ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵜⵏⴱⴰⴹⵉⵏ ⵏ ⵢⵉⴳⵔ ⴰⵥⵕⴼⴰⵏ ⵙ ⴽⵕⴰⴹⵜ :  ⵍⴱⴰⵏⴽ ⵏ ⵍⵎⵖⵔⵉⴱ, ⴷ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ, ⴷ ⵓⵏⴱⴰⴹ ⵏ ⵜⵉⴹⴰⴼ ⵏ ⵉⵙⴼⵍⴰⵙ ⴷ ⵜⵉⵏ ⵓⴹⴰⴼ ⴰⵏⴰⵎⵓⵏ, ⴰⵙⵙ ⵏ ⵡⴰⴽⵕⴰⵙ 11 ⵢⵓⵏⵢⵓ, ⵜⴰⵙⵎⵓⵏⵉ ⵏⵏⵙ ⵜⴰⵙⴳⵯⵙⴰⵏⵜ ⵜⵉⵙⵙ ⵙⵎⵎⵓⵙⵜ ⵏ ⵓⵙⵡⵉⵔ ⵢⴰⵜⵜⵓⵢⵏ ⵉⵜⵜⵓⵥⵍⴰⵢⵏ ⵉ ⵓⴹⴼⵓⵔ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⵡⵉⵙⵉ ⴳ ⵢⵉⴳⵔ ⵏ ⵡⴰⵔⴰⵢ ⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵢⵉⴳⵔ ⴰⵥⵕⴼⴰⵏ, ⵏⵏⴰ ⵙⵙⴳⵎⴹⵏⵜ ⵜⵎⵔⵙⴰⵍ ⵙ ⴽⴽⵓⵥⵜ ⴳ ⵏⵓⵡⴰⵏⴱⵉⵔ ⵏ 2019. 

ⵜⴳⴰ ⵜⵙⵎⵓⵏⵉ ⴰⴷ ⵜⴰⵎⵍⴷⴰ ⵏ ⵓⴼⵙⴰⵔ ⵏ ⵜⵏⴰⵟⵟⵓⴼⵜ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵜⵉⵣⵉ ⵉⵣⵔⵉⵏ 2024-2025, ⴷ ⵓⵙⵔⵓⵙ ⵏ ⵓⵖⴰⵡⴰⵙ ⵏ ⵜⵉⵣⵉ ⴷ ⵉⴷⴷⴰⵏ 2025-2026, ⴷ ⵓⵎⴹⴰⴽⴰⵕ ⵅⴼ ⵉⵎⴰⵢⵏⵓⵜⵏ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ. 

ⵙ ⵖⵎⴽ, ⵜⴻⵜⵜⵓⵙⵙⴰⵏ ⵜⵉⵣⵉ ⵍⵍⵉ ⵉⵣⵔⵉⵏ ⵙ ⵓⵣⵣⴳⵉⵔ ⵏ ⵎⵏⵏⴰⵡⵜ ⵜⵙⵏⵜⴰⵢⵉⵏ ⵉⵖⴰⵡⵍⵏ ⴰⵏⵏⴰⵍ ⵏ ⵜⴷⵉⵏⴰⵎⵉⵜ ⵜⴰⵣⵓⵏⴰⵏⵜ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵜⵜⵓⵙⵏⵎⴰⵍⴰⵏⵜ ⵜⵉⵏⴰⵡⵉⵏ ⴷ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⴼⵍⵥⵏ ⴳⵉⵙ ⵏⵏⵉⴳ ⵏ 1600 ⵏ ⵓⵎⵙⵜⴳⴳⴰⵔ ⵏ ⵉⴳⵔⴰⵡⵏ ⴷ ⵜⵎⵔⵙⴰⵍ ⵏ ⵢⵉⴳⵔ ⴰⵥⵕⴼⴰⵏ, ⵅⴼ ⵜⵎⵏⵜⵉⵍⵉⵏ ⵜⵉⴷⵙⵍⴰⵏⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ. ⵏⵏⵉⴳ ⵎⴰⵢⴰⴷ, ⵜⴻⵜⵜⵓⵙⵏⵜⴰ ⵜⵙⵏⵜⴰⵢⵜ ⵏ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵜⴰⵎⵖⵔⵉⴱⵉⵜ ⵏ ⵜⴷⵍⵙⴰ ⵜⴰⵥⵕⴼⴰⵏⵜ, ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⴼⵓⴽⵙⵏ ⵏ ⵉⵙⵍⵎⴰⴷⵏ ⵏⵏⵙ ⴳ ⵉⴳⵔⴰⵏ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ.  

