ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵜⵙⵏⵓⴱⴳ ⴷⴷⴰⵡⵃⴰ ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴷ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ (NCPA), ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵜⵜⵓⵙⴽⴰⵔ ⵜⵖⵜⴰⵙⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⵏⴼⵍ ⵏ ⵙⵙⵉⴽⵔⵉⵜⴰⵔⵢⴰ ⵏ ⵓⵥⵟⵟⴰ ⵙ ⵜⵉⵎⵉⵔⵉⵜ ⵜⴰⵎⵖⵍⴰⵍⵜ, ⴷ ⵓⵙⵏⴼⵍ ⵏ ⵓⵙⵖⵉⵎ ⵏⵏⵙ ⵓⵏⵚⵉⴱ ⵙ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵓⵙⵙⵉⴷⴼ ⵏ ⵜⵡⵓⵔⵉ ⴰⴷ ⵉ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ.
ⵜⴰⵖⵜⴰⵙⵜ ⴰⴷ ⴰⵔ ⵜⵎⵎⴰⵍ ⵜⵓⵙⵙⵏⴰ ⵜⴰⴳⵔⴰⵖⵍⴰⵏⵜ ⵜⴰⵣⵣⵉⴳⵣⵜ ⵏ ⵜⵉⵍⴰⵍⵜ ⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵏⴰⵎⵓⵔ, ⴷ ⵜⵎⵢⴰⵎⴰⵏⵜ ⵜⴰⵅⴰⵜⴰⵔⵜ ⵏ ⵉⵔⵉⵎ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴷⵓⵙ ⵏ ⵜⵣⴷⴳⵉ ⴷ ⵜⵏⵓⴱⴹⴰ ⵉⵖⵓⴷⴰⵏ. ⵖⵉⴽⵍⵍⵉ ⴰⵡⴷ ⵉⵙⵙⴷⵓⵙ ⴰⴷⴷⴰⴷ ⵏ ⵍⵎⵖⵔⵉⴱ ⴰⵎⵎ ⴰⵎⵙⴽⴰⵔ ⴰⵙⵖⵍⴰⴼ ⴷ ⵢⴰⵜ ⵜⵍⴳⴰⵎⵜ ⵜⴰⵏⵎⵏⴰⴹⵜ ⴷ ⵜⴰⵎⴰⴹⵍⴰⵏⵜ ⵏ ⵓⵙⵎⵙⴰⵙⴰ ⵏ ⵜⵡⵓⵔⵉ ⵉⵛⵛⴰⵔⵏ ⴳ ⵓⴳⵯⵏⵙⵓ ⵏ ⵜⵥⵟⵟⴰ ⵏ ⵜⵣⴷⴳⵉ.
ⵔⴰⴷ ⵢⴰⵡⵙ ⵓⵙⵏⴼⵍⵓⵍ ⴰⴷ ⴰⵎⵔⵙⴰⵍ ⴳ ⵓⵙⵙⴷⵓⵙ ⵏ ⵜⵣⵎⵎⴰⵔ ⴷ ⵓⵥⵏⵥⵕ ⵏ ⵓⴳⵔⴰⵡ ⴰⵏⴰⵎⵓⵔ ⴷ ⵓⵙⵙⴷⵓⵙ ⵏ ⵜⵉⵍⵉⵜ ⵏⵏⵙ ⵜⴰⴳⵔⴰⵖⵍⴰⵏⵜ, ⴷ ⵓⵍⴰ ⴰⵙⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍⵓⵍ ⵏ ⵜⵎⵓⵥⴰⵢⵉⵏ ⵏ ⴷ ⵓⵙⴱⵓⵖⵍⵓ ⵏ ⵉⵎⴰⵙⵙⵏ ⵉⵛⵛⴰⵔⵏ ⴳⵔ ⵜⵉⴳⵔⴰⵡⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⵙ ⵎⴰⴷ ⵉⵙⵙⴷⵓⵙⵏ ⵜⴰⵣⴷⴳⵉ ⴷ ⵜⵓⵚⴽⴰ ⵏ ⵜⵎⵢⴰⵎⴰⵏⵜ ⴷ ⵓⵎⵏⴰⵍⴰ ⵏ ⵉⵏⴰⵥⴰⵕⵏ ⵉⵅⴰⵜⴰⵔⵏ ⵉⵣⴷⵉⵏ ⴷ ⵓⵙⴳⵓⴼⵙⵓ. ⵉⵇⵇⴰⵏⴷ ⴰⴷ ⵏⵙⵙⴽⵜⵉ ⵎⴰⵙⴷ ⴰⵥⵟⵟⴰ ⵏ NCPA ⵉⵙⵎⵓⵏ 45 ⵏ ⵉⴳⵔⴰⵡⵏ ⵙⴳ 37 ⵏ ⵜⵎⵉⵣⴰⵔ, ⴷ ⵜⵙⵎⴷ ⵢⴰⵜ ⵢⴰⵜ ⵜⵏⴰⴼⵓⵜ ⵜⴰⵙⵖⵍⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵢⵉⵡⵏ ⵏ ⵜⵣⵎⵎⴰⵔ, ⴷ ⵓⵙⵏⴼⵍ ⵏ ⵜⵎⵙⴽⴰⵔⵉⵏ ⵉⵖⵓⴷⴰⵏ, ⴷ ⵓⵙⵙⴷⵓⵙ ⵏ ⵜⵣⵎⵎⴰⵔ ⵜⵉⵎⵔⵙⴰⵍⵉⵏ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
03/04/2026
ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵍⵍⵉ ⵎⵓ ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⵉⴷⴷ ⵏⵏⵙ, ⵜⴰⴷ ⵉⵡⵜⵜⵙⵏ ⴰⴷ ⵜⵙⴷⵓⵙ ⵜⴰⴷⵍⵙⴰ ⵏ ⵜⵣⴷⴳⵉ ⴷ ⵡⴰⵜⵉⴳⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⵜⴳⴳⵓⵣ ⵜⴰⵔⵔⴰⴳⵜ ⵏ ⵓⵖⴰⵡⴰⵙ ⵏ…
13/03/2026
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 13 ⵎⴰⵕⵚ 2026, ⵙ ⵜⵎⴷⵔⴰⵡⵜ ⵏ ⵜⵎⵙⵎⵓⵏⵜ ⵏ ⵉⵎⵣⵡⵓⵔⴰ ⵏ ⵉⵄⵔⵔⵉⵎⵏ ⴷ ⵜⵎⵙⵎⵓⵏⵜ ⵏ ⵡⴰⵎⵓⵏ ⵓⴹⵓⴼ ⵏ ⵉⵄⵔⵔⵉⵎⵏ ⴳ ⵜⵉⴼⵍⵜ, ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⴹ ⵏ…
09/03/2026
ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵟⵟⵓⴹⵜ, ⵉⵙⵎⴰⵢⵏⵓ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴰⵙⵎⵖⵔ ⵏⵏⵙ ⵉ ⵡⴰⴷⴷⵓⵔ ⴰⵎⵇⵔⴰⵏ ⵏ ⵜⵎⵖⴰⵔⵉⵏ ⴳ ⵓⵙⴱⵓⵖⵍⵓ ⵏ ⵜⴳⵎⵉ ⵏ ⵡⴰⵎⵓⵏ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵓⵙⵎⵙⴰⵙⴰ. ⵜⴳⴰ ⵜⴼⵓⴳⵍⴰ ⵢⴰⴷ ⴰⵣⵎⵣⵣⵓ…