ⵉⴼⴽⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ,ⴰⵙⵙ ⵏ ⵓⴽⵕⴰⵚ 29 ⵢⵓⵍⵢⵓⵣ 2026 ⴳ ⵜⵎⴷⵉⵏⵜ ⵏ ⵟⴰⵏⵊⴰ, ⴰⵙⵏⵜⵉ ⴰⵎⴰⴷⴷⵓⴷ ⵏ ⵜⵔⴽⴼⵜ ⵏ ⵓⵏⴱⴷⵓ ⵜⴰⵎⵓⵜⵜⵓⵢⵜ " ⵓⵙⵓⵏ ⵏ ⵜⵣⴷⴳⵉ", ⵏⵏⴰ ⵉⴳⴰⵏ ⵢⴰⵜ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉⵡⴰⵜⵙⵏ ⵜⵉⴳⵎⵉ ⵏ ⵓⴼⵔⴰⴽ ⵏ ⵜⴰⵣⵣⴰⵏⵉⵏ ⵙ ⵜⵏⴼⵔⴰⵔⵜ ⵏ ⵜⵎⵙⴽⵔⵜ ⵉⴱⴷⴷⵏ ⵅⴼ ⵜⵣⴷⴳⵉ ⴷ ⵜⵎⵙⵜⴳⴰⵔⵜ ⴷ ⵜⵎⵓⵔⵉ, ⵎⴰⵢⴰⵏⵏ ⵙ ⵜⵖⴰⵔⵙⵜ ⵏ  ⵉⵎⵓⵙⵙⵓⵜⵏ ⵉⵙⴳⵎⴰⵏⵏ ⴷ ⵉⵎⵢⴰⵖⵏ ⵍⵍⵉ ⵉⵙⴽⵔⵏ ⴰⵙⵙⴰⵔⵓ ⵉ ⵉⵙⴰⵢⵔⴰⵔⵏ ⵏ ⵜⵎⵔⵙⵉⵡⵉⵏ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵡⴰⵔⴰⵢ. 

ⴰⵔ ⵜⵙⵎⵏⵉⵜ ⵜⵔⴽⴼⵜ ⵢⴰⵏ ⵓⵖⴰⵡⴰⵙ ⵉⵙⵎⴷⵏ ⵉⵙⵎⵓⵏⵏ ⴳⵔ ⵓⵍⵎⵎⵓⴷ ⴷ ⵓⴼⵊⴻⵊⵊ, ⵢⵓⵎⴰ ⵜⵉⵙⴰⵡⵔⵉⵏ ⵜⵉⵎⵢⴰⵖⵉⵏ ⴷ ⵉⵎⵓⵙⵙⵓⵜⵏ ⵉⵏⴰⵥⵓⵕⵏ ⴷ ⵉⴷⵍⵙⴰⵏⵏ ⴷ ⵓⵔⴰⵔⵏ ⵉⵙⴳⵎⴰⵎⵏ ⵏⵏⴰ ⵉⵜⵜⵓⵙⵔⴰⵙⵏ ⵙ ⵓⵎⵙⴰⵙⴰ ⴷ ⵜⵎⵢⴰⴷⴰⵙⵉⵏ ⵜⵉⴱⵉⴷⴰⴳⵓⵊⵉⵏ ⵜⵉⵜⵔⴰⵔⵉⵏ ⵉⵙⴽⴰⵔⵏ ⴰⴹⴰⴽⴰⵍ ⵉ ⵉⵎⵣⴰⵔⴰⵢⵏ ⵏ ⵓⵡⵜⴰⵢ ⵏ ⵉⵎⴰⴷⵔⴰⵡⵏ, ⴷ ⵍⵍⵉ ⵉⵙⵡⵓⵔⵉⵏ ⵅⴼ ⵜⴳⵎⵉ ⵏ ⵜⴷⵔⴰⵡⵜ ⴷ ⵓⵣⵔⴰⴽ ⵏ ⵓⵙⵍⴳⵏ ⴷ ⵓⵥⵉⴹⵕ ⵏ ⵜⵎⵙⵜⴳⴳⴰⵔⵜ ⴷ ⵓⵙⴷⵓⵙ ⵏ ⵜⵎⵙⴽⵔⵜ ⵜⵓⵎⵏⵉⴳⵜ ⴳ ⵜⵓⴷⵔⵜ ⵜⴰⴽⵓⵢⴰⵙⵜ  

ⵔⴰⴷ ⵜⴽⴽ ⵜⵔⴽⴼⵜ ⵎⵏⵏⴰⵡ ⵡⴰⵎⵎⴰⵙⵏ ⵏ ⵓⵙⵏⴱⴷ ⵙⴳ ⵍⵊⴱⵀⴰ ⴷ ⵍⵃⴰⵊⴱ ⴷ ⵍⵃⵓⵣⵢⵢⴰ ⴷ ⵚⵚⵡⵉⵕⵢⵢⴰ ⴷ ⵙⵉⴷⵉ ⴽⴰⵡⴽⵉ, ⴰⵢⵍⵍⵉ ⵔⴰⴷ ⵢⴰⵊⵊ ⵜⵉⵎⵉⴹⵉ ⵏ ⵜⴰⵣⵣⴰⵏⵉⵏ ⴰⴷ ⵙⴱⵖⵔⵏ ⴳ ⵓⵖⴰⵡⴰⵙ ⴰⴷ ⵏ ⵓⵙⴼⵔⴽ ⴷ ⵔⴰⴷ ⴰⴷⵙⵏ ⵉ ⵉⵎⵏⵣⴰⵢⵏ ⵏ ⵜⵣⴷⴳⵉ ⵙ ⵜⵖⴰⵔⴰⵙⵜ ⵏ ⵜⵡⵓⵔⵉ ⴷ ⵜⴷⵔⴰⵡⵜ  

ⴳ ⵜⴳⵉⵔⴰ,  ⴰⵔ ⵜⵜⴰⵎⵥⵏ ⵜⴰⵣⵣⴰⵏⵉⵏ ⵍⵍⵉ ⵉⴷⵔⴰⵏ ⴳ ⵓⵎⵓⵙⵙⵓ ⴰⴷ " ⴰⵎⵣⵣⵔⵉ ⵏ ⵉⵡⵓⵜⵜⴰ ⵏ ⵜⵣⴷⴳⵉ" ⵏⵏⴰ ⵜⵜⵙⵎⴰⴷⵏ ⵙ ⵜⵖⴰⵔⴰⵙⵜ ⵉⵙⵙⴽⴼⵍⵏ ⵙⴳ ⵉⵎⵓⵙⵙⵓⵜⵏ ⵢⴰⴹⵏⵉⵏ, ⴷ ⴰⵔ ⵜⵜⴰⵎⵥⵏ ⵢⴰⵜ ⵜⵓⴳⴳⴰⵏ ⵏ " ⴰⵎⵙⵇⴰⴷ ⵏ ⵜⵣⴷⴳⵉ" ⴷ ⵉⵎⴰⵙⵙⵏ ⵢⴰⴹⵏⵉⵏ ⵉⴱⵉⴷⴰⴳⵓⵊⵉⵏ ⴰⵎ ⵢⴰⵏ ⵓⵙⵎⵖⵔ ⵉ ⵜⵎⵢⴰⵖⵜ ⵏⵏⵙⵏ ⴰⴽⴷ ⵜⵓⵎⴰⵢⵉⵏ ⵏ ⵓⵖⴰⵡⴰⵙ ⴷ ⵓⵙⵔⵇⴱ ⵏⵏⵙⵏ ⵅⴼ ⵓⵙⵎⴰⴷ ⵏ ⵜⵙⵏⵙⵉ ⵏⵏⵙ ⴳ ⵓⴳⵯⵏⵙ ⵏ ⵜⵡⵊⵉⵡⵉⵏ ⵏⵏⵙⵏ ⴷ ⵜⵉⵏⵎⴰⵍ ⵏⵏⵙⵏ. 

ⵜⴽⵛⵉⵎ ⵜⵙⵏⵜⴰⵢⵜ ⴰⴷ, ⴳ ⵓⵙⵡⴰⵍⴰ ⴰⵙⵜⵔⴰⵜⵉⵊⵉ ⵏ ⵓⴳⵔⴰⵡ ⵍⵍⵉ ⵉⵡⴰⵜⵙⵏ ⴰⵙⵔⵓⵙ ⵏ ⵓⵙⴳⵎⵉ ⵅⴼ ⵜⵣⴷⴳⵉ ⴰⵎ ⵢⴰⵏ ⵓⵙⴰⴷⴼ ⴰⴷⵙⵍⴰⵏ ⵉ ⵡⴰⵔⴰⵢ ⵙⴳ ⵓⴳⵓⴼⵙⵓ,ⵎⴰⵢⴰⴷ  ⵙⴳ ⵢⴰⵏ ⵓⵙⵍⴽⵏ ⵍⵍⵉ ⵉⴳⴰⵏ ⵎⴰⵙ ⴷ ⵜⵓⵚⴽⴰ ⵏ ⵡⴰⵎⵓⵏ ⵉⴹⴼⵕⵏ ⴰⵙⵍⴳⵏ ⴷ ⵜⵎⵙⵜⴳⴳⴰⵔⵜ ⴰⵔ ⵉⵙⵙⵏⵜⴰⵢ ⵙⴳ ⵓⵙⴳⵎⵉ ⵏ ⵜⵙⵓⵜⵉⵏ ⵏⵏⴰ ⴷ ⵢⵓⵛⴽⴰⵏ ⵅⴼ ⵜⵎⵙⴽⵔⵜ ⵜⴰⵖⵔⵎⴰⵏⵜ ⴷ ⵉⵣⴰⵍⵉⵡⵏ ⵏ ⵉⵔⴼⵙⴰⵏ. ⴰⴷ ⵏⵙⴽⵜⵉ, ⵎⴰⵙ ⴷ ⵜⴰⵔⴽⴼⵜ ⴰⴷ ⵜⴻⵜⵜⵓⵙⵏⵎⴰⵍⴰ ⵙ ⵜⴷⵔⴰⵡⵜ ⴰⴽⴷ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵎⵔⵙⵡⵉⵡⵉⵏ ⵏ ⵓⵏⴱⴷⵓ ⵏ ⵓⵙⴳⴳⵯⴰⵙ 2026, ⴰⵢⵍⵍⵉ ⵉⵎⵎⴰⵍⴰⵏ ⴰⵙⵎⴰⴷ ⵏ ⵜⵓⴳⴳⴰⵙ ⵉⵡⴰⵜⵙⵏ ⴰⴷ ⴳⵉⵏ ⵉⵙⴰⵢⵔⴰⵔⵏ ⵏ ⵜⵎⵔⵙⵉⵡⵉⵏ ⵢⴰⵏ ⵢⵉⴳⵔ ⵏ ⵓⵙⴳⵎⵉ ⵅⴼ ⵜⵎⵓⵔⵉ, ⴳ ⵜⴰⵎⴰ ⵏ ⵜⵉⵍⴰⵍ ⵏⵏⵙ ⵜⵉⵙⴳⵎⴰⵏⵉⵏ ⴷ ⵜⵉⵏ ⵓⴼⵊⵊⴻⵊ