ⴷ ⵜⵜⵓⴹⴼⴰⵕⵏⵜ ⵜⵙⵏⵜⴰⵢ ⵉⵡⴰⵜⵙⵏ ⴰⵎⵔⴰⵔⴰ ⵏ ⵜⵎⵓⵣⴰⵢ, ⴷ ⵉⴳⵔⴰⵡⵏ ⵙ ⴽⴽⵓⵥ ⴷⴰ ⵉⵙⴳⵎⴹⵏ ⵜⴰⵎⵢⴰⵇⵇⴰⵏⵜ ⵏⵉⵖⴷ ⴷ ⵉⵎⵏⵜⴰⵢⵏ.  ⴳ ⵓⵙⴰⵜⵉ ⴰⴷ ⵜⴻⵜⵜⵓⵙⵏⵎⴰⵍⴰ ⵢⴰⵜ ⵜⵉⵏⴰⵡⵜ ⵅⴼ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ, ⴷⴰ ⴳ ⵉⴷⵔⴰ ⵏⵏⵉⴳ ⵏ 80 ⵏ ⵓⵍⴷⵔⴰⵡ ⵙⵎⴷⵢⴰⵏⵉⵏ ⵉⴳⵔⴰⵏ ⵏ ⵉⴷ ⵍⴱⴰⵏⴽ ⴷ ⵉⵙⴼⵍⴰⵙ ⴷ ⵓⴳⴰⴷⴰⵣ ⵏ ⵉⴷⴳⴰⵔⵏ. ⵎⴽ ⵍⵍⵉ ⵜⵜⵓⵙⵏⵎⴰⵍⴰⵏⵜ ⵜⵙⴰⵡⵔⵉⵏ ⵜⵉⵎⵢⴰⵖⵉⵏ ⵅⴼ ⵉⵎⵔⵙⴰⵏ ⵏ ⵓⵙⵉⵣⵡⵔ ⵣⵓⵏ ⴷ ⵜⵉⵙⵔⵜⴰⵢ ⵏ ⵜⵔⵣⵣⵉⴼⵉⵏ ⴷ ⵓⵙⵡⵓⴷⴷⵓ ⵏ ⵓⵎⵏⵣⴰⵖ ⵏ ⵜⵏⵓⴼⴰ ⴷ ⵓⵍⴰ ⵜⵉⵎⴰⵎⴽⵉⵏ ⵏ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ.  

ⵎⴽⴷⴰ ⴷ ⵜⴰⵥ ⵜⴳⵉⵔⴰ ⵏ ⵉⴳⵉ ⵏ ⵓⵙⵏⵜⵉ ⵉⵡⴰⵜⵙⵏ ⴰⵙⵓⵜⴳ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵉⴳⵔ ⵏ ⵉⵙⴼⵍⴰⵙ, ⵙ ⵜⵡⵉⵙⵉ ⴷ ⵉⵎⵓⵣⴰⵢⵏ ⵙⴳ ⵜⵎⴰⴷⴷⴰⵙⵜ ⵏ ⵜⴳⵔⵓⵎⵎⴰ ⵉⵎⵓⵏⵏ. ⵜⵜⵓⴼⵙⴰⵔⵏⵜ ⵜⵏⴰⵟⵟⵓⴼⵉⵏ ⵜⵉⵎⵏⵣⴰ ⵏ ⵓⵙⵏⵜⵉ ⴰⴷ. ⵎⴽⵍⵍⵉ ⵉⵜⵜⵓⵙⵏⵜⴰ ⵢⴰⵏ ⵓⵙⵏⵜⵉ ⵢⴰⵎⴰⵏ ⴳ ⵢⵉⴳⵔ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ, ⵥⴹⴰⵕⵏⵜ ⵜⵡⵓⵔⵉⵡⵉⵏ ⵏⵏⵙ ⴰⴷ ⵙⵎⴷⵏⵜ ⴳ ⵜⵣⵡⵉⵔⵉ ⵏ 2026. 

ⴳ ⵎⴰⴷ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵜⴰⵙⵓⵜ 2026-2025, ⵔⴰⴷ ⵉⵍⵉⵏⵜ ⵜⵓⴳⴳⴰⵙ ⵅⴼ ⵓⵎⵢⴰⵡⴰⵙ ⵅⴼ ⵓⴹⴼⵓⵕ ⵏ ⵓⵙⴷⵓⵙ ⵏ ⵜⵥⴹⴰⵕⵉⵏ ⴷ ⵓⵙⵔⵓⵙⵏ ⵜⴷⵍⵙⴰ ⵏ ⵜⵣⴷⴳⵉ, ⴷ ⵜⴷⵔⴰⵡⵜ ⵉⵕⵡⴰⵏ ⴳ ⵜⵙⵏⵜⴰⵢⵉⵏ ⴷ ⵜⵎⴳⴳⴰ ⵉⵥⵍⵉⵏ ⵙ ⵢⵉⴳⵔ ⵏ ⵓⵙⵎⵓⵙⵙⵓ ⴷ ⵓⵎⵔⴰⵔⴰ ⵏ ⵜⵎⵓⵣⵢ. ⵎⴽⵍⵍⵉ ⵔⴰⴷ ⵜⵉⵍⵉ ⵜⵡⵓⵔⵉ ⴳ ⵜⴰⵙⵓⵜ ⴰⴷ ⵅⴼ ⵓⵙⵔⵓⵙ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⴷ ⴽⴽⴰⵏⵉⵏ ⵉⵖⴰⵡⴰⵙⵏ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴷ ⵓⵙⵔⵓⵙ ⵏ ⵓⵜⵓⵢ ⴷ ⵢⵓⵙⴰⵏ ⵉ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⴰⴷ ⴳ ⵢⵉⴳⵔ ⵏ ⵉⵙⴼⵍⴰⵙ ⴷ ⵡⵉⵏ ⵓⴳⴰⴷⴰⵣ ⵏ ⵉⴷⴳⴰⵔⵏ, ⵖⵎⴽⵍⵍⵉ ⵉⵜⵜⵓⵙⴽⴰⵔⵏ ⴳ ⵢⵉⴳⵔ ⵏ ⵍⴱⴰⵏⴽ.  

ⴳ ⵜⴳⵉⵔⴰ, ⵙⴷⴷⵉⴷⵏⵜ ⴷⴰⵖ ⵜⵎⵔⵙⴰⵍ ⵙ ⴽⴽⵓⵥⵜ ⵜⴰⵎⵔⵉⵙⵜ ⵏⵏⵙⵏⵜ ⴳ ⵎⴰⴷ ⵉⵥⵍⵉⵏ ⵙ ⵜⵙⵓⵍⵜ ⴳ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⴰⴳⵯⵏⵙ ⵏ ⵢⵉⴳⵔ ⴰⵥⵕⴼⴰⵏ, ⴷ ⵉⴳⵉ ⵏ ⵓⵙⵓⵜⴳ ⵉ ⵜⵓⵎⴰⵢⵉⵏ ⵏ ⵜⵎⵢⴰⵇⵇⴰⵏⵉⵏ ⴷ ⵜⴱⵔⵉⴷⵉⵏ ⵏ ⵓⵣⵣⴳⵉⵔ ⵏⵏⵙⵏⵜ (ⴷⴰⵜ ⵏ ⵙⴹⵉⵚ ⵉⵙⴳⴳⵯⴰⵙⵏ ⵅⴼ ⵓⵙⵔⵓⵙ ⵏⵏⵙ ⴳ ⵓⵙⴳⴳⵯⴰⵙ ⵏ 2019) ⴰⴼⴰⴷ ⴰⴷ ⵜⵉⵍⵉⵜ ⵜⵏⴰⵎⵉⵜ ⵏⵏⵙ ⴷ ⵜⵣⵣⵉⴳⵣⵜ ⵏ ⵓⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⴷ ⵜⵏⵥⴰⵕ ⵉⵎⴷⵉⵏ ⵉ ⵢⵉⴳⵔ.  ⵎⴽⵍⵍⵉ ⵙⴷⴷⵉⴷⵏⵜ ⵜⵏⴱⴰⴹⵉⵏ ⵏ ⵢⵉⴳⵔ ⴰⵥⵕⴼⴰⵏ ⵅⴼ ⵜⵎⵔⵉⵙⵜ ⵏⵏⵙⵏⵜ ⴳ ⵓⴱⴷⴷⴰⴷ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⵎⵢⴰⴷⴰⵙⵜ ⵏⵏⵙ ⵜⴰⵣⵓⵏⴰⵏⵜ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⴷⵉⵏⴰⵎⵉⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⵔⵓⵙ ⵏ ⵜⵓⵙⵓⵔⵜ ⵉⵥⴹⴰⵕⵏ ⴰⴷ ⵢⴰⴽⵯⵉ ⵙ ⵉⴳⵔⴰⵏ ⵢⴰⴹⵏⵉⵏ.