ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴷⴰⵜ ⵏ ⵎⴰⴷ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉⵜⵜⵓⵙⴽⴰⵔ ⴰⵙⵙ ⵏ 12 ⵎⴰⵢⵢⵓ 2025 ⴰⵎⴰⴳⵔ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵓⴳⵔⴰⵡ. ⴰⵙⵓⵔⵙ ⴰⴷ ⴷ ⵢⵓⵛⴽⴰⵏ ⴳ ⵓⵎⵏⵉⴷ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉⵙⵔⵓⵙ ⵏ ⵉⵣⴰⵍⵉⵡⵏ ⵏ ⵜⵙⵓⵙⵖⵜ ⴷ ⵜⵣⴷⴳⵉ ⴷ ⵜⵎⵙⵜⴳⴳⴰⵔⵜ, ⴳ ⵓⴹⴼⴰⵕ ⵏ ⵉⵙⴳⴳⴷⵏ ⵎⵢⴰⵏⴰⵡⵏⵉⵏ ⴷ ⵜⵡⵓⵔⵉⵡⵉⵏ ⵎⵇⵇⵓⵔⵏⵉⵏ ⵏ ⵜⴳⵍⴷⵉⵜ ⵢⴰⴽⴽⴰⵏ ⵜⴰⵏⴰⴼⵓⵜ ⵜⴰⵎⴰⵜⴰⵢⵜ. ⵜⵉⵍⵉ ⴷⴰⵔ ⵓⵎⴰⴳⵔ ⴰⴷ ⵢⴰⵜ ⵜⵎⴰⵜⴰⵔⵜ ⵉⵥⵍⵉⵏ ⵉⵖ ⵏⵥⵕⴰ ⵉⵎⵙⴰⵔⴰⵙⵏ ⵏ ⵖⵉⵍ, ⴷⴰ ⴳ ⴰⵔ ⵉⵜⵎⵇⵇⵓⵔ ⵡⴰⵙⵙⴰⵔ ⵙ ⵓⵙⴷⵓⵙ ⵏ ⵜⴰⵎⵢⵉⵎⴰⵏⵜ ⴷ ⵓⵏⵎⵓⵔⵉ, ⴷ ⵓⵙⵎⵀⵍ ⵏ ⵜⵉⵍⴰⵍⵉⵏ ⴰⵔ ⴷ ⴱⴰⵀⵔⴰ ⴰⵥⵏⵜ ⵉ ⵉⴳⴰⵏⵉⵜⵏ ⵏⵏⵙ, ⴳ ⵢⴰⵜ ⵜⵉⵏⵏⵓⴱⴹⴰ ⵜⴰⵎⵔⵙⴰⵍⵜ ⴷ ⵜⵎⵔⵙⵍⵜ ⵉⵏⵏⵓⵕⵥⵎⵏ ⴷ ⵜⴰⴷ ⵉⵕⵡⴰⵏ. ⵉⵙⴷⴷⵉⴷ ⵓⴳⵔⴰⵡ ⴳ ⵓⵙⴰⵜⵉ ⴰⴷ ⴰⴱⴷⴷⴰⴷ ⵏⵏⵙ ⴰⴼⴰⴷ ⴰⴷ ⵜⵣⵣⴳⵔ ⵜⵉⵙⵎⵉⴳⴰⵍ ⵏⵏⵙ ⵙⵎⴷⵏⵉⵏ, ⴷⴰ ⵢⵓⵎⴰⵏ ⵜⴰⵙⵓⵎⵔⵜ ⵏ ⵉⵙⴳⴳⴷⵏ ⴷ ⵉⵙⵡⴰⵍⴰⵜⵏ ⴷ ⵉⵙⵖⵍⴰⴼ ⵕⵡⴰⵏⵉⵏ, ⴷ ⵜⵏⵣⴰⵔⵜ ⴳ ⵓⴼⵙⴰⵔ ⵏ ⵜⴷⵍⵙⴰ ⵏ ⵜⵏⴰⴼⵓⵜ ⵜⴰⵎⴰⵜⴰⵢⵜ, ⴷ ⵓⵙⵎⵓⵙⵙⵓ ⴷ ⵓⵙⵎⵓⵜⵜⴳ ⵅⴼ ⵉⵣⴰⵍⵉⵡⵏ ⵏ ⵜⵣⴷⴳⵉ, ⴷ ⵓⴹⵓⴼ ⵏ ⵉⵙⵙⵓⴼⵔⵉⵢⵏ ⴷ ⵉⵙⵏⵏⵉⵔⴰⵣ ⵣⴷⵉⵏⵉⵏ ⴷ ⵓⵙⴳⵓⴼⵙⵓ ⴷ ⵓⵙⵔⵓⵙ ⵏⵏⵙ ⵖⵔ ⵜⵙⴳⴳⵉⵡⵉⵏ ⵜⵉⵎⵏⵜⴰⵢⵉⵏ, ⴰⴼⴰⴷ ⴰⴷ ⴷ ⵜⴽⵔⵉ ⵉ ⵓⵎⵓⴽⵔⵉⵙ ⴰⴷ ⵙ ⵜⵎⴰⵎⴽⵜ ⵜⴰⵙⵓⵍⴰⵏⵜ. ⵉⵥⵍⵉ ⵓⴳⵔⴰⵡ ⵙ ⵜⵎⵍⴷⴰ ⴰⴷ ⵜⵉⵔⵉⵜ ⵏⵏⵙ ⵉ ⵜⵓⵚⴽⴰ ⵜⴰⵎⵙⴳⵓⴷⵉⵜ ⵏⵏⴰ ⵔⴰⴷ ⵜ ⵉⴳ ⴷ ⵓⵎⵙⴽⴰⵔ ⴰⵎⵔⵙⴰⵍ ⴰⵏⴼⵍⵓⵙ ⴷ ⴷⴰⵔ ⵜⵍⵍⴰ ⵜⵎⵔⵉⵙⵜ, ⵉⵏⵏⵓⵕⵥⵎⵏ ⵅⴼ ⵉⵙⵍⵍⵡⵉ ⴷ ⵓⵙⵓⵜⴳ ⴰⵙⵓⵍⴰⵏ ⵏ ⵜⵢⴰⴼⵓⵜⵉⵏ, ⵉⵙⵙⵏⵏ ⵎⴰⵙ ⴷ ⴰⵙⴱⴷⴷⵉ ⵏ ⵓⴳⵓⴼⵙⵓ ⵉⴳⴰ ⵢⴰⵏ ⵓⵙⵏⵜⵉ ⴰⵎⴳⵔⵓ ⵙ ⵉⵅⵚⵚ ⴰⴷ ⴳⵉⵙ ⵍⵜⵖⵏⵜ ⵜⵉⵏⵎⵓⵔⴰ ⴷ ⵉⵏⵎⵓⵔⴰⵏ ⵣⵓⵏ ⴷ ⵉⵎⴷⵔⴰⵡⵏ ⴷⵓⵙⵏⵉⵏ ⴳ ⵓⵙⵏⴼⵍ, ⵃⵎⴰ ⴰⴷ ⵢⵉⵍⵉ ⵓⵙⵎⴰⴷ ⴷ ⵜⴰⵎⵓⵏⵜ ⵏⴳⵔ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
25/09/2025
ⴳ ⵓⵙⴰⵜⵉ ⵏ ⵜⵓⵇⵇⵏⵉⵏ ⵏ ⵓⵎⵢⴰⵡⴰⵙ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵏⵉⵊⵉⵔⵢⴰ ⵜⴰⴼⵉⴷⵉⵔⴰⵍⵉⵜ, ⵉⵙⵏⵓⴱⴳ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⴽⵡⴰⵙ 25 ⵛⵓⵜⴰⵏ…
23/09/2025
ⵉⵙⵏⵎⴰⵍⴰ ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⵙ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ 23 ⵛⵓⵜⴰⵏⴱⵉⵔ 2025, ⵜⴰⵙⵎⵓⵏⵉ ⵜⵉⵙⵙ 23 ⵏ ⵓⵙⵇⵇⵉⵎ ⵏⵏⵙ, ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵙⵓⵍⴰⵏⵜ ⵉⵡⵜⵜⵙⵏ ⴰⵙⴷⵓⵙ ⵏ ⵜⵓⵚⴽⴰ ⵏ ⵜⵎⵔⵙⴰⵍⵜ ⵜⴰⵏⴰⵎⵓⵔⵜ …
18/09/2025
ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴳ ⵉⴳⵔⵏ ⵏ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵏⴱⴰⴹⵜ ⵉⵖⵓⴷⴰⵏ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔⵜ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵙⵙ ⵏ ⵓⴽⵡⴰⵙ 1…