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⴳ ⵓⵙⵏⵖⵎⵙ ⵏ ⵓⵙⴳⵔⴰⵡ ⴰⴷ ⴰⵅⴰⵜⴰⵔ, ⵓⵍⴰ ⵅⴼ ⵜⵎⴽⵜⵉⵜ ⵏⵏⵙ ⴳ ⵓⵙⵏⵖⵎⵙ ⵏ ⵉⵙⴳⵔⴰⵡⵏ ⵉⵎⵓⵏⵏ, ⴷ ⵓⵙⵏⵖⵎⵙ ⵏ ⵉⵎⵙⴰⵡⴰⵍⵏ ⴷ ⵉⵎⵙⵜⴳⴳⴰⵔⵏ ⴳ ⵓⵙⵎⵓⵜⵜⴳ ⵏ ⵜⵙⵎⵉⵔⵉⵏ ⴷ ⵉⵙⵓⵜⵍⵏ ⵏ ⵓⵙⵎⵓⵜⵜⴳ ⵉⵜⵜⵓⵙⵏⵎⴰⵍⴰⵢⵏ ⵙⴳ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵉⵣⴷⵉⵏ ⴷ ⵜⵥⴹⵕⴰ. 

ⵖⵉⴽⵍⵍⵉ ⵙⴰⵡⵍⵏ ⵅⴼ ⵜⵣⴷⴳⵉ ⵏ ⵜⵓⵏⵏⵓⵏⵜ, ⵖⵉⴽⵍⵍⵉ ⵙⴰⵡⵍⵏ ⴼ ⵜⵎⵓⴽⵔⵉⵙⵉⵏ ⵉⵥⵍⵉⵏ ⵙ ⵓⵖⵏⴷⴼ ⴷ ⵜⴽⵏⵏⴰⴹ ⵖ ⵜⵢⴰⴼⵓⵜⵉⵏ ⵏ ⵜⵎⵣⵉⵣⵡⵉⵔⵉⵏ ⵜⵓⵏⵏⵓⵏⵉⵏ ⵜⵉⵅⴰⵜⴰⵔⵉⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴷ ⵜⵉⵖⴰⵡⵙⵉⵡⵉⵏ ⴰⴷ  ⵍⵍⴰⵏⵜ ⴳ ⵓⵙⵡⵉⵔ ⵏ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ. 

ⴳ ⵓⵎⵏⴰⴹ ⵢⴰⴹⵏ, ⵉⵙⴷⴷⵉⴷ  ⵓⵏⵙⵙⵉⵅⴼ ⵏ ⵓⴳⵔⴰⵡ,  ⵍⵍⵉ ⵉⴳⴰⵏ ⴰⵏⵙⵙⵉⵅⴼ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵉⴳⵔⴰⵖⵍⴰⵏⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ (NCPA), ⵉ ⵓⵏⵙⵙⵉⵅⴼ ⵏ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⴰⴷ ⵉⴳ ⴰⵏⵎⴰⵜⴰⵔ ⴳ ⵓⵥⵟⵟⴰ, ⵙ ⵎⴰ ⵔⴰⴷ ⵢⴰⵡⵙ ⵖ ⵢⴰⵏ ⵓⵥⵥⵕ ⴷ ⵓⵣⵎⵣⵣⵓ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⵜⴽⴰⴷⵉⵎⵉⵜ  ⴷ 50 ⵏ ⵉⴳⵎⴰⵎⵏ ⵏ ⵓⵥⵟⵟⴰ. ⴰⵏⵙⵙⵉⵅⴼ ⵏ ⵓⴳⵔⴰⵡ  ⴰⵡⴷ  ⵢⴰⵜ ⵜⵖⵓⵔⵉ ⵏ ⵓⵥⵟⵟⴰ ⵉ ⵓⵏⵎⵀⴰⵍ ⴰⴼⴰⴷ ⴰⴷ ⵉⴷⵔⵓ ⵖ ⵓⴳⵔⴰⵡ ⵉ ⵜⵎⵜⵜⴰ ⵉⴳⵎⴰⵎⵏ ⵖ ⵜⵎⵢⴰⵇⵇⴰⵏⵜ ⵜ ⵜⵎⵜⵜⴰ ⵢⵎⵓⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵏⵏⴰ ⵔⴰⴷ ⵢⵉⵍⵉ ⵖ ⴷⴷⴰⵃⴰ ⵜⵓⵣⵣⵓⵎⵜ ⵏ ⵡⴰⵔⵔⵓⵔ ⴰⴷ ⴷⴰⵡ ⵏ ⵜⵏⵙⵙⵉⵅⴼⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵉⵇⵇⴰⵏ ⴰⴷ ⵏⵙⵙⵏ ⵎⴰⵙ ⵉⵔⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⴷ ⵜⵙⵙⴳⵎⴹ ⵅⴼ ⵢⴰ ⵓⴱⵔⵓⵜⵓⴽⵓⵍ ⵏ ⵓⵎⵢⴰⵡⴰⵙ ⴷ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⴷ ⵜⴷⴳⴰ ⵏ ⵓⴳⵔⴰⵡ ⵏ ⴷⴷⴰⵡⵃⴰ, ⴰⵎⵢⴰⵡⴰⵙ ⴰⴷⴷ ⵉⵡⵜⵜⵙⵏ  ⴰⵙⴱⴷⴷⵉ ⵏ ⵓⵙⴳⵓⴼⵙⵓ, ⵍⵍⵉ ⵔⴰⴷ ⵢⵉⵍⵍⵉ ⴳ ⵎⵏⵏⴰⵡ ⵉⴳⵔⴰⵏ ⴳ ⵓⵙⵎⵓⵜⵜⴳ, ⴷ ⵓⵙⵖⵓⴷⵉⴷ ⵏ ⵜⵣⵎⵎⴰⵔ  ⴷ ⵓⵙⴱⵓⵖⵍⵓ ⵏ ⵜⵎⵓⵥⴰⵢⵜ ⴳ ⵉⴳⵔ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⴱⴷⴷⵉ ⵏⵏⵙ